បែកធ្លាយ! John Cena រៀបការស្ងាត់ៗជាមួយមិត្តស្រីជាផ្លូវការ
សហរដ្ឋអាមេរិក ៖ កំពូលអ្នកកីឡាកាស John Cena ត្រូវបានរាយការណ៍ថា បានរៀបការស្ងាត់ៗជាមួយមិត្តស្រីដែលមានទំនាក់ទំនងគ្នាតាំងពីឆ្នាំ២០១៩ គឺនាង Shay Shariatzadeh។…
សហរដ្ឋអាមេរិក ៖ កំពូលអ្នកកីឡាកាស John Cena ត្រូវបានរាយការណ៍ថា បានរៀបការស្ងាត់ៗជាមួយមិត្តស្រីដែលមានទំនាក់ទំនងគ្នាតាំងពីឆ្នាំ២០១៩ គឺនាង Shay Shariatzadeh។…
សហរដ្ឋអាមេរិក ៖ កំពូលអ្នកកីឡាកាស John Cena ត្រូវបានរាយការណ៍ថា បានរៀបការស្ងាត់ៗជាមួយមិត្តស្រីដែលមានទំនាក់ទំនងគ្នាតាំងពីឆ្នាំ២០១៩ គឺនាង Shay Shariatzadeh។
អ្នកកីឡាកាស និងជាតារាសម្តែងហូលីវីដវ័យ ៤៣ឆ្នាំរូបនេះ បានដឹកដៃមិត្តស្រី Shay Shariatzadeh វ័យ ៣១ឆ្នាំរបស់ខ្លួន ទៅកាន់ការិយាល័យមេធាវីកាលពីថ្ងៃច័ន្ទកន្លងទៅ ព្រមទាំងបានធ្វើពិធីរៀបការស្ងាត់ៗលក្ខណៈឯកជនមួយនៅក្នុងទីក្រុង Tampa រដ្ឋ Florida នេះបើយោងតាមរបាយការណ៍ពីទស្សនាវដ្តីដ៏ល្បីល្បាញរបស់សហរដ្ឋអាមេរិក People បានធ្វើការចុះផ្សាយ។
តាមប្រភពដដែលបានបន្តថា ប្តីប្រពន្ធថ្មីថ្មោងមួយគូនេះ បានចាប់ផ្តើមមានទំនាក់ទំនងគ្នាតាំងពីខែមីនា ឆ្នាំ២០១៩មកម្ល៉េះ នៅក្រោយពេលដែល John Cena បានបែកបាក់គ្នាជាមួយអតីតគូដណ្តឹងរបស់ខ្លួន គឺនាង Nikki Bella។
សូមបញ្ជាក់ថា John Cena ធ្លាប់បានឆ្លងកាត់ជីវិតប្តីប្រពន្ធម្តងរួចមកហើយ បន្ទាប់ពីបានរៀបការជាមួយអតីតប្រពន្ធគឺនាង Elizabeth Huberdeau កាលពីឆ្នាំ ២០០៩ ប៉ុន្តែចំណងអាពាហ៍ពិពាហ៍មួយនេះ ត្រូវបានប្រេះឆានៅក្នុងឆ្នាំ ២០១២៕
ចែករំលែកព័តមាននេះ