សន្ទស្សន៍តម្លៃផលិតផលក្នុងស្រុករបស់ម៉ាទ្បេស៊ីថយចុះ0,5%
គូទ្បាទ្បាំពួរ ៖ នាយកដ្ឋានស្ថិតិបានឱ្យដឹងថា សន្ទស្សន៍តម្លៃផលិតផលក្នុងស្រុក (PPI) របស់ប្រទេសម៉ាទ្បេស៊ីសម្រាប់ខែមីនា បានថយចុះប្រមាណជា០,៥% ឬស្មើនឹង១០៤,៨%ធៀប
គូទ្បាទ្បាំពួរ ៖ នាយកដ្ឋានស្ថិតិបានឱ្យដឹងថា សន្ទស្សន៍តម្លៃផលិតផលក្នុងស្រុក (PPI) របស់ប្រទេសម៉ាទ្បេស៊ីសម្រាប់ខែមីនា បានថយចុះប្រមាណជា០,៥% ឬស្មើនឹង១០៤,៨%ធៀប
គូទ្បាទ្បាំពួរ ៖ នាយកដ្ឋានស្ថិតិបានឱ្យដឹងថា សន្ទស្សន៍តម្លៃផលិតផលក្នុងស្រុក (PPI) របស់ប្រទេសម៉ាទ្បេស៊ីសម្រាប់ខែមីនា បានថយចុះប្រមាណជា០,៥% ឬស្មើនឹង១០៤,៨%ធៀបនឹងអត្រា១០៥,៣% កាលពីខែកុម្ភៈ ។
អង្គភាពសាមីបានលើកទ្បើងក្នុងសេចក្តីថ្លែងការណ៍របស់ខ្លួនថា តួលេខខាងលើនេះក៏ព្រោះតែការដាំក្បាលចុះនៃសន្ទស្សន៍ផលិតកម្មក្នុងស្រុក០,៨% ខណៈតម្លៃនាំចូលកើន០,១% ។ ម្យ៉ាងទៀត ពីមួយឆ្នាំទៅមួយឆ្នាំ សន្ទស្សន៍តម្លៃផលិតផលម៉ាទ្បេស៊ីបានធ្លាក់ចុះ៦,១% ពីកម្រិត១១១,៦% ក្នុងខែមីនាឆ្នាំទៅ ដោយសារការថយចុះនៃសន្ទស្សន៍ផលិតកម្មក្នុងស្រុក និងតម្លៃនាំចូល ។
PPI សម្រាប់ផលិតកម្មក្នុងស្រុកក៏មានការបោះពួយចុះដែរប្រមាណជា០,៨% ក្នុងខែមីនា ឆ្នាំ២០១៥ ធៀបនឹងខែមុន នោះក៏ព្រោះតែការធ្លាក់ចុះយ៉ាងខ្លាំងក្នុងវិស័យរ៉ែ៤,៧% និងផលិតកម្មឧស្សាហកម្ម០,៥% ។
ប៉ុន្តែទោះជាយ៉ាងណា សន្ទស្សន៍តម្លៃចំពោះមុខទំនិញដទៃបង្ហាញឱ្យឃើញពីការកើនទ្បើងក្នុងនោះរួមមាន ការផ្គត់ផ្គង់ទឹក (+៣,៩%) អគ្គិសនីនិងឧស្ម័ន (+០,៧%) ។ ចំណែកផ្នែកកសិកម្ម រុក្ខាប្រមាញ់ និងនេសាទ នៅតែមិនប្រែប្រួលទ្បើយ ។ ចំពោះ PPI ពីមួយឆ្នាំទៅមួយឆ្នាំ សម្រាប់ផលិតកម្មក្នុងស្រុកធ្លាក់ចុះ៨,៩% ក្នុងខែមីនា ។ រីឯតម្លៃនាំចូលកើន០,១% ក្នុងអំទ្បុងពេលដូចគ្នាធៀបនឹងខែកុម្ភៈ២០១៥ ខណៈពីមួយឆ្នាំទៅមួយឆ្នាំថយចុះ០,៤% ៕
ចែករំលែកព័តមាននេះ