ភ្ញៀវទេសចរមកទស្សនារដ្ឋChinរបស់មីយ៉ាន់ម៉ារើបឡើង
ណៃពិដោ ៖ លោក U Tin Htun Aung លេខាធិការសមាគមទេសចរណ៍មីយ៉ាន់ម៉ាបានឲ្យដឹងថា បរិមាណអ្នកទេសចរដែលមកទស្សនាអតីតរដ្ឋChin ដែលជារដ្ឋមួយមានការរឹតបន្ដឹង
ណៃពិដោ ៖ លោក U Tin Htun Aung លេខាធិការសមាគមទេសចរណ៍មីយ៉ាន់ម៉ាបានឲ្យដឹងថា បរិមាណអ្នកទេសចរដែលមកទស្សនាអតីតរដ្ឋChin ដែលជារដ្ឋមួយមានការរឹតបន្ដឹងរបស់មីយ៉ាន់ម៉ាបានកើនឡើងក្នុងអំឡុងពេលប៉ុន្មានខែនេះ។
ខណៈរដ្ឋមួយនេះបានលើកលែងការដាក់កម្រិតចំពោះភ្ញៀវទេសចរបរទេស រហូតមកទល់នឹងពេលបច្ចុប្បន្នគេសង្កេតឃើញមានអ្នកទេសចរទៅកម្សាន្តតំបន់នោះក្នុងរង្វង់៣០០នាក់ក្នុងមួយខែអំឡុងពេល៤ខែចុងក្រោយនេះពិសេសគឺការធ្វើដំណើរទៅទីតាំងពេញនិយមដូចជា៖Natmataung, Bonetalar fall, MatupiនិងMintat ជាដើម ។
បើតាមស្ថិតិរបស់ក្រសួងទេសចរណ៍និងសណ្ឋាគារ រដ្ឋChin មានអ្នកទៅកម្សាន្តនៅទីនោះត្រឹមតែ១.០២៣នាក់ប៉ុណ្ណោះកាលពីឆ្នាំ២០១៣និង១.២៥៦នាក់ឆ្នាំ២០១៤ ។ ចំណែកពីរខែដំបូងឆ្នាំនេះគេសង្កេតឃើញភ្ញៀវបរទេសមានអត្រាខ្ពស់ ។ លោកបានឲ្យដឹងផងដែរថារដ្ឋមួយនេះបានក្លាទៅជាតំបន់ទេសចរណ៍គួរឲ្យចាប់អារម្មណ៍ថ្មីមួយស្របពេលដែលយើងបានណែនាំពីទិសដៅថ្មីសម្រាប់អ្នកទេសចរ ។
ហេតុដូច្នេះហើយជាមួយនឹងការកើនឡើងនៃភ្ញៀវទេសចរដែលមកទស្សនាតំបន់នេះតាមសណ្ឋាគារ ក៏ដូចជាបុគ្គលិកទាំងឡាយនិងបណ្តាទីភ្នាក់ងារទេសចរណ៍ចាំបាច់ត្រូវតែធ្វើឲ្យកាន់តែប្រសើរឡើងនូវការផ្តល់សេវាកម្មរបស់ខ្លួន ៕
ចែករំលែកព័តមាននេះ