ខេត្តកំពង់ឆ្នាំង ៖ ក្នុងស្ថានភាពទឹកជំនន់ដែលកំពុងតែបង្កឡើងនៅខេត្តពាយ័ព្យនៃប្រទេសកម្ពុជា មានដូចជាបន្ទាយមានជ័យ, បាត់ដំបង, ពោធិ៍សាត់ និងនៅខេត្តកំពង់ឆ្នាំង ជំនន់ទឹកភ្លៀងក៏មានការកើនឡើងគួរកត់សម្គាល់។ ក្នុងស្ថានភាពបែបនេះធ្វើឲ្យមន្ត្រីជំនាញរួមទាំងកងកម្លាំងប្រដាប់អាវុធក៏បានត្រៀមចេញអន្តរាគមន៍ឲ្យទាន់ពេលវេលាផងដែរ ។…
ខេត្តកំពង់ឆ្នាំង ៖ ក្នុងស្ថានភាពទឹកជំនន់ដែលកំពុងតែបង្កឡើងនៅខេត្តពាយ័ព្យនៃប្រទេសកម្ពុជា មានដូចជាបន្ទាយមានជ័យ, បាត់ដំបង, ពោធិ៍សាត់ និងនៅខេត្តកំពង់ឆ្នាំង ជំនន់ទឹកភ្លៀងក៏មានការកើនឡើងគួរកត់សម្គាល់។ ក្នុងស្ថានភាពបែបនេះធ្វើឲ្យមន្ត្រីជំនាញរួមទាំងកងកម្លាំងប្រដាប់អាវុធក៏បានត្រៀមចេញអន្តរាគមន៍ឲ្យទាន់ពេលវេលាផងដែរ ។
លោក ដោក ប៊ុនថុន ប្រធានមន្ទីរធនធានទឹក និងឧតុនិយម ខេត្តកំពង់ឆ្នាំង បានប្រាប់ភ្នាក់ងារយើងនៅព្រឹកថ្ងៃទី១២ តុលា នេះថា ដោយស្ថានភាពទឹកភ្លៀងធ្លាក់ខ្លាំងនៅផ្នែកខាងលើ នៅថ្ងៃទី១០ និង១១ តុលា បណ្តាលឱ្យជំនន់ទឹកភ្លៀងបានសម្រុកធ្លាក់មកយ៉ាងខ្លាំង និងបានជម្រុលធ្លាក់មកដល់ប៉ែកខាងលើនៃស្រុកសាមគ្គីមានជ័យ ក្នុងស្ថានភាព ទឹកជម្រុលខ្លាំងបែបនេះ មន្ត្រីជំនាញ ក៏បានទៅបើកទ្វារទឹកទាំងអស់នៃទំនប់អន្លង់ជ្រៃ ដែលជា មុចទឹកធំបំផុតជាប់ព្រំប្រទល់ខេត្តកំពង់ស្ពឺ ខេត្តកំពង់ឆ្នាំង ដើម្បីទម្លាក់ទឹកចុះមកក្រោម ជៀសវាងការជន់លិចនិងបាក់ទំនប់។
លោកដោក ប៊ុនថន បានបន្តថា បន្ទាប់ពីទឹកអន្លង់ជ្រៃ បានបើកមកទឹកបានធ្លាក់ជាបន្តបន្ទាប់មកដល់ទំនប់ដង្វាយ និងទំនប់យុទ្ធសាស្ត្រ រួចក៏ធ្លាក់មកដល់ផ្លូវជាតិលេខ 5 ។ លោកបានបញ្ជាក់ថា ជំនន់ទឹកភ្លៀង ពិតជារងការប៉ះពាល់ខ្លះ ហើយប៉ុន្តែមិនធ្ងន់ធ្ងរពេកទេ។ សម្រាប់ថ្ងៃទី១២ តុលា នេះ បើពិនិត្យមើលអាកាសធាតុ មិនទាន់មានអ្វីប្រែប្រួលគូគាប់សម្គាល់ ឡើយ ហើយបើក្នុងរយៈពេលថ្ងៃនេះមិនមានភ្លៀងធ្លាក់ពីលើមកទេ ទឹកអាចនឹងស្រកទៅវិញជាពុំខានឡើយ ។
ដោយឡែក តាមការពិនិត្យ នៅទំនប់គង្គារ ដែលជាទីរមណីយដ្ឋានរបស់ភ្ញៀវទេសចរគឺទឹកបានលិច អស់ទៅហើយ ក្នុងស្ថានភាពបែបនេះភ្ញៀវមិនអាចទៅអង្គុយលេង បានឡើយព្រោះខ្ចុះបានលិចទឹកអស់ទៅហើយ ។ជាងនេះទៅទៀតប្រជាពលរដ្ឋដែលមានស្រូវស្រែនៅតាមដងផ្លូវជាតិលេខ 5 ចំណុច ឃុំជ្រៃបាក់ ក៏បានលិចលង់អស់ដែរ ដែលប្រជាពលរដ្ឋពលរដ្ឋខ្លះបានលើកឡើងថាគាត់ទើបនឹងបាចជីហើយមួយថ្ងៃពីមុនពេលនេះទឹកលិចអស់ហើយ ។
លោក ងិន ហ៊ុន ប្រធានមន្ទីរកសិកម្មរុក្ខាប្រមាញ់និងនេសាទខេត្តកំពង់ឆ្នាំងបានបញ្ជាក់ថាទឹកពិតជាបានលិចស្រូវស្រែ របស់ប្រជាពលរដ្ឋពិតមែនប៉ុន្តែមិនទាន់ដល់សានភាពរងគ្រោះប៉ះពាល់នោះទេ ដោយសារតែស្រូវអាចរស់នៅក្នុងទឹករយៈពេលជាង 10 ថ្ងៃ ។យ៉ាងនេះក្តីកំណាត់ផ្លូវជាតិលេខ 5 ក្នុងខេត្តកំពង់ឆ្នាំង ក៏មានចំណុចខ្លះក៏មានការលិច ខ្លះដែរ ដែលគេសង្កេតឃើញកម្មកររបស់ក្រុមហ៊ុនធ្វើផ្លូវបានយកដីច្រកការ៉ុងបិតលើផ្លូវជាតិ ដើម្បីការពារមិនឲ្យទឹកលិចលើផ្លូវផងដែរ៕
ចែករំលែកព័តមាននេះ