ការផ្ទុះជំងឺកូវីដ ១៩ បានជំរុញឲ្យមនុស្សកាន់តែច្រើនធ្វើការទិញទំនិញអនឡាញ។ ទោះជាការចាប់ផ្តើមអាជីវកម្មមួយដោយខ្លួនឯងជាគំនិតដ៏គួរឲ្យចាប់អារម្មណ៍មួយពិតមែនក្តី អ្នកមានចំណុចច្រើនណាស់ដែលត្រូវពិចារណាមុនពេលធ្វើការសម្រេចចិត្ត។ ប្រសិនបើអ្នកមានចិត្តចង់ចាប់ផ្តើមអាជីវកម្មលក់អនឡាញ អ្នកគួរតែដឹងពីចំណុចសំខាន់ៗខាងក្រោមជាមុនសិន៖
១. បទពិសោធន៍អ្នកប្រើប្រាស់
ប្រព័ន្ធសង្គមបានចេញនូវបច្ចេកវិទ្យា និងកម្មវិធីថ្មីៗដែលបង្កឲ្យអតិថិជនមានទម្លាប់ថ្មីក្នុងការទិញទំនិញអនឡាញ។ ដោយហេតុដូចនេះហើយអ្នកត្រូវតែធានាថាអតិថិជនរបស់អ្នកមានបទពិសោធន៍ល្អៗពេលដែលជ្រើសរើសអាជីវកម្មរបស់អ្នក។
អតិថិជនជាច្រើននឹងមិនសម្រេចចិត្តទិញប្រសិនបើដំណើរការក្នុងការទិញមានភាពស្មុគស្មាញ ឬទាមទារពេលវេលាយូរពេក។
២. រូបភាព
ជាទូទៅ ចំណុចដែលទាក់ទាញសម្រាប់អាជីវកម្មអនឡាញគឺរូបភាពដែលមានលើ Page របស់អ្នក។ អាជីវកម្មដែលមាន Cover Photo ស្អាតៗ មានឱកាសទាក់ទាញអតិថិជនច្រើនជាងអាជីវកម្មដទៃផងដែរ។ ក្រៅពីនេះហើយ រូបថតសម្រាប់ផលិតផលរបស់អ្នកក៏គួរតែមានភាពទាក់ទាញដែរ។ ប្រសិនបើអ្នកមានសមត្ថភាព អ្នកគួរតែរកអ្នកជំនាញច្បាស់លាស់ដើម្បីជួយថតរូប និងកែរូបភាពសម្រាប់អ្នក។
៣. ការផុស
ការមានយុទ្ធសាស្ត្រទីផ្សារច្បាស់លាស់នឹងជួយទាក់ទាញអតិថិជនសម្រាប់អឫជីវកម្មអ្នក។ វាមិនទាមទារឲ្យអ្នកត្រូវធ្វើការ Boost គ្រប់ពេលទេ ព្រោះប្រសិនបើអតិថិជនរបស់អ្នកចូលចិត្តអ្វីដែលអ្នកចែករំលែក ពួកគេនឹងចូលទៅមើល Page របស់អ្នកដោយខ្លួនឯង និងជួយធ្វើការចែករំលែកទៅមិត្តរបស់ពួកគេថែមទៀត។
ដើម្បីបង្កើតបានយុទ្ធសាស្ត្រល្អ អ្នកត្រូវធ្វើការស្រាវជ្រាវពីដៃគូប្រកួតប្រជែងរបស់អ្នក ស្តាប់មតិរបស់អតិថិជនរបស់អ្នក និងព្យាយាមរកមើលអ្វីដែលអតិថិជនរបស់អ្នកពេញចិត្ត ៕
ចែករំលែកព័តមាននេះ