ខេត្តកំពត ៖ ក្នុងពេលដែលមានអាជ្ញាធរស្រុកអង្គរជ័យ លោកគឹម វណ្ណា អភិបាលនៃគណៈអភិបាលស្រុកនិងលោកអភិបាលរងស្រុក ក្នុងនោះ មានលោកនាក់ យិតថូរ ប្រធានមន្ទីរធម្មការ និងសាសនាខេត្តកំពត រួមនិងព្រះសង្ឃជាច្រើនអង្គ និងពុទ្ធបរិស័ទចំណុះជើងវត្តប្រភ្នំឃុំប្រភ្នំ ស្រុកអង្គរជ័យ កាលពីរសៀលថ្ងៃទី០៦ តុលា បានរៀបចំពិធីប្រកាសព្រះចៅអធិការវត្តប្រភ្នំជាផ្លូវការ គឺព្រះតេជ្ជគុណព្រះនាម ហួច នាង ជាចៅអធិការវត្តប្រភ្នំ ។ ប៉ុន្តែការប្រកាសចៅអធិការវត្តប្រភ្នំនោះ ត្រូវបានផ្អាកយ៉ាងតន់ហន់បំផុត ដោយសាតែពុទ្ធបរិស័ទចំណុះជើងវត្តភាគច្រើនមិនគាំទ្រ ហើយមិនពេញចិត្តថែមទៀតផង ។
ប្រភពឱ្យដឹងថា ពុទ្ធបរិស័ទមានចំនួនរាប់រយនាក់បានពេញចិត្ត និងមានការគាំទ្រច្រើន គឺព្រះតេជ្ជគុណព្រះនាមពេជ្រ សុភឿន ទៅវិញ ។ ពុទ្ធបរិស័ទម្នាក់ឈ្មោះសុខ ខាន់ ភេទប្រុស អាយុ៥៧ឆាំ្ន ចំណុះជើងវត្តប្រភ្នំនិយាយប្រាប់អោយដឹង កាលពីរសៀលថ្ងៃដដែលថា ប្រជាពលរដ្ឋចំណុះជើងវត្តប្រភ្នំ មិនបានដឹងរឿងអាជ្ញាធរខេត្តស្រុកនិងមន្ត្រីសង្យមកប្រកាសព្រះចៅអធិការវត្តប្រភ្នំទេ ពេលដែលឃើញមានកំលាំងកងរាជអាវុធហត្ថ និងនគរបាលស្រុកមកកាន់វត្តទើបដឹងដំណឹងថា មានរៀបចំប្រកាសចៅអធិការវត្តប្រភ្នំទើបប្រជាពលរដ្ឋមិនគាំទ្រមិនពេញចិត្តហើយបានស្រែកតវ៉ា។
ពលរដ្ឋឈ្មោះ សុខខាន់និយាយថា ព្រះតេជ្ជគុណព្រះនាមពេជ្រសុភឿន ជាអ្នកដឹកនាំការកសាងវត្ត ហើយពុទ្ធបរិស័ទពេញចិត្តជាទូទៅ បែរជាមិនបានធ្វើជាចៅអធិការវត្ត
ប្រភ្នំទៅវិញ។ ប្រជាពលរដ្ឋម្នាក់ទៀត ក៏បាននិយាយថា ពលរដ្ឋជាទូទៅបានគាំទ្រព្រះតេជ្ជគុណព្រះនាមពេជ្រ សុភឿន ជាចៅអធិការវត្តប្រភ្នំ ព្រោះព្រះតេជ្ជគុណព្រះនាមពេជ្រសុភឿន ជាកូនកំព្រាម្ដាយឪពុកហើយបូសវត្តប្រភ្នំនេះតាំងពីតូច។
ប៉ុន្តែព្រះចៅអធិការមុនបានសុគត់ទៅ ព្រះតេជ្ជគុណពេជ្រ សុភឿន ចេះផ្ដើមគិតគូរអ្វីៗបានច្រើននៅក្នុងវត្ តទើបមានប្រជាពលរដ្ឋស្រលាញ់គាំទ្រ និងចង់អោយព្រះតេជ្ជគុណពេជ្រសុភឿនឡើងជាចៅអធិការវត្ត។
លោកនាក់ យិតថូ ប្រធានមន្ទីរធម្មការនិងសាសនាខេត្តកំពតបានថ្លែងប្រាប់អោយដឹងកាលពីរសៀលថ្ងៃទី០៦ ដដែលដែរថា ការគ្រប់គ្រងវត្តអារាមនីមួយៗត្រូវមានចៅអធិការវត្ត ប៉ុន្តនៅវត្តប្រភ្នំនេះ បន្ទាប់ពីចៅអធិការសុគត់ទៅ មិនទាន់មានចៅអធិការវត្ត
ប្រភ្នំប្រកាសជាផ្លូវការទេ ទើបគណៈកម្មាការអាចារ្យវត្តនិ ងមន្ត្រីសង្យរៀបចំធ្វើពិធីប្រកាសចៅអធិការជាផ្លូវការបែជាពលរដ្ឋគាត់ជំទាស់។ លោកនាក់ យិតថូ ប្រាប់ទៀតថា បើគាត់ជំទាស់យើងក៏ត្រូវបានផ្អាកសិនដែរថា តើយកព្រះសង្ឃកពីឆ្ងាយមកធ្វើជាចៅអធិការនៅវត្តនេះ ឬក៏យ៉ាងណា ។
លោកផាង ពៅ អនុរដ្ឋលេខាធិការក្រសួងមហាផ្ទៃក៏បានអញ្ជើញចូលរួមក្នុងពិធីប្រកាសចៅអធិការវត្តប្រភ្នំដែរ ហើយលោកក៏ជាសប្បុរសជនផ្ដើមជាអ្នកកសាងវត្តនេះដែរ។លោកផាង ពៅ មានប្រសាសន៍ថា លោកមិនបានជំទាស់ព្រះសង្ឃអង្គណាម្នាក់ទេ។លោកចង់អោយពលរដ្ឋនៅជិតទីអារាមនេះ ស្រលាញ់គ្នារួមរួមសាមគ្គីគ្នាឡើងវិញ កុំមានការចែកក្រុមគ្នាម្ខាងគាំទ្រព្រះសង្យអង្គនេះក្រុមម្ខាងទៀតគាំទ្រព្រះសង្យអង្គនោះ។
ចែករំលែកព័តមាននេះ