ខេត្តត្បូងឃ្មុំ ៖ ក្រោមការស្រាវជ្រាវរបស់សមត្ថកិច្ចពីថ្នាក់ខេត្តដល់មូលដ្ឋាននោះ នៅទីបំផុតជនសមគំនិតក្នុងអំពើសាហាវឃោរឃៅដែលបានចាប់ជីដូនវាយរហូតស្លាប់ រួចអូសសពទម្លាក់ចូលរណ្តៅទឹកក្រោយផ្ទះ ថែមទាំងយកខ្សែមកចង.ក ដើម្បីបំភាន់ចង.កធ្វើអត្ត
ខេត្តត្បូងឃ្មុំ ៖ ក្រោមការស្រាវជ្រាវរបស់សមត្ថកិច្ចពីថ្នាក់ខេត្តដល់មូលដ្ឋាននោះ នៅទីបំផុតជនសមគំនិតក្នុងអំពើសាហាវឃោរឃៅដែលបានចាប់ជីដូនវាយរហូតស្លាប់ រួចអូសសពទម្លាក់ចូលរណ្តៅទឹកក្រោយផ្ទះ ថែមទាំងយកខ្សែមកចង.ក ដើម្បីបំភាន់ចង.កធ្វើអត្តឃាតទៅវិញ និងចៅប្រុសតូចអាយុ២ឆ្នាំ បានវាយរហូតសន្លប់ផងដែរ កាលពីរសៀលថ្ងៃទី២០ មីនា ២០១៥ ជនសង្ស័យម្នាក់ឈ្មោះ ជុំ គម ភេទស្រី អាយុ៣៦ឆ្នាំ មានទីលំនៅភូមិគគី ឃុំកក់ ស្រុកពញាក្រែក ត្រូវបានចាប់ខ្លួនតាមដីកាបញ្ជារបស់ព្រះរាជអាជ្ញាអមសាលាដំបូងខេត្តហើយ ។
លោកវរសេនីយ៍ឯក ប្រាក់ ប៊ុនណុន ស្នងការរងនគរបាលខេត្តត្បូងឃ្មុំបានឱ្យដឹងថា ក្រោយពីបានចុះអង្កេតជាច្រើនថ្ងៃនោះ សមត្ថកិច្ចបានដាក់ការសង្ស័យលើបុរសម្នាក់ រស់នៅភូមិ-ឃុំជាមួយនឹងជនរងគ្រោះ ដែលបានធ្វើសកម្មភាពយ៉ាងឃោរឃៅវាយសម្លាប់ជីដូន រួមជាមួយនឹងចៅប្រុសកាលចន្លោះម៉ោង៩ ទៅ១០ព្រឹកថ្ងៃទី០៨ មីនា ២០១៥ កន្លងមក ស្ថិតនៅភូមិគគីរ ឃុំកក់ ស្រុកពញាក្រែក ។
លោកបន្តថា រូបលោកបានកសាងសំណុំរឿងបញ្ជូនទៅសាលាដំបូងខេត្ត ត្រូវបានលោករៀល សុភិន្ទ ចេញដីកាបញ្ជាឲ្យចូលខ្លួនចុះថ្ងៃទី១៨ មីនា ២០១៥ ។ រហូតមកដល់ព្រឹកថ្ងៃទី១៩ មីនា ២០១៥ មន្ត្រីមូលដ្ឋានបានកោះហៅស្ត្រីសង្ស័យខាងលើ មកសួរនាំក្រោមកិច្ចសហការជាមួយនឹងប៉ុស្តិ៍រដ្ឋបាលឃុំដារ ស្រុកមេមត់ រួចបានឃាត់ខ្លួនតែម្តង បញ្ជូនមកកាន់ស្នងការដ្ឋាននគរបាលខេត្ត ព្រមទាំងបានឆ្លើយសារភាពថា ខ្លួនពិតជាបានសមគំនិតសម្លាប់ជីដូន រួមនឹងចៅប្រុសតូចដោយពិតប្រាកដមែន ។
ប្តីដែលជាជនដៃដល់នោះបានរត់គេចទៅសំងំលាក់ខ្លួននៅខេត្តក្រចេះកាលពីរសៀលថ្ងៃទី១៩ មីនា ២០១៥ រហូតមកដល់ថ្ងៃទី២០មីនា នេះ ចៅក្រមនៃសាលាដំបូងខេត្តបានចេញដីកាឃុំខ្លួនចោទស្ត្រីនេះ ពីបទឃាតកម្មគិតទុកជាមុន និងសមគំនិតក្នុងអំពើឃាតកម្មគិតទុកជាមុន ប្រព្រឹត្តនៅភូមិគគីរ ឃុំកក់ ស្រុកពញាក្រែក កាលពីថ្ងៃទី៨ មីនា កន្លងទៅ ។
លោកវរសេនីយ៍ត្រី អាំ សុផល អធិការរងនគរបាលស្រុកពញាក្រែកប្រាប់ឱ្យដឹងថា ជីដូនដែលត្រូវបានក្រុមឃាតកវាយសម្លាប់នោះឈ្មោះវិត វ៉ាន់ អាយុ៤០ឆ្នាំ ជាស្ត្រីមេម៉ាយមានកូន២នាក់ ចំណែកចៅប្រុសតូចនោះ ត្រូវបានគេនាំទៅសង្គ្រោះនៅមន្ទីរពេទ្យបង្អែកស្រុកពញាក្រែក ហើយបានរួចផុតពីគ្រោះថ្នាក់ដល់អាយុជីវិតហើយ ។
សូមបញ្ជាក់ថាកាលពីថ្ងៃទី៨ មីនា កន្លងទៅមាន«ឃាតកម្មដ៏សាហាវ ចៅប្រុសតូចវាយសន្លប់ និងជីដូនវាយស្លាប់ រួចយកសពទៅចង.កទម្លាក់ក្នុងរណ្តៅ បន្លំជាករណីអត្តឃាត»
ចែករំលែកព័តមាននេះ