បន្ទាយមានជ័យ៖ គិតត្រឹមព្រឹកថ្ងៃទី ២២ ខែតុលា ឆ្នាំ២០២០ នេះជំនន់ទឹកភ្លៀងបានវាយលុកខេត្តបន្ទាយមានជ័យធ្ងន់ធ្ងរជាងគេក្នុងចំណោមខេត្ត-រាជធានីទាំង ១៩ ដែលរងគ្រោះដោយការជន់លិច ។ ក្នុងនោះគ្រាន់តែបន្ទាយមានជ័យគឺមានអ្នកស្លាប់ដោយគ្រោះធម្មជាតិមួយនេះកើនដល់…
បន្ទាយមានជ័យ៖ គិតត្រឹមព្រឹកថ្ងៃទី ២២ ខែតុលា ឆ្នាំ២០២០ នេះជំនន់ទឹកភ្លៀងបានវាយលុកខេត្តបន្ទាយមានជ័យធ្ងន់ធ្ងរជាងគេក្នុងចំណោមខេត្ត-រាជធានីទាំង ១៩ ដែលរងគ្រោះដោយការជន់លិច ។ ក្នុងនោះគ្រាន់តែបន្ទាយមានជ័យគឺមានអ្នកស្លាប់ដោយគ្រោះធម្មជាតិមួយនេះកើនដល់ ១៩ នាក់ ក្នុងចំណោមអ្នករងគ្រោះបាត់បង់ជីវិតចំនួន ៣៦ នាក់ ។ នេះបើយោងតាមប្រសាសន៍របស់សម្តេចតេជោ ហ៊ុន សែន នាយករដ្ឋមន្ត្រីកម្ពុជា ។
ជាមួយគ្នានោះផងដែរ ជំនន់ទឹកភ្លៀងបានបង្កការប៉ះពាល់ដល់ប្រជាពលរដ្ឋយ៉ាងច្រើនផងដែរ ដែលក្នុងនោះតូលេខពលរដ្ឋរងគ្រោះដោយទឹកជំនន់បាន កើនឡើងដល់ជាង ៤៦ម៉ឺននាក់ ។ នេះបើយោងតាមរបាយការណ៍របស់គណៈកម្មាធិការជាតិគ្រប់គ្រងគ្រោះមហន្តរាយ បានប្រកាសនៅព្រឹកថ្ងៃទី២២ ខែតុលានេះ ។
របាយការណ៍ដដែលបានបន្តថា ជំនន់ទឹកភ្លៀង បានបង្កផលប៉ះពាល់ដល់ ១៩ ខេត្ត-រាជធានី ស្មើនឹង ១១០ ក្រុងស្រុកខណ្ឌ ក្នុងនោះរួមមាន ខេត្ត ពោធិ៍សាត់ ប៉ៃលិន បន្ទាយមានជ័យ ភ្នំពេញ បាត់ដំបង ស្វាយរៀង ឧត្តរមានជ័យ សៀមរាប តាកែវ កំពង់ស្ពឺ មណ្ឌលគិរី ព្រះសីហនុ កោះកុង ព្រះវិហារ ស្ទឹងត្រែង កំពង់ចាម កណ្តាល កំពង់ឆ្នាំង និងខេត្តកំពង់ធំ។
ប្រភពដដែលបានបន្តថា ជំនន់ទឹកភ្លៀង ប៉ះពាល់ប្រជាជនប្រមាណ ១១៥ ៩៤៩ គ្រួសារ ស្មើប្រមាណ ៤៦៣ ៧៩៦ នាក់។ ប្រជាជនជម្លៀសប្រមាណ ១១ ៥២៩គ្រួសារ ស្មើប្រមាណ ៤៦ ១១៦នាក់។ ប្រជាជនស្លាប់ ៣៦នាក់ ( កើនបន្ទាយមានជ័យ ម្នាក់ និងកំពង់ធំ ម្នាក់ )។ រីឯផ្ទះប៉ះពាល់ប្រមាណ ១០៦ ៨៨៧ ខ្នង និងខូចខាត ៦៣ខ្នង។ សាលារៀនលិចទឹកប្រមាណ ៧០៧ កន្លែង។ ស្រូវលិចទឹក ប្រមាណ ២៣២ ២៩៩ ហិកតា និងដំណាំរួមផ្សំលិចទឹក ៨៣ ៧២៩ ហិកតា។ ផ្លូវជាតិ ផ្លូវខេត្ត ផ្លូវគ្រួសក្រហម ប៉ះពាល់ប្រមាណ ៤៦៥ គ.ម និងផ្លូវលំជនបទលិចទឹកប្រមាណ ១ ៦៦៥ គ.ម។
នៅព្រឹកថ្ងៃទី ២២ ខែតុលានេះផងដែរ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នៅបន្តចុះជួបសួរសុខទុក្ខ និងចែកអំណោយជូនប្រជាពលរដ្ឋ ដែលរងគ្រោះដោយសារទឹកជំនន់ នៅក្រុងប៉ោយប៉ែត ខេត្តបន្ទាយមានជ័យ ៕
ចែករំលែកព័តមាននេះ