មិនថាអ្នកជឿជាក់ថាអ្នកមិនអាចបាត់បង់ការងារបច្ចុប្បន្នរបស់អ្នកប៉ុនណាទេ អ្នកស្រីស៊ូស៊ី វេច (Suzy Welch) ដែលជាអ្នកនិពន្ធសៀវភៅផ្នែកគ្រប់គ្រងដ៏ល្បីបានប្រាប់មកថា អ្នកត្រូវតែឧស្សាហ៍វាយតម្លៃលើតម្លៃខ្លួនរបស់អ្នកក្នុងអាជីព។ អ្នកស្រីធ្លាប់បានអះអាងថា អ្នកស្រីមានសមត្ថភាពក្នុងការទស្សទាយដឹងថាពេលណាមនុស្សម្នាក់នឹងបាត់បង់ការងារទៀតផង។ ហើយសមត្ថភាពនេះ…
មិនថាអ្នកជឿជាក់ថាអ្នកមិនអាចបាត់បង់ការងារបច្ចុប្បន្នរបស់អ្នកប៉ុនណាទេ អ្នកស្រីស៊ូស៊ី វេច (Suzy Welch) ដែលជាអ្នកនិពន្ធសៀវភៅផ្នែកគ្រប់គ្រងដ៏ល្បីបានប្រាប់មកថា អ្នកត្រូវតែឧស្សាហ៍វាយតម្លៃលើតម្លៃខ្លួនរបស់អ្នកក្នុងអាជីព។
អ្នកស្រីធ្លាប់បានអះអាងថា អ្នកស្រីមានសមត្ថភាពក្នុងការទស្សទាយដឹងថាពេលណាមនុស្សម្នាក់នឹងបាត់បង់ការងារទៀតផង។ ហើយសមត្ថភាពនេះ អ្នកស្រីទទួលបានបន្ទាប់ពីប្រទះឃើញមានការកាត់បន្ថយបុគ្គលិកជាច្រើននៅកន្លែងការងារដំបូងរបស់អ្នកស្រី ដែលធ្វើឲ្យអ្នកស្រីរកបានរូបមន្តសំខាន់មួយ។
ដើម្បីដឹងថាអ្នកមានឱកាសខ្ពស់ក្នុងការបាត់បង់ការងារដែរឬទេ អ្នកត្រូវយកប្រាក់ចំណូលដែលអ្នករកបានឲ្យក្រុមហ៊ុន ទៅចែកនឹងប្រាក់ខែ និងអត្ថប្រយោជន៍ដែលអ្នកទទួលបានពីក្រុមហ៊ុន ដែលជាការចំណាយរបស់ក្រុមហ៊ុន។ លទ្ធផលកាន់តែខ្ពស់មានន័យថាអ្នកមានឱកាសទាបទេក្នុងការបាត់បង់ការងារ។
អ្នកស្រីបានបន្ថែមទៀតថា បើលទ្ធផលមានលើសពី ៥ មានន័យថាអ្នកមិនមានឱកាសច្រើនក្នុងការបាត់បង់ការងារទេ។ ឧទាហរណ៍ថាអ្នកបានប្រាក់ខែ ៦ពាន់ដុល្លារក្នុងមួយឆ្នាំ និងរកចំណូលឲ្យក្រុមហ៊ុនពីការលក់ផលិតផលក្រុមហ៊ុនបាន ៥ម៉ឺនដុល្លារក្នុងមួយឆ្នាំ នោះលទ្ធផលនៃការគណនានឹងស្មើ ៨.៣៣ ដែលមានន័យថាការងាររបស់អ្នកមានសុវត្ថិភាពល្អនៅឡើយទេ។
ប្រសិនបើការងាររបស់អ្នកមិនទាក់ទិននឹងផ្នែកលក់ទេ អ្នកអាចព្យាយាមសន្មត់ការចូលរួមរបស់អ្នកជាតួរលេខនឹងគណនាតាមវិធីខាងលើបាន។អ្នកស្រីវេចបានបន្ថែមទៀតថា អាជីវកម្មមួយណាក៏ដូចអាជីវកម្មមួយណាដែរ។ ទាំងពេលមានបញ្ហា និងពេលក្រុមហ៊ុនកំពុងលូតលាស់ ធនធានដែលមិននាំយកផលចំណេញនឹងត្រូវបានកាត់ចោល។
អ្នកស្រីបានបន្តទៀតថា អ្នកស្រីបានរៀនពីមេរៀនសំខាន់មួយនេះពីការមើលឃើញមនុស្សភ្ញាក់ផ្អើលដែលត្រូវបានគេបញ្ឈប់ ៕
ចែករំលែកព័តមាននេះ