ប្រទេសបេឡារុស ៖ បាតុករច្រើនម៉ឺននាក់កាលពីថ្ងៃទី៦ កញ្ញា បានលើកគ្នាដើរហែក្បួននៅទីក្រុងមីនស្ក៍រដ្ឋធានីបេឡារុស តាមការអំពាវនាវរបស់ពួកប្រឆាំង ដែលបន្តទាមទារឲ្យប្រធានាធិបតី លោកអាឡិចសង់ដ្រ៏លូកាឆេនកូ ចាកចេញពីអំណាច និងក៏ទោះបីមានការដាក់ពង្រាយកងកម្លាំងប៉ូលិសនិងយោធាដ៏ច្រើនក្នុងរដ្ឋធានីក្ដី ។
ប្រមុខរដ្ឋអាយុ៦៦ឆ្នាំរូបនោះដែលកាន់អំណាចចាប់តាំងពី២៦ឆ្នាំមកហើយ និងជាប់ឆ្នោតជាថ្មីក្នុងការបោះឆ្នោតកាលពីថ្ងៃទី៩ សីហា បន្តបដិសេធរាល់ការចរចានិងស្វែងរកការជួយទ្រទ្រង់ពី
រុស្ស៊ី ។ ពួកបាតុករដែលវាយស្គរ និងលើក ទង់ពណ៌ក្រហម និងសរបស់ពួកប្រឆាំង បានលើកគ្នាចេញដំណើរនាដើមរសៀល ហែក្បួនបាតុកម្មតាមសង្កាត់នានានៃទីក្រុងមីនស្ក៍ ។
ពួកបាតុករបន្ទាប់មកបានលើកសំដៅវិមានប្រធានាធិបតី និងនិវេសនដ្ឋានរបស់លោកលូកាឆេនកូ ដែលការពារដោយកងកម្លាំងសន្តិសុខដ៏ច្រើន ។ យោងតាមបណ្ដាអ្នកកាសែតបរទេសថា បាតុកម្មនោះពិតជាធំជាងបាតុកម្មកាលពីចុងសប្ដាហ៍មុនៗ ហើយមានមនុស្សចូលរួមដល់ទៅជាង១០០.០០០នាក់ ។ តាមអង្គការក្រៅរដ្ឋាភិបាលមួយថា បាតុករ៧៥នាក់បានត្រូវចាប់ខួន ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ