ប្រទេសវៀតណាម ៖ យោងតាមទីភ្នាក់ងារព័ត៌មានវៀតណាម VNA ថា កំពុងតែជួបប្រទះនឹងផលវិបាកធ្ងន់ធ្ងរបំផុតស្រាប់ដោយទឹកជំនន់ ព្រោះព្យុះមួយមុននេះបណ្ដាខេត្តចាប់ពីខេត្តហាទិញដល់ខេត្តធូធៀនវេ តំបន់ភាគកណ្ដាលវៀតណាម កំពុងប្រឈមមុខនឹងព្យុះថ្មីមួយទៀតឈ្មោះ SAUDEI ដែលគ្រោងបោកបក់មកដល់នាប៉ុន្មានថ្ងៃខាងមុខ ។
គិតមកដល់ថ្ងៃទី២១ តុលា វេលាម៉ោង៧ព្រឹកទឹកជំនន់ដែលចាប់ផ្ដើមពីថ្ងៃទី៦ តុលា មក បណ្ដាលឲ្យមនុស្សបាត់បង់ជីវិត១១១នាក់ និងបាត់ខ្លួន២២នាក់ក្នុងតំបន់ភាគកណ្ដាលវៀតណាម ។ ពេលនេះវៀតណាមកំពុងជម្រុញការខិតខំប្រឹងប្រែង ក្នុងការជួយដល់ប្រជាជនដែលរងគ្រោះដោយទឹកជំនន់និងការបាក់ដី ។
វិសម្ពាធត្រូពីកាល់មួយកាលពីថ្ងៃទី២០ តុលា បានប្រែក្លាយទៅជាព្យុះមួយពីលើសមុទ្រនៅភាគ
ខាងកើតហ្វ៊ីលីពីន និងកំពុងបោកបក់មកកាន់សមុទ្រចិនខាងត្បូង ។ ព្យុះនោះជាព្យុះទី១៧នាឆ្នាំ
នេះបានបោកបក់មកដល់សមុទ្រចិនខាងត្បូងនាថ្ងៃទី២១ តុលា ហើយនឹងបណ្ដាលឲ្យមានភ្លៀងធ្លាក់ខ្លាំងនិងខ្យល់បោកបក់ខ្លាំង ពិសេសក្នុងខេត្តហៃណាន់ចិននាថ្ងៃទី២៣មក២៤ តុលា ហើយបោកបក់បន្តមកលើប្រទេសវៀតណាម ៕ ដកស្រង់ចេញពីវេបសាយ ៖ lecourrier
ចែករំលែកព័តមាននេះ