អ៊ីតាលី ៖ គ្រូបង្វឹកក្រុមសេះបង្កង់ Juventus គឺលោក Andrea Pirlo បាននិយាយកាលពីថ្ងៃសៅរ៍ថា ក្រុមរបស់លោកទំនងជាមិនចុះហត្ថលេខាលើខ្សែប្រយុទ្ធអ៊ុយរូហ្គាយ Luis…
អ៊ីតាលី ៖ គ្រូបង្វឹកក្រុមសេះបង្កង់ Juventus គឺលោក Andrea Pirlo បាននិយាយកាលពីថ្ងៃសៅរ៍ថា ក្រុមរបស់លោកទំនងជាមិនចុះហត្ថលេខាលើខ្សែប្រយុទ្ធអ៊ុយរូហ្គាយ Luis Suarez របស់ក្រុម Barcelona នោះទេ។
Pirlo ដែលត្រូវបានតែងតាំងជំនួសលោក Maurizio Sarri កាលពីខែមុន នឹងបង្ហាញខ្លួននៅក្នុងកីឡដ្ឋាន Allianz ម្តងទៀត នៅរាត្រីថ្ងៃអាទិត្យនេះ សម្រាប់ជំនួបបើកឆាករដូវកាល ២០២០-២១ នៃក្របខណ្ឌ Serie A ហើយក៏ជាការបង្ហាញខ្លួនលើកដំបូង ក្នុងនាមជាអ្នកចាត់ការ។
អតីតខ្សែបម្រើឆ្នើមរបស់ក្រុម AC Milan និង Juventus រូបនេះ បាននិយាយមុនការប្រកួតរាត្រីនេះថា «យើងទាំងអស់គ្នាកំពុងរង់ចាំខ្សែប្រយុទ្ធកណ្តាលម្នាក់ទៀត។ ប៉ុន្តែសម្រាប់ករណី Suarez វាពិតជាពិបាកណាស់ ព្រោះវាត្រូវការពេលវេលាយូរ ដើម្បីគេទទួលបានលិខិតឆ្លងដែនអ៊ីតាលី (Passport) ដូច្នេះវាពិបាកណាស់ ដើម្បីឲ្យគេក្លាយជាកីឡាកររបស់យើង»។
ចែករំលែកព័តមាននេះ