ពេលវេលាជាមាសប្រាក់ ។ អ្នកប្រហែលជាលឺប្រយោគនេះជាច្រើនដងមកហើយជាពិសេសក្នុងពិភពអាចីវកម្ម។ ប៉ុន្តែតើពេលវេលារបស់អ្នកមានតម្លៃប៉ុន្មានឲ្យពិតប្រាកដ? ប្រសិនបើអ្នកកំពុងតែធ្វើការ Freelance ឬ ផ្តល់សេវាប្រឹក្សា តើអ្នកធ្វើយ៉ាងដូចម្តេចដើម្បីដឹងពីថ្លៃសេវារបស់អ្នក? ជាដំបូង…
ពេលវេលាជាមាសប្រាក់ ។ អ្នកប្រហែលជាលឺប្រយោគនេះជាច្រើនដងមកហើយជាពិសេសក្នុងពិភពអាចីវកម្ម។ ប៉ុន្តែតើពេលវេលារបស់អ្នកមានតម្លៃប៉ុន្មានឲ្យពិតប្រាកដ? ប្រសិនបើអ្នកកំពុងតែធ្វើការ Freelance ឬ ផ្តល់សេវាប្រឹក្សា តើអ្នកធ្វើយ៉ាងដូចម្តេចដើម្បីដឹងពីថ្លៃសេវារបស់អ្នក?
ជាដំបូង អ្នកប្រហែលជាព្យាយាមដឹងពីថ្លៃសេវាគិតម៉ោងដោយសាកសួរមនុស្សដែលធ្វើការស្រដៀងនឹងអ្នកជាដើម។ ប៉ុន្តែអ្នកត្រូវដឹងថា ម៉ោងដែលអ្នកធ្វើការឲ្យអតិថិជនម្នាក់គួរតែបូកផ្សំនូវម៉ោងដែលអ្នកត្រូវខិតខំសិក្សាស្រាវជ្រាវ និងធ្វើការផ្សព្វផ្សាយពីខ្លួនឯងផងដែរ មិនមែនគ្រាន់តែគិតពេលដែលអ្នកចំណាយលើកិច្ចការនោះទេ។ លើសពីនេះទៅទៀត អ្នកត្រូវគិតពីពេលវេលាដែលអ្នកអាចចំណាយលើការងារ ឬការវិនិយោគផ្សេងៗដែលអាចរកចំណូលឲ្យអ្នកផងដែរ។
វិធីងាយមួយក្នុងការគណនាគឺការគណនាតាមប្រាក់ចំណូលរបស់អ្នកប្រចាំឆ្នាំ។ ឧទាហរណ៍ថាអ្នករកចំណូលបាន ១០ម៉ឺនដុល្លារក្នុងមួយឆ្នាំ និងអាចធ្វើការក្រៅបាន ១ពាន់ម៉ោងក្នុងមួយឆ្នាំក្នុងចំណោម២ពាន់ម៉ោងដែលអ្នកមានសរុប។ បើអ្នកយក ១០ម៉ឺនទៅចែកនឹង ១ពាន់ម៉ោងនោះអ្នកនឹងឃើញថាតម្លៃនៃពេល១ម៉ោងរបស់អ្នកស្មើ ១០០ដុល្លារ។
វាជារូបមន្តងាយមួយ តែវាអាចឲ្យអ្នកយល់ដឹងកាន់តែច្បាស់ពីតម្លៃខ្លួន និងពេលវេលារបស់អ្នក។ ហើយចំណេះដឹងនេះនឹងជួយដល់អ្នកក្នុងការរៀបចំផែនការហិញ្ញវត្ថុ និងការរស់នៅប្រចាំថ្ងៃ។ ប៉ុន្តែមេរៀនសំខាន់មួយទៀតគឺពេលវេលាមានតម្លៃណាស់។ ពេលដែលអ្នកយល់ដឹងពីតម្លៃពេលវេលារបស់អ្នកហើយ អ្នកនឹងមិនខ្ជះខ្ជាយវាលើអ្វីដែលមិនមានប្រយោជន៍សម្រាប់អ្នកឡើយ។
អ្នកក៏អាចយករូបមន្តនេះទៅប្រើក្នុងកន្លែងការងារដែរ។ ប្រសិនបើអ្នកមានបុគ្គលិកដែលធ្វើការក្រោមអ្នក អ្នកអាចគណនាពីប្រាក់ចំណូលដែលបុគ្គលិកម្នាក់ជួយរកឲ្យក្រុមហ៊ុន រួចចែកវាជាមួយនឹងម៉ោងធ្វើការរបស់ពួកគេ ព្រមទាំងធ្វើការកែសម្រួលប្រាក់ខែរបស់ពួកគេតាមនោះ។ ប្រសិនបើអ្នកសម្រេចចិត្តមិនផ្តល់ជាការតំឡើងប្រាក់ខែ អ្នកត្រូវតែវិនិយោគថវិកានោះទៅលើបុគ្គលិករបស់អ្នកវិញដើម្បីផ្តល់ឱកាស និងជំរុញទឹកចិត្តឲ្យពួកគេបន្តខិតខំប្រឹងប្រែង។
ពេលវេលាគឺជាធនធានដែលមានកំណត់សម្រាប់មនុស្សគ្រប់គ្នា។ រាល់វិនាទីរបស់អ្នកមានតម្លៃណាស់ ហើយពេលដែលអ្នកយល់ដឹងពីតម្លៃនៃពេលវេលារបស់អ្នក អ្នកនឹងអាចធ្វើឲ្យខ្លួនមានទំនួលខុសត្រូវជាងមុន និងអាចជំរុញខ្លួនមានជំនឿចិត្តលើខ្លួនជាងមុនផងដែរ។ លើសពីនេះទៅទៀត វាជួយឲ្យអ្នកយល់ដឹងពីតម្លៃនៃពេលវេលារបស់អ្នកដទៃដែលអនុញ្ញាតឲ្យអ្នកគោរពដល់ពួកគេ ៕
ចែករំលែកព័តមាននេះ