ខ្លារខិនខ្មៅ ជាសត្វដ៏កម្របំផុត ព្រានព្រៃប្រទះឃើញដើរឆ្លងផ្លូវ នៅឥណ្ឌា
ណ្ឌា ៖ ថ្មីៗនេះ បុរសម្នាក់បានប្រទះឃើញ សត្វខ្លារខិនខ្មៅ black leopard មួយក្បាល ដើរឆ្លងផ្លូវ នៅក្នុងឧទ្យានជាតិ…
ណ្ឌា ៖ ថ្មីៗនេះ បុរសម្នាក់បានប្រទះឃើញ សត្វខ្លារខិនខ្មៅ black leopard មួយក្បាល ដើរឆ្លងផ្លូវ នៅក្នុងឧទ្យានជាតិ ប្រទេសឥណ្ឌា នេះបើតាមការដកស្រង់ពីសារព័ត៌មានអង់គ្លេស DailyMail ចេញផ្សាយនៅថ្ងៃព្រហស្បតិ៍ ទី០១ ខែតុលា ឆ្នាំ២០២០ ។
បុរសដែលបានប្រទះឃើញ មានឈ្មោះ Anurag Gawande អាយុ២៤ឆ្នាំ មានការភ្ញាក់ផ្អើលយ៉ាងខ្លាំង នៅពេលដែលលោកបានឃើញខ្លារខិនខ្មៅ ដ៏កម្រ វាបានផុសចេញពីគុម្ពោតព្រៃមួយ នៅឧទ្យានជាតិ Tadoba ប្រទេសឥណ្ឌា ខណៈពេលលោកកំពុងបរបាញ់សត្វក្តាន់ ។
ព្រានព្រៃលែងបាញ់ យើងទាញកាមេរ៉ាមកថតវិញ គាត់បានពណ៌នាថា «ការបើបានឃើញសត្វខ្លារខិនខ្មៅ ប្រៀបដូចជារកម្ជុលឃើញ នៅក្នុងបាតសមុទ្រ» អ៊ីចឹង ។
ខ្លារខិនខ្មៅ គឺជាសត្វដ៏កម្របំផុត ដែលពីមុនៗមក គ្រាន់តែជាពាក្យចចាមអារ៉ាម ដែលគេនិយាយតៗគ្នាពីការប្រទះឃើញវាតែប៉ុណ្ណោះ ប៉ុន្តែក្រោយៗមក ទើបក្រុមអ្នកវិទ្យាសាស្ត្រ ទទួលស្គាល់ វត្តមានរបស់ពួកវា ដោយសារតែពួកគេផ្តិតយករូបភាពផ្ទាល់ ក្នុងការសិក្សាលើសត្វខ្លារខិន នៅតំបន់អភិរក្សសត្វព្រៃ (ការទទួលស្គាល់លើកចុងក្រោយ គឺរូបភាពមួយសន្លឹក ថតកាលពីឆ្នាំ១៩០៩) ។
សត្វខ្លារខិនសម្បុរខ្មៅបែបនេះ ដោយសារពួកសត្វវាទាំងនេះ មានហ្សែនខុសប្រក្រតី ដែលធ្វើឲ្យរោម ឬក៏ស្បែករបស់ពួកវា ទៅជាពណ៌ខ្មៅ ពភ្លាក់ ដែលនេះ គឺផ្ទុយពីជំងឺស្បែក ភឿក ឬឃ្លៀច ។
នៅជុំវិញពិភពលោក មានសត្វខ្លារខិនខ្មៅ តែ២,០០០ក្បាលប៉ុណ្ណោះ នៅក្នុងព្រៃ ដែលភាគច្រើន ត្រូវបានគេរកឃើញនៅអាស៊ីអាគ្នេយ៍ ដែលជាកន្លែងដែលព្រៃត្រូពិក ផ្តល់នូវជំរកជាច្រើន ។ ម្យ៉ាងវិញទៀត សម្បុរខ្មៅ លាយគ្នានេះ វាផ្តល់នូវការបន្លំបន្ថែម នៅក្នុងព្រៃ ដែលជាគុណសម្បត្តិរបស់សត្វស៊ីសាច់ជាអាហារមួយប្រភេទនេះ អាចគេចពីការបរបាញ់ ៕
ចែករំលែកព័តមាននេះ