ចិនក្លាយជាអ្នកបិតស្រាធំជាងគេបំផុតទី2ពិភពលោក
ប៉េកាំង ៖ តាមតួលេខចេញផ្សាយដោយអង្គការផលិតស្រាអន្តរជាតិបង្ហាញថា បច្ចុប្បន្នប្រទេសចិនបានគ្រប់គ្រងតំណែងជាអ្នកបិតស្រាធំជាងគេបំផុតទី២លើពិភពលោក បន្ទាប់ពីអេស្ប៉ាញ
ប៉េកាំង ៖ តាមតួលេខចេញផ្សាយដោយអង្គការផលិតស្រាអន្តរជាតិបង្ហាញថា បច្ចុប្បន្នប្រទេសចិនបានគ្រប់គ្រងតំណែងជាអ្នកបិតស្រាធំជាងគេបំផុតទី២លើពិភពលោក បន្ទាប់ពីអេស្ប៉ាញ និងបានរុញច្រានបារាំងឱ្យធ្លាក់មកលំដាប់លេខរៀងទី៣ ។
ទិន្នន័យកាលពីឆ្នាំ២០១៤ បង្ហាញថា ប្រទេសចិនមានផ្ទៃដីបង្កបង្កើនផលដាំណាំសម្រាប់បិតស្រាចំនួន៧៩៩.០០០ហិកតា ធៀបនឹងអេស្ប៉ាញ១,០២លានហិកតា ។ ចំណែកបារាំងនៅតែជាអ្នកផលិតស្រាធំជាងគេបំផុតដដែលលើពិភពលោក គឺផលិតបាន៤៧លានហិតូលីត្រ កាលពីឆ្នាំមុន ហើយក៏ជាអ្នកលក់ចេញទៅបរទេសបានច្រើនជាងគេដែរ ក្នុងទំហំទឹកប្រាក់៨,៤ពាន់លានដុល្លារ ។ រីឯសហរដ្ឋអាមេរិក គឺជាអតិថិជនធំជាងគេដែលទទួលអស់ប្រមាណជា៣១០.០០០ហិតូលីត្រ ឬ១៣%នៃការនាំចូលមកពីជុំវិញពិភពលោក ដែលតាមពីក្រោយដោយបារាំង និងអុីតាលី ។ ដោយឡែកចិនបានស្ទុះឡើងយ៉ាងលឿនធ្វើជាអ្នកប្រកួតប្រជែងធំមួយក្នុងការដាំទំពាំងបាយជូរដែលស្មើនឹង១១% នៃដែនដីដែលបានផ្តល់ឱ្យលើចម្ការទំពាំងបាយជូរកាលពីឆ្នាំមុនកើនឡើង៤% ពីឆ្នាំ២០០០ ។
អ្នកនាំចូលស្រាធំជាងគេបំផុត គឺប្រទេសអាល្លឺម៉ង់ អង់គ្លេស និងសហរដ្ឋអាមេរិក ដែលមានទំហំពាណិជ្ជកម្មជំនួញនេះលើពិភពលោកសរុបចំនួន២៦ពាន់លានអឺរ៉ូ ៕
ចែករំលែកព័តមាននេះ