រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា នាព្រឹកថ្ងៃទី១៣ តុលា ឆ្នាំ២០២០ គេសង្កេតឃើញថា ស្ថានភាពទឹកនៅស្ទឹងព្រែកត្នោត ត្រង់ចំណុចស្ពាន៧មករា តាមបណ្តោយផ្លូវជាតិលេខ៣…
រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា នាព្រឹកថ្ងៃទី១៣ តុលា ឆ្នាំ២០២០ គេសង្កេតឃើញថា ស្ថានភាពទឹកនៅស្ទឹងព្រែកត្នោត ត្រង់ចំណុចស្ពាន៧មករា តាមបណ្តោយផ្លូវជាតិលេខ៣ ស្ថិតក្នុងភូមិទឹកថ្លា សង្កាត់ក្រាំងពង្រ ខណ្ឌដង្កោ រាជធានីភ្នំពេញ គឺទឹកបានហក់ឡើងយ៉ាងខ្លាំងមានកម្ពស់ដល់៦,១០ម៉ែត្រ និងបានពេញព្រៀបលើស្ពានទៅហើយ ។ គួររំលឹកថា ត្រៀមទប់ទល់! សល់តែ៣តឹកទៀត ទឹកស្ទឹងព្រែកត្នោតនឹងប្រកាសអាសន្នហើយ (វីដេអូ)
ជាមួយនឹងស្ថានភាពទឹកឡើងបែបនេះ បើតាមសមត្ថកិច្ចដែលប្រចាំការនៅត្រង់ចំណុចនេះបានបញ្ជាក់ថា ទឹកឡើងដល់កម្រិតប្រកាសអាសន្នហើយ ព្រោះតែស្ថានភាពទឹកនៅតែបន្តហក់ឡើង ដោយសារទឹកហូរមកខ្លាំងពីខាងខេត្តកំពង់ស្ពឺ ។
បើតាមសមត្ថកិច្ចបានឱ្យដឹងបន្តថា ផ្ទះរបស់ប្រជាពលរដ្ឋច្រើនរយខ្នងនៅតំបន់ខាងលើនេះមានការជន់លិចជាបន្តទៀតរហូតដល់១០សង្កាត់ទៅហើយ ។
ស្ថានភាពទឹកជន់លិចបែបនេះ សមត្ថកិច្ចខណ្ឌដង្កោបានអំពាវនាវដល់ប្រជាពលរដ្ឋមានការប្រុងប្រយ័ត្នខ្ពស់ ជាពិសេសកូនចៅតូចៗ និងសត្វអសិរពិសផ្សេងៗជាដើម ។
គិតត្រឹមវេលាម៉ោង១០និង២២នាទីព្រឹកថ្ងៃទី១៣ តុលា ឆ្នាំ២០២០ នេះដែរ កម្លាំងនគរបាលនិងសណ្ដាប់ធ្នាប់ខណ្ឌដង្កោ ព្រមទាំងនគរបាលប៉ុស្តិ៍ក្រាំងពង្រកំពុងប្រចាំការតាមដានស្ថានភាពទឹកនៅចំណុចខាងលើនោះជាបន្តទៀត ។ ព័ត៌មានលម្អិតនឹងមានផ្សាយជូននៅពេលក្រោយ ៕ (កែសម្រួលដោយ ៖ ធីតា)
ចែករំលែកព័តមាននេះ