​ម្ចាស់រវល់ធ្វើបុណ្យ១០០ថ្ងៃ​ លុះអ្នកជិតខាងប្រាប់ រត់ទៅមើល​ខ្ទេច​ឡាន​


រាជធានីភ្នំពេញ ៖ រថ​យន្តមួយគ្រឿង​​ម៉ា​​ក​ហា​យ​ឡែ​ន​ឌ​រ័​ បានរងការ​ខូចខាត​​ក្រ​ពឹតដំបូល​ និង​ផ្នែក​ខាង​មុខ​រង​ការ​ខូចខាត​អស់​មួយ​ចំនួន​ធំ ដោយសារ​តែ​មែកឈើ​ធំ​មួយបាក់​សង្កត់ពីលើ ខណៈ​ម្ចាស់​​បើក​យក​មក​ចត​ទុក​ចោល ​ដើម្បី​ចូលរួម​បុណ្យ​១០០​ថ្ងៃ​ជីដូន ​ស្របពេល​ក៏​មាន​ភ្លៀង​ធ្លាក់​មួយ​មេ​លាយឡំ​នឹង​ខ្យល់​បក់​មក​យ៉ាង​ខ្លាំង​ផង​ដែរ​នោះ​។

​ករណី​​ខាងលើ​នេះ​ដែរ​បាន​កើតឡើង​កាលពី​វេលា​ម៉ោង១២​ថ្ងៃត្រង់​ថ្ងៃ​ទី៦ ខែ​កញ្ញា ឆ្នាំ ២០២០ នៅ​ចំណុច​របង​សាលា​បឋម​សិក្សា ព្រះ​នរោត្តម ផ្លូវ ១៤៤ កែង​ផ្លូវ​ព្រះ​នរោត្តម ក្នុង​សង្កាត់​ផ្សារ​កណ្តាល​ទី​២ ខណ្ឌដូនពេញ រាជធានីភ្នំពេញ ​។

តាម​ប្រភព​ព័ត៌មាន​ពី​នគរបាល​បា​ន​​ប្រាប់​ឱ្យ​ដឹង​ថា មុន​ពេល​កើតហេតុ មេឃ​ស្រឡះ​ល្អ មាន​បុរស​ម្នាក់​​បាន​បើករថយន្ត​​​មួយគ្រឿង​ម៉ាក​ហា​យ​ឡែ​ន​ឌ័​រ ពណ៌​​ទឹកមាស ពាក់​ស្លាក​លេខ ​ភ្នំពេញ​ ២AP-១០៣៨ មក​ចត​ទុក​លើ​ផ្លូវ​ក្រោម​ដើម​ត្រ​សេក​ក្បែរ​របង​សាលា​បឋម​សិក្សា ព្រះ​នរោត្តម ដោយ​មាន​រថយន្ត​ផ្សេង​ទៀត​ចត​នៅ​ក្បែរ​គ្នា​នោះ​ដែរ ដើម្បី​ទៅ​ចូលរួម​បុណ្យ​១០០​ថ្ងៃ​ជីដូន​របស់​គាត់​នៅ​ក្បែរ​នោះ​។

តាម​ប្រភពដដែលបានបន្ត​ថា ​លុះ​មួយសន្ទុះ​ក្រោយមក​ ក៏​ស្រាប់តែ​មេឃ​ខ្មៅ ខ្យល់​បក់​មក​យ៉ាង​ខ្លាំង ​រកកល​​ភ្លៀង ហើយ​រថយន្ត​ជា​ច្រើន​គ្រឿង​ផ្សេង​ទៀត​ត្រូវ​បាន​ម្ចាស់​មក​បើក​យក​ចេញ​អស់​។​

តាម​ប្រភព​ដដែល​បាន​ប្រាប់​បន្ត​ទៀត​ថា ដោយ​យ​ឡែក​នៅ​សល់​តែ​រថយន្ត​ម៉ាក​ហា​យ​ឡែ​ន​ឌ័​រ​មួយ​គ្រឿង​ខាងលើ​ចត​នៅ​ក្រោម​ដើមឈើ​​នោះ​ ដោយ​ម្ចាស់​ជាប់​រវល់​នៅ​ក្នុង​កម្មវិធី​បុណ្យ ពេល​ភ្លៀង​ចាប់ផ្តើម​ធ្លាក់​មក​យ៉ាង​ខ្លាំង លាយឡំ​ជាមួយ​នឹង​ខ្យល់​បក់​យ៉ាង​ខ្លាំង​ផង​នោះ ក៏​ធ្វើ​អោយ​រយះ​បាក់​មែកឈើ​មួយ​មែក​ធំ​បាក់​សង្កត់ពី​​លើ​រថយន្តម៉ាកហាយឡែនឌ័រនោះ​ បណ្តាល​ឱ្យ​រងការ​ខូចខាត​​ក្រពឹត​ដំ​បូល​ខាងលើ និង​ផ្នែក​ខាង​មុខ​រង​ការ​ខូចខាត​អស់​មួយ​ចំនួន​ធំ​ផង​ដែរ​។​

តាម​ប្រភពដដែលបានបន្ត​ថា ភ្លាម​នោះ បុរស​ជា​ម្ចាស់​រថយន្ត​ម៉ាក​ហា​យ​ឡែ​ន​ឌ័​រ​ក៏​បាន​មក​មើល​រថយន្ត​របស់​ខ្លួន ក្រោយ​ពី​​មាន​អ្នក​នៅ​ក្បែរ​ខាង​បានឃើញហេតុការណ៍​ និងរ​ត់ទៅ​ប្រាប់ និង​រាយការណ៍​ទៅ​ប្រាប់​កម្លាំង​អាជ្ញាធរ​មូលដ្ឋាន​អោយ​បានដឹង​ពី​​ហេតុការណ៍​​ខាងលើ​​នេះ​។

ក្រោយ​ពេល​កើតហេតុ កម្លាំង​អាជ្ញាធរ​មូលដ្ឋាន​ខណ្ឌដូនពេញ​ក៏​បាន​ចុះ​មក​ដល់​កន្លែង​កើតហេតុ ដោយ​យក​ម៉ាស៊ីន​ត្រង់​តឺ​ន័​រម​កកាត់​មែកឈើ​យក​ចេញ ហើយ​ម្ចាស់​ក៏​បាន​យក​រថយន្ត​ម៉ាក​ហា​យ​ឡែ​ន​ឌ័​រដែ​ល​រង​កា​ខូចខាត​យក​ទៅ​ធ្វើការ​ជួសជុល​ដោយ​ខ្លួនឯង​ផង​ដែរ ​ហើយគេ​​មិនដឹង​ថា អាជ្ញាធរ​មូលដ្ឋាន ឬ​ស្ថាប័ន​ពាក់​ព​ន្ធ័​​ជួយ​ដោះស្រាយ ឬ​​យ៉ាងណា​នោះ​ទេ​ ៕ (កែសម្រួលដោយ ៖ ធីតា​)

Facebook Google Twitter Email

Live

Sponsored News

០៤:៣៥ | ក្នុងស្រុក

អស្ចារ្យ​មែន ! «​ស្នៀតសក់» ​ខ្សែភាពយន្ត​ខ្នាត​តូច​​សម្តែង​ដោយ​តារាចម្រៀង​ ជី​ ដេ​វីត និង ទេព បូ​ព្រឹក្ស ចាក់​ផ្សាយ​​លើក​ដំបូង​នៅ​ថ្ងៃនេះទទួល​បានការ​ចាប់អារម្មណ៍​យ៉ាង​ខ្លាំង

ការស្ទង់មតិគេហទំព័រថ្មី




    សូម​អរគុណ