រាជធានីភ្នំពេញ ៖ ក្រសួងធនធានទឹក និងឧតុនិយមបានបញ្ជាក់ឲ្យដឹងថា ចាប់ពីថ្ងៃទី៧ ដល់១៣ ខែតុលា ឆ្នាំ២០២០ បណ្តាខេត្តរបស់កម្ពុជានៅជាប់ប្រទេសវៀតណាមនឹងមានភ្លៀងធ្លាក់ច្រើន ។…
រាជធានីភ្នំពេញ ៖ ក្រសួងធនធានទឹក និងឧតុនិយមបានបញ្ជាក់ឲ្យដឹងថា ចាប់ពីថ្ងៃទី៧ ដល់១៣ ខែតុលា ឆ្នាំ២០២០ បណ្តាខេត្តរបស់កម្ពុជានៅជាប់ប្រទេសវៀតណាមនឹងមានភ្លៀងធ្លាក់ច្រើន ។
យោងតាមសេចក្តីជូនដំណឹងរបស់ក្រសួងធនធានទឹកចេញផ្សាយនៅថ្ងៃទី៦ខែតុលា ឆ្នាំ២០២០ បានស្តីពីស្ថានភាពអាកាសធាតុ ចាប់ពីថ្ងៃទី៧ ដល់១៣ខែតុលា ឆ្នាំ២០២០បានឲ្យដឹងថា យោងការតាមដាននូវការវិវត្តន៍ និងប្រែប្រួលជាបន្តបន្ទាប់នៃស្ថានភាពសអាកាសធាតុ សង្កេតឃើញថា ប្រព័ន្ធសម្ពាធទាបនឹងបន្តលាតសន្ធឹងឆ្លងកាត់លើកម្ពុជា ដោយភ្ជាប់ទៅនឹងវិសម្ពាធទាបមួយនៅលើសមុទ្រចិនខាងត្បូង ។
ក្រសួងបន្តថា តាមការវិភាគនឹងព្យាករណ៍សម្ពាធទាបសកម្មដែលនៅលើសមុទ្រចិនខាងត្បូងនេះនឹងវិវត្តន៍ជាបន្តបន្ទាប់ជាវិសម្ពាធ (Tripical Depresion) ឬក៏ជាព្យុះ (Tripical Storm) ដោយដើរដល់លើភាគខាងត្បូងវៀតណាម នៅថ្ងៃទី៧ខែតុលា ។
ក្រសួងបន្ថែមថា ស្ថានភាពបែបនេះធ្វើបណ្តាខេត្តនៅតំបន់ទំនាបកណ្តាល ភ្លៀងនឹងបង្កើនធ្លាក់រាយប៉ាយក្នុងកម្រិតបរិមាណពីបង្គួរួទៅច្រើននៅថ្ងៃទី៧ដល់៩ ខែតុលា បណ្តារាជធានីខេត្តភាគខាងត្បូង និងខាងកើតជាប់វៀតណាមអាចនឹងមានភ្លៀងធ្លាក់ច្រើន ។
ចំណែកបណ្តាខេត្តជាប់ជួរភ្នំដងរែក និងខ្ពង់រាបឥឦសានវិញនឹងអាចមានភ្លៀងធ្លាក់រាយប៉ាយ នៅក្នុងកម្រិតបរិមាញពីធម្យមទៅបង្គួរ ។ និងតំបន់មាត់សមុទ្រនឹងអាចមានភ្លៀងធ្លាក់រាយប៉ាយ នៅក្នុងកម្រិតបរិមាណពីមធ្យមទៅច្រើន ។ នៅថ្ងៃទី៧ ដល់៩ ខែតុលា នឹងអាចមានភ្លៀងធ្លាក់ច្រើន ។
ជាមួយគ្នានោះដែរ ក្រសួងធនធានទឹកក៏បានអំពាវនាវដល់ប្រជាពលរដ្ឋ សូមមានការប្រុងប្រយ័ត្នចំពោះបាតុភូត ផ្គរ រន្ទះ ខ្យល់កន្ត្រាក់ និងជំនន់ទឹកភ្លៀង ជាពិសេសប្រជាពលរដ្ឋរស់នៅទំនាប ក្បែរផ្លូវទឹក ជាប់តំបន់ជួនរភ្នំ និងខេត្តនៅតំបន់មាត់សមុទ្រ ។
ចំណែកអ្នកនេសាទ និងអ្នកដំណើរសមុទ្រ សូមប្រុងប្រប័ន្ធចំពោះភ្លៀង ខ្យល់បក់ខ្លាំង និងរលកសមុទ្រខ្ពស់ៗ ចាប់ពីថ្ងៃទី៧ ដល់៩ខែតុលា ខាងមុខនេះ៕
