ខេត្តប៉ៃលិន ៖ បុរសម្នាក់ត្រូវគេស្គាល់ថា ជាមេភូមិអណ្តូងថ្មបានរងរបួសធ្ងន់បែកក្បាលផ្នែកខាងលើរយះដៃជើងសន្លប់នៅនឹងកន្លែង ដោយសារបើករថយន្តដឹកដំឡូងមីបួងចង្កូតគេចម៉ូតូមួយគ្រឿងទៀតដែលជិះមកដួលពីមុខរថយន្តត្រង់
ខេត្តប៉ៃលិន ៖ បុរសម្នាក់ត្រូវគេស្គាល់ថា ជាមេភូមិអណ្តូងថ្មបានរងរបួសធ្ងន់បែកក្បាលផ្នែកខាងលើរយះដៃជើងសន្លប់នៅនឹងកន្លែង ដោយសារបើករថយន្តដឹកដំឡូងមីបួងចង្កូតគេចម៉ូតូមួយគ្រឿងទៀតដែលជិះមកដួលពីមុខរថយន្តត្រង់ចំណុចផ្លូវចុះចំណោទបណ្តាលឱ្យក្រឡាប់នៅលើផ្លូវ ។
ហេតុការណ៍នេះបានកើតឡើង កាលពីវេលាម៉ោង៥ និង៣០នាទីល្ងាច ថ្ងៃទី០៨ មេសា ២០១៥ នៅត្រង់ចំណុចផ្លូវលំចុះចំណោទ ក្នុងភូមិពេជ្រគីរី សង្កាត់ប៉ៃលិន ក្រុងប៉ៃលិន ។ ជនរងគ្រោះ ឈ្មោះ ស៊ុន សុផល ភេទប្រុស អាយុ៥២ឆ្នាំ ជាមេភូមិអណ្តូងថ្ម រងរបួសធ្ងន់ធ្ងរសន្លប់ បើកបររថយន្តច្នៃដឹកដើមដំឡូងមី ពណ៌ខៀវ អត់ស្លាកលេខ រស់នៅភូមិអណ្តូងថ្ម ឃុំស្ទឹងកាច់ ស្រុកសាលាក្រៅ ។
ប្រភពព័ត៌មានពីស្ត្រីឈ្មោះ ម៉ុន អាយុ៤៧ឆ្នាំ ត្រូវជាប្រពន្ធជនរងគ្រោះបានឱ្យដឹងថា មុនពេលកើតហេតុប្តីរបស់គាត់បានបើកបររថយន្តច្នៃរបស់ខ្លួនដឹកដើមដំឡូងមីពេញទ្រុងចេញពីផ្ទះក្នុងទិសដៅពីជើងទៅត្បូង ដើម្បីយកទៅទុកដាំនៅក្នុងចម្ការរបស់ខ្លួននៅភូមិ ពេជ្រគីរី លុះជិតដល់ទៅហើយត្រង់ចំណុចផ្លូវចុះចំណោទ ស្រាប់តែមានម៉ូតូមួយគ្រឿងបើកបរក្នុងទិសដៅបញ្ច្រាសគ្នាគេចជង្ហុគជ្រុលមកដួលនៅខាងមុខរថយន្ត ។ គាត់បន្តទៀតថា ពេលឃើញដូច្នេះប្តីរបស់គាត់ក៏បួងចង្កូតទៅខាងស្តាំដៃយ៉ាងលឿន បណ្តាលឱ្យបះកង់១ចំហៀងក្រឡាប់ភ្លាមៗតែម្តង ។ ពេលនោះបានអ្នកធ្វើដំណើរតាមផ្លូវឃើញស្គាល់ក៏ទូរស័ព្ទមកផ្ទះ ឱ្យកូនប្រុសរបស់គាត់ជិះម៉ូតូទៅកន្លែងកើតហេតុ រួចដឹកយកទៅសង្គ្រោះនៅមន្ទីរពេទ្យបង្អែកខេត្តតែម្តង៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ