លុយអាចជះឥទ្ធិពលយ៉ាងខ្លាំងលើអាពាហ៍ពិពាហ៍របស់មនុស្ស មិនថាដោយវិជ្ជមាន ឬអវិជ្ជមានទេ។ ជាទូទៅ បញ្ហាលុយជាបញ្ហាធំជាងគេដែលនាំឲ្យគូស្វាមីភរិយាបញ្ចប់ចំណងអាពាហ៍ពិពាហ៍របស់ពួកគេដែរ។ ប៉ុន្តែប្រសិនបើគូស្វាមីភរិយាអាចគ្រប់គ្រងលុយដោយល្អ វាអាចនាំយកសុភមង្គលមកឲ្យអ្នកទាំងពីរវិញ ។ ខាងក្រោមគឺជាអ្វីដែលគូស្វាមីភរិយាត្រូវជៀសវាងប្រសិនបើអ្នកមិនចង់ឲ្យលុយបំផ្លាញអាពាហ៍ពិពាហ៍របស់អ្នក៖
១. ការលក់លុយ
គ្រប់គូស្នេហ៍ទាំងអស់តែងតែមានអ្នកដែលចូលចិត្តចាយ និងអ្នកចូលចិត្តសន្សំ។ ជាទូទៅ អ្នកដែលចូលចិត្តសន្សំភ័យខ្លាចទម្លាប់ចាយវាយរបស់ភាគីម្ខាងទៀត ទើបពួកគេចាប់ផ្តើមលួចសន្សំលុយដោយសម្ងាត់។ តើវាមានជាបញ្ហាអ្វីដែរ?
ទំនាក់ទំនងទាំងអស់ត្រូវការការជឿទុកចិត្តគ្នាទៅវិញទៅមក។ ការលាក់លុយមិនជាបញ្ហាទេរហូតដល់ភាគីម្ខាងទៀតប្រទះឃើញ។ ការលក់លុយបង្ហាញទៅភាគីម្ខាងទៀតថាអ្នកមិនជឿទុកចិត្តគ្នាដែលអាចបង្កឲ្យមានជំលោះផ្សេងៗ។
២. ការលក់បំណុល
ក្រៅពីរឿងលុយហើយ រឿងបំណុលក៏ជាអ្វីដែលអ្នកមិនត្រូវលក់គ្នាទៅវិញទៅមកដែរ។ ជាទូទៅ មនុស្សដែលជ្រើសរើសការលក់បាំងពីបំណុលដែលខ្លួនមានបានធ្វើការសម្រេចចិត្តនេះព្រោះតែអារម្មណ៍ខ្មាសអៀន។ ប៉ុន្តែអ្នកមិនអាចធ្វើការសម្រេចចិត្ត និងរៀបចំផែនការទាក់ទិននឹងលុយបានល្អទេប្រសិនបើអ្នកមិនយល់ពីស្ថាបការរបស់ភាគីម្ខាងទៀតច្បាស់លាស់។
៣. ការរិះលុយពេក
ទោះជាការចេះសន្សំលុយជាទម្លាប់ល្អពិតមែនក្តី វាមិនមែនមានន័យថាអ្នកមិនអាចចាយលុយដែលខិតខំរកមកបានទាល់តែសោះទេ។ អ្នកត្រូវដឹងថាដៃគូរបស់អ្នកមានគោលដៅអ្វី ហើយពួកគេជាមនុស្សបែបណា មុននឹងធ្វើការសម្រេចចិត្តលើការចាយវាយជាមួយគ្នា។
៤. ការចាយលុយច្រើនពេក
ប្រសិនបើអ្នក និងដៃគូរបស់អ្នកមានកំណត់ការចាយវាយច្បាស់លាស់ អ្នកមានទំនួលខុសត្រូវក្នុងការអនុវត្តតាមផែនការនោះ។ ការរៀបចំផែនការចាយវាយជាមួយគ្នាមានន័យថាអ្នកទាំងពីរយល់ស្របទៅនឹងផែនការនោះ ហើយអ្នកទាំងពីរត្រូវតែព្យាយាមអនវុត្តតាម ៕
ចែករំលែកព័តមាននេះ