ចង្វាក់បេះដូងដើរខុសធម្មតាជីវិតអ្នកប្រឈមនឹងហានិភ័យអ្វីខ្លះ?
តើលោកអ្នកធ្លាប់មានអារម្មណ៍ថា បេះដូងរបស់អ្នកលោតខុសប្រក្រតីដែរឬទេ ? លោកអ្នកមួយចំនួនតែងតែមានការធ្វេសប្រហែសក្នុងការចាប់អារម្មណ៍អំពីស្ថានភាពបេះដូងរបស់ខ្លួន
តើលោកអ្នកធ្លាប់មានអារម្មណ៍ថា បេះដូងរបស់អ្នកលោតខុសប្រក្រតីដែរឬទេ ? លោកអ្នកមួយចំនួនតែងតែមានការធ្វេសប្រហែសក្នុងការចាប់អារម្មណ៍អំពីស្ថានភាពបេះដូងរបស់ខ្លួន ជាពិសេសនៅពេលដែលបេះដូងលោតខុសប្រក្រតី ដោយគិតថាវាជារឿងធម្មតា ។ បញ្ហាទាំងនេះមិនមែនជារឿងធម្មតាទេ ហើយបើសិនជាលោកអ្នកមិនព្រមមកពិនិត្យ និងធ្វើការព្យាបាលឱ្យបានទាន់ពេលវេលាទេ ថ្ងៃណាមួយបញ្ហានេះអាចនឹងធ្វើឱ្យមានគ្រោះថ្នាក់យ៉ាងធ្ងន់ធ្ងរ ។
ចង្វាក់បេះដូងដើរខុសធម្មតាឬចង្វាក់បេះដូងខុសប្រក្រតី (Arrhythmia) គឺជាស្ថានភាពមួយកើតទ្បើងនៅពេលដែលបេះដូងលោតខុសចង្វាក់។ វាអាចនឹងលោតញាប់ពេក យឺតពេក ឬចង្វាក់បេះដូងមានសភាពមិនទៀងទាត់ ។
មនុស្សមួយចំនួនត្រូវបានគេរកឃើញថា មានចង្វាក់បេះដូងខុសប្រក្រតី ទោះបីជាពួកគេមិនមានរោគសញ្ញាអ្វីសោះ ។ មានអ្នកជំងឺជាច្រើនបានទៅជួបជាមួយគ្រូពេទ្យរបស់ពួកគេដើម្បីរកមើលរោគសញ្ញាចង្វាក់បេះដូងលោតខុសប្រក្រតី ។
ចំពោះរោគសញ្ញានៃជំងឺបេះដូងលោតខុសប្រក្រតីនេះមានដូចជា៖
-ញ័រទ្រូង (ចង្វាក់បេះដូងលោតញាប់ពេក)
-មានដង្ហើមខ្លី
-ថប់ដង្ហើម
-ពិបាកនៅត្រង់ដើមទ្រូងដូចជា ឈឺទ្រូង បេះដូងបុកខ្លាំងស្ទើរធ្លាយដើមទ្រូង
-មានអារម្មណ៍ក្តៅក្នុងខ្លួន
-វិលមុខ
-មានភាពធីងធោងក្នុងខ្លួន
-ហេវហត់អស់កម្លាំង
-ងងឹតមុខ
មិនមែនចង្វាក់បេះដូងខុសប្រក្រតីគ្រប់ប្រភេទ នឹងអាចបង្កឱ្យមានគ្រោះថ្នាក់ដល់សុខភាពនោះទេ ប៉ុន្តែលោកអ្នកគួរតែមានការប្រុងប្រយ័ត្នដែរ ព្រោះវាអាចបណ្តាលឱ្យបេះដូងលោតញាប់ពេក ឬយឺតពេកក្នុងការបាញ់ឈាមទៅកាន់ទីតាំងផ្សេងៗទៀតនៃរាងកាយ ហើយបើសិនជាមិនបានធ្វើការតាមដាន និងព្យាបាលឱ្យបានទាន់ពេលទេ អាចបណ្តាលឱ្យកើតមានជំងឺខ្សោយបេះដូង ដាច់សរសៃឈាមខួរក្បាល ឬគាំងបេះដូងជាដើម ពេលនោះជីវិតអ្នកនឹងប្រឈមហានិភ័យខ្ពស់ ៕
ចែករំលែកព័តមាននេះ