ប្រទេសវៀតណាម ៖ តាមទីភ្នាក់ងារព័ត៌មានវៀតណាម VNA ថានាយករដ្ឋមន្ត្រីវៀតណាម លោកង្វៀន ស៊ុនភុក បានស្នើកាលពីថ្ងៃទី១៨ តុលា ឲ្យពង្រឹងការជួយសង្គ្រោះនិងដោះស្រាយបណ្ដាផលវិបាកដោយសារទឹកជំនន់ និងការបាក់ដីឆក់យកជីវិតមនុស្សជាច្រើន នាភាគកណ្ដាលនិងតំបន់ខ្ពង់រាបភាគកណ្ដាល ពិសេសក្នុងខេត្តធូរធៀនវេ និងខេត្តក្វាងទ្រី ។
នាយករដ្ឋមន្ត្រីវៀតណាមបានស្នើដល់បណ្ដាមូលដ្ឋានឲ្យផ្ដល់បណ្ដាជំនួយចាំបាច់បន្ទាន់ដល់ជនរងគ្រោះ បន្តត្រួតពិនិត្យនិងពិនិត្យសារជាថ្មីបណ្ដាតំបន់ដែលមានហានីភ័យខ្ពស់ ដើម្បីជម្លៀស
ប្រជាជនចេញឲ្យបានទាន់ពេលវេលា ។
តាមតួលេខផ្លូវការថា ទឹកជំនន់ និងការបាក់ដីនៅវៀតណាម បណ្ដាលឲ្យមនុស្សបាត់បង់ជីវិតថ្មីយ៉ាងតិច៣៧នាក់ បាត់ខ្លួន១៩នាក់ និង១៥នាក់រងរបួស និងជន់លិចឃុំ៨០ដែលមានប្រជាជនប្រមាណជាជាង៥៣.៧០០គ្រួសារ ។
កាលពីថ្ងៃទី១៨ តុលា វេលាម៉ោង១៧និង៣០នាទីម៉ោងក្នុងស្រុក សាកសពមនុស្ស១៤នាក់បាន
ត្រូវរកឃើញ ក្រោយការបាក់ដីដែលកប់នាយទាហាន និងពលទាហាននៃកងឯកភាពលេខ៣៣៧ នៃយោធភូមិភាគទី៤ចំនួន២២នាក់ ។ ពួកគេបានបាត់ខ្លួននៅឃុំ HUONG PHUNG ស្រុកHUONG HOA ខេត្តក្វាងទ្រី ។
ភ្លៀងបានធ្លាក់ខ្លាំងបំផុតរយៈពេលជិត១ខែមកហើយក្នុងតំបន់ដ៏ធំបណ្ដាលឲ្យមានការបាក់ដី
និងទឹកជំនន់ភ្លាមៗក្នុងមូលដ្ឋានមួយចំនួននាភាគកណ្ដាល និងបណ្ដាតំបន់ខ្ពង់រាបភាគកណ្ដាល។
តុល្យការទឹកជំនន់គិតមកដល់វេលាម៉ោង១៨ថ្ងៃទី១៨ តុលា ចំនួនអ្នកបាត់បង់ជីវិតសរុបបានឡើងដល់៨៤នាក់បាត់ខ្លួន៣៨នាក់ ។ ផ្ទះយ៉ាងតិច៥២.៩៣៣ខ្នងត្រូវទឹកជន់លិច និងផ្ទះ២៤.៧៣៤ខ្នងរងការបំផ្លាញ ៕ ដកស្រង់ចេញពីវេបសាយ ៖ vn
ចែករំលែកព័តមាននេះ