ទោះបីជាផ្កាសាគូរ៉ា នៅប្រទេសជប៉ុនចាប់ផ្តើមរុះរោយក៏ដោយ ប៉ុន្តែផ្កាប្រភេទផ្សេងទៀតចាប់ផ្តើមរីកស្គុសស្គាយរង់ចាំទទួលអ្នកទេសចរ និងមានភាពស្រស់ប្រណីតនៅក្នុងខេត្តណាង៉ាសាគី ប្រទេសជប៉ុន ។
សារព័ត៌មានបរទេសកាលពីពេល ថ្មីៗកន្លងមកផ្សាយថា ឧទ្យានផ្កា Pink Moss ពណ៌ស៊ីជម្ពូ កំពុងរីកស្គុសស្គាយនៅឧទ្យានសាធារណៈក្រុងស៊ីម៉ាបារ៉ា ខេត្តណាង៉ាសាគី ដោយមានផ្កាជាង២៧០.០០០ទង រង់ចាំស្វាគមន៍អ្នកទេសចរនៅក្នុងឧទ្យានមានក្រឡាផ្ទៃជាង២៣.០០០ម៉ែត្រការ៉េ ។
ផ្កា Pink Moss នឹងចាប់ផ្តើមរីកស្រស់ស្រាយតាំងពីដើមខែមេសា រហូតដល់ចុងខែមេសា ។ អ្នកទេសចរដែលចូលទស្សនាផ្កាPink Moss ក្នុងម្នាក់ត្រូវថ្លៃ៣០០យ៉េន និងក្មេងអាយុក្រោម១៨ឆ្នាំ ចូលទស្សនាដោយឥតគិតថ្លៃ ៕
ចែករំលែកព័តមាននេះ