ក្នុងពេលដែលសេដ្ឋកិច្ចមានភាពមិនប្រាកដប្រជា និងមនុស្សជាច្រើនកំពុងតែស្វែងរកការងារ មនុស្សដែលមានបទពិសោធន៍ និងសមត្ថភាពខ្ពស់ជាច្រើនអាចនឹងកំពុងប្រកួតប្រជែងសម្រាប់ការងារដែលមិនទាមទារខ្ពស់ ។ ជាហេតុដូចនេះទើបមនុស្សមួយចំនួនអាចនឹងជួបនូវសំណួរ «តើអ្នកគិតថា អ្នកមានគុណសម្បត្តិខ្ពស់ពេកសម្រាប់ការងារមួយនេះទេ?» ។ តើការមានគុណសម្បត្តិខ្ពស់សម្រាប់ការងារមួយមានន័យថា…
ក្នុងពេលដែលសេដ្ឋកិច្ចមានភាពមិនប្រាកដប្រជា និងមនុស្សជាច្រើនកំពុងតែស្វែងរកការងារ មនុស្សដែលមានបទពិសោធន៍ និងសមត្ថភាពខ្ពស់ជាច្រើនអាចនឹងកំពុងប្រកួតប្រជែងសម្រាប់ការងារដែលមិនទាមទារខ្ពស់ ។ ជាហេតុដូចនេះទើបមនុស្សមួយចំនួនអាចនឹងជួបនូវសំណួរ «តើអ្នកគិតថា អ្នកមានគុណសម្បត្តិខ្ពស់ពេកសម្រាប់ការងារមួយនេះទេ?» ។
តើការមានគុណសម្បត្តិខ្ពស់សម្រាប់ការងារមួយមានន័យថា អ្នកនឹងមិនមានឱកាសទទួលបានការងារនោះមែនទេ?ឱកាសជោគជ័យរបស់អ្នកគឺអាស្រ័យទៅលើចម្លើយឆ្លើយតបរបស់អ្នក ។
ជាដំបូង អ្នកសម្ភាសន៍អាចនឹងព្រួយបារម្ភថា ការងារនឹងមានភាពងាយស្រួលពេកសម្រាប់អ្នកដែលមិនអាចជំរុញទឹកចិត្តអ្នកឲ្យខិតខំប្រឹងប្រែងធ្វើការបាន ។ ព្រោះតែអ្នកមិនអាចបដិសេធនឹងតួនាទីនៃការងារ និងសមត្ថភាព ព្រមទាំងបទពិសោធន៍របស់អ្នកទេ អ្នកគួរបដិសេធនឹងការសន្មត់មួយនេះ ។ បង្ហាញថាអ្នកជាមនុស្សដែលចង់រៀន ខណៈដែលចង់ចែករំលែកចំណេះដឹងជាមួយអ្នកដទៃដែរ ។
បន្ទាប់មកទៀត អ្នកសម្ភាសន៍អាចនឹងព្រួយថា អ្នកនឹងចាកចេញពីពួកគេព្រោះពួកគេមិនអាចផ្តល់នូវមុខតំណែងដែលស័ក្តិសមនឹងសមត្ថភាព និងបទពិសោធន៍របស់អ្នកនៅថ្ងៃមុខ ។ អ្នកមិនត្រូវបង្ហាញថាអ្នកមិនមានចិត្តចង់ឡើងឋានៈទេ ព្រោះការពិតជាក់ស្តែង មិនមាននរណាដែលមានគំនិតដូច្នេះឡើយ ។ ផ្ទុយមកវិញ អ្នកត្រូវបង្ហាញគំនិតបើកទូលាយក្នុងការសិក្សាពីស្ថាប័នការងារ និងបង្ហាញថាអ្នកគិតថាពេលដែលសេដ្ឋកិច្ចល្អប្រសើរឡើងវិញឱកាសនឹងមានសម្រាប់អ្នកក្នុងស្ថាប័នការងារនោះ ។
ប្រសិនបើពួកគេនៅតែមិនជឿទុកចិត្តអ្នកដដែល អ្នកអាចបកស្រាយពីបទពិសោធន៍ និងឱកាសក្នុងការអភិវឌ្ឍន៍ខ្លួនដែលអ្នកបានប្រទះឃើញនៅកន្លែងការងារចាស់ដែលអ្នកបាននៅធ្វើការអស់រយៈពេលវែងជាដើម ។ ប្រសិនបើអ្នកធ្លាប់ធ្វើការនៅកន្លែងការងារណាមួយបានយូរ អ្នកគួរតែលើកវាឡើងជាឧទាហរណ៍ដើម្បីបង្ហាញពីការប្តេជ្ញារបស់អ្នក ។
បើអ្នកទទួលបានសំណួរពីថ្ងៃអនាគតវិញ អ្នកគួរតែនិយាយពីអ្នក និងស្ថាប័នការងាររបស់អ្នកប្រៀបដូចជាដៃគូអាជីវកម្ម ។ បង្ហាញថា អ្នកមើលឃើញនូវឱកាសល្អៗដែលអ្នកទាំងពីរអាចទាញយកពីគ្នាទៅវិញទៅមក ៕
ចែករំលែកព័តមាននេះ