ខេត្តបន្ទាយមានជ័យ ៖ បន្ទាប់ពីទទួលបានព័ត៌មានពីករណីមានព្រះសង្ឃដែលគង់នៅវត្តបឹងត្រស់ ស្ថិតនៅភូមិបឹងត្រស់ ឃុំភ្នំតូច ស្រុកមង្គលបូរី ខេត្តបន្ទាយមានជ័យ មានចំនួន៤៨អង្គ ក្នុងនោះព្រះសង្ឃចំនួន២៦អង្គដែលកំពុងមានបញ្ហាសង្ស័យថាប្រហែលកើតជម្ងឺផ្តាសាយធំ និងជម្ងឺគ្រុនឈីក…
ខេត្តបន្ទាយមានជ័យ ៖ បន្ទាប់ពីទទួលបានព័ត៌មានពីករណីមានព្រះសង្ឃដែលគង់នៅវត្តបឹងត្រស់ ស្ថិតនៅភូមិបឹងត្រស់ ឃុំភ្នំតូច ស្រុកមង្គលបូរី ខេត្តបន្ទាយមានជ័យ មានចំនួន៤៨អង្គ ក្នុងនោះព្រះសង្ឃចំនួន២៦អង្គដែលកំពុងមានបញ្ហាសង្ស័យថាប្រហែលកើតជម្ងឺផ្តាសាយធំ និងជម្ងឺគ្រុនឈីក កាលពីវេលាម៉ោង៨និង៤៥យប់ថ្ងៃទី ១៤ ខែ កញ្ញា ឆ្នាំ២០២០ ត្រូវបានបញ្ជូនទៅមន្ទីរពេទ្យមិត្តភាពកម្ពុជា-ជប៉ុន ស្រុកមង្គលបូរី ចំនួន១៣អង្គ និងមន្ទីរពេទ្យបង្អែកថ្មគោល ខេត្តបាត់ដំបង ចំនួន១៣អង្គ ដើម្បីធ្វើការពិនិត្យកំហាក និងតេស្ដឈាម ។
ភ្លាមៗនោះ លោក អ៊ី ឡុង សមាជិករដ្ឋសភា អមដំណើដោយលោក លី សារី អភិបាលរងខេត្ត និងជាប្រធានក្រុមការងារចុះជួយស្រុកមង្គលបូរី លោក រ័ត្ន ដាស៊ីណង់ អភិបាលស្រុកមង្គលបូរី បានអញ្ជើញចុះសួរសុខទុក្ខ និងនាំយកសម្ភារៈ និងថវិការមួយចំនួនទៅប្រគេនជូន នាព្រឹកថ្ងៃទី១៥ ខែកញ្ញា ឆ្នាំ២០២០ នេះ។
បើយោងតាមការពិនិត្យរបស់ក្រុមការងារមន្ទីរសុខាភិបាលខេត្ត ព្រះសង្ឃចំនួន២៦អង្គ មិនមានករណីធ្ងន់ធ្ងរ គួរអោយកត់សំគាល់នោះទេក្នុងនោះតាមការសន្និដ្ឋានបឋម អាច ជាជម្ងឺផ្តាសាយធំ ឬគ្រុនឈីក ហើយ ក្រុមការងារកំពុងពិនិត្យ និងតាមដាន សុខភាព ឬការវិវត្តន៍នៃជម្ងឺ។
ក្នុងឱកាសនោះចុះសួរសុខទុក្ខភិក្ខុសង្ឃខាងលើ លោក អ៊ី ឡុង សមាជិករដ្ឋសភា បានធ្វើការអំពាវនាវដល់ព្រះសង្ឃគ្រប់ទីវត្តអារាម ក៏ដូចជាបងប្អូនប្រជាពលរដ្ឋយើងទាំងអស់នៅមូលដ្ឋាន ត្រូវមានការប្រុងប្រយ័ត្ន អំពីការថែទាំសុខភាព ការបង្ការពីជំងឺកូវីដ-១៩ និងជម្ងឺឆ្លងដទៃទៀត ក្នុងអំឡុងកាន់បិណ្ឌ និងភ្ជុំបិណ្ឌ។ ពិសេសតាមទីវត្តអារាម ក្នុងសភាពការដែលយើងទាំងអស់គ្នាបាន និងកំពុងបន្តរួមគ្នាប្រយុទ្ធ ប្រឆាំងការឆ្លងរីករាលដាលនឹងវីរុសកូវីដ-១៩ ដោយយើងមិនត្រូវធ្វែសប្រហែសត្រូវអនុវត្តន៍តាមការណែនាំរបស់ក្រសួងសុខាភិបាល ។ ម្យ៉ាងវិញទៀត សូមរក្សាអនាម័យល្អ ដូចជាឧស្សាហ៍លាងដៃជាមួយសាប៊ូ និងទឹកស្អាត ឬអាល់កុល ឬទឹកជែលលាងដៃឱ្យបានញឹកញាប់ ៕ (កែសម្រួលដោយ ៖ ធីតា)
ចែករំលែកព័តមាននេះ