ខេត្តបន្ទាយមានជ័យ ៖ បន្លែផ្លែឈើ និងត្រីសាច់ជាង១០មុខ ត្រូវបានយកទៅមន្ទីរពិសោធន៍ដើម្បីពិនិត្យរកសាធាតុគីមី ។ បើសិនជារកឃើញថា បន្លែឈើនិងត្រីសាច់ទាំងនោះមានសារធាតុគីមី យើងត្រូវស្រាវជ្រាវរកទីតាំងដើម្បីចាត់ការទៅតាមច្បាប់ ។…
ខេត្តបន្ទាយមានជ័យ ៖ បន្លែផ្លែឈើ និងត្រីសាច់ជាង១០មុខ ត្រូវបានយកទៅមន្ទីរពិសោធន៍ដើម្បីពិនិត្យរកសាធាតុគីមី ។ បើសិនជារកឃើញថា បន្លែឈើនិងត្រីសាច់ទាំងនោះមានសារធាតុគីមី យើងត្រូវស្រាវជ្រាវរកទីតាំងដើម្បីចាត់ការទៅតាមច្បាប់ ។ នេះជាការថ្លែងរបស់មន្ត្រីជំនាញ
ក្នុងឱកាសចុះត្រួតពិនិត្យទំនិញនៅផ្សារក្នុងក្រុងសិរីសោភ៧ណ កាលពីរសៀលថ្ងៃទី៣១ ខែសីហា ឆ្នាំ២០២០ ។
លោក សាន វិជ្ជាសារ៉ាវុធ ប្រធានសាខាការពារអ្នកប្រើប្រាស់កិច្ចការប្រកួតប្រជែង និងបង្ក្រាបការក្លែងបន្លំ(ក.ប.ប)ខេត្ត ថ្លែងថាតាមការណែនាំរបស់ឯកឧត្តមរដ្ឋមន្ត្រីក្រសួងពាណិជ្ជកម្ម សាខាការពារអ្នកប្រើប្រាស់កិច្ចការប្រកួតប្រជែងនិងបង្ក្រាបការក្លែងបន្លំ(ក.ប.ប)ខេត្ត សហការជាមួយមន្ត្រីមន្ទីរពាណិជ្ជកម្មខេត្ត បានចុះពិនិត្យបន្លែផ្លែឈើ និងត្រីសាច់ជាង១០មុខ ដើម្បីយកគំរូដែលជាសំណាកទៅពិនិត្យនៅមន្ទីរពិសោធន៍រកសាធាតុគីមី ។ បើសិនជារកឃើញវិជ្ជមាននឹងត្រូវណែនាំដល់អាជីវករ និងស្រាវជ្រាវរកកន្លែងផលិតដើម្បីមានវិធានការទៅតាមច្បាប់ ។
លោកបញ្ជាក់ថា នៅពេលមន្ត្រីជំនាញចុះទៅពិនិត្យនោះដែរ បានណែនាំដល់អាជីវករមិនត្រូវលក់គ្រឿងឧបភោគបរិភោគណាដែលមានសារធាតុគីមី ប៉ះពាល់ដល់សុខភាពអ្នកបរិភោគ មិនត្រូវគិតតែផលប្រយោធន៍ផ្ទាល់ខ្លួន ត្រូវគិតពីសុខភាពប្រជាពលរដ្ឋទូទៅ ។
លោក សាន វិជ្ជាសារ៉ាវុធ ថ្លែងទៀតថា មន្ត្រីជំនាញនៅតែបន្តយកចិត្តទុកដាក់ផ្សព្វផ្សាយ និងណែនាំដល់អាជីវករ ត្រូវសហការជាមួយមន្ត្រីជំនាញ ដើម្បីទប់ស្កាត់រាល់ទំនិញខូចគុណភាព មិនឱ្យមានវត្តមាននៅលើទីផ្សារឡើយ ៕
ចែករំលែកព័តមាននេះ