ផ្លូវបំបែក​ជា​បួន​រង្វង់​មូល​យាយជី​ច្រូតស្រូវ ត្រូវ​បាន​ទឹកជំនន់​លិច​ផ្លូវ​ចូល​ផ្សារ​មង្គល​បូ​រី


ខេត្តបន្ទាយមានជ័យ ៖ ផ្លូវបំបែក​ជា​បួន​យាយជី​ច្រូតស្រូវ​ត្រូវ​បាន​ទឹកជំនន់​ជន់​លិច​កន្លែង​ខ្លះ​ទឹក​ជ្រៅ​ជិត​កន្លះ​ម៉ែត្រ​ដែល​ចរាចរណ៍​ឆ្លងកាត់​ជួប​ការ​លំបាក់​ថ្ងៃ​ទី​១៦ ខែតុលា ឆ្នាំ​២០២០ ដែល​ស្ថិត​ភូមិ​សា​ស្គ្រ​ឃុំ​ឫស្សី​ក្រោក ស្រុក​មង្គល​បូ​រី​។ គួ​រំលឹក​ថា​៖ ក្រោយ​ទឺ​ក​ជំនន់​ធ្លាក់​ផ្នែក​ខាងលើ​ពី​ខេត្តបាត់ដំបង និង​ទឹកជំនន់​ធ្លាក់​ថៃ និង​ជំនន់​ទឹកភ្លៀង ស្រុង​ពីលើ​មក​លិច​ខាងក្រោម​ដែល​កំពុង​ជន់​លិច​រង​គ្រោះ​ធ្ងន់ធ្ងរ​ស្រុក​មង្គល​បូ​រី និង​ក្រុង​សិរី​សោភ័ណ​។

ជាក់ស្តែង​កំពុង​លិច​ផ្លូវបំបែក​ជា​បួន​យាយជី​ច្រូតស្រូវ​ស្រុក​មង្គល​បូ​រី និង​ផ្លូវជាតិ​លេខ​៥ ពី​ស្រុក​មង្គល​បូ​រី ទៅ​ក្រុង​សិរី​សោភ័ណ​ប្រវែង​ជិត​១០​គីឡូម៉ែត្រ​ពី​ចំណុច​មុខ​វិទ្យាល័យ​ម​ង្ក​ល​បូ​រី ដល់​ស្ពាន​ខ្ពស់​ប្រវែង​ជិត​១​គីឡូម៉ែត្រ និង​ផ្លូវបំបែក​ចូល​ផ្សារ​មង្គល​បូ​រី ដែល​ត្រូវ​បាន​ជន​លិច​និង​កន្លែង​ខ្លះ​ទឹក​ហូរ​កាត់ និង​ច្រុះ​ដាច់​ផ្លូវ ដែល​ចរាចរណ៍​ទៅ​មក​ជួប​ការ​លំបាក​។ ប្រធាន​មន្ទី​សាធារណៈការ និង​ដឹក​ជញ្ជូន​ខេត្តបន្ទាយមានជ័យ​លោក សុក ចាន់​ថា បាន​ឲ្យ​ដឹង​ថា​៖

ក្រសួង​បាន​ជូនដំណឹង​ឲ្យ​រថយន្ត​ធំ​ផ្អាក​ចរាចរណ៍​ឆ្លងកាត់​ផ្លូវជាតិ​លេខ​៥ នៅ​ពេល​ដែល​រង​គ្រោះ​ដោយ​ទឹកជំនន់​។ ទូ​ទាំង​ខេត្តបន្ទាយមានជ័យ​ផ្លូវ​ដែល​រង​ការ​ខូចខាត​ដោយ​ទឹកជំនន់​លិច និង​ហូរ​ច្រោះ​ដាច់​៣៨៦​កន្លែង ស្មើ​ប្រវែង​២១២,៦៨៣​ម៉ែត្រ ក្នុង​នោះ​នៅ​ស្រុក​មង្គល​បូ​រី​មាន​១៧៧​កន្លែង ស្មើ​ប្រវែង​១៧៧,១៤៧​ម៉ែត្រ​៕ ដោយ ៖ ប៊ុ​ន ធឿ​ន

Facebook Google Twitter Email

Live

Sponsored News

ការស្ទង់មតិគេហទំព័រថ្មី




    សូម​អរគុណ