នៅឆ្នាំ ១៩៩៨ អ្នកស្រី សារ៉ា ប្លេកឃ្លី (Sara Blakely) ដែលធ្លាប់ជាអ្នកលក់ម៉ាស៊ីនផ្ញើសារ បានរកឃើញគំនិតអាជីវកម្មលក់ខោទ្រនាប់ស្ត្រីមួយនៅពេលដែលអ្នកស្រីផ្ទាល់ជួបការលំបាកពេលកំពុងត្រៀមខ្លួនទៅពិធីជប់លៀងមួយ។ ជាលទ្ធផល…
នៅឆ្នាំ ១៩៩៨ អ្នកស្រី សារ៉ា ប្លេកឃ្លី (Sara Blakely) ដែលធ្លាប់ជាអ្នកលក់ម៉ាស៊ីនផ្ញើសារ បានរកឃើញគំនិតអាជីវកម្មលក់ខោទ្រនាប់ស្ត្រីមួយនៅពេលដែលអ្នកស្រីផ្ទាល់ជួបការលំបាកពេលកំពុងត្រៀមខ្លួនទៅពិធីជប់លៀងមួយ។ ជាលទ្ធផល ក្រុមហ៊ុន Spanx របស់អ្នកស្រី បានជួយកសាងទ្រព្យសម្បត្តិ ដែលបច្ចុប្បន្នស្មើប្រមាណ១ប៊ីលានដុល្លារទៅហើយ។
អ្នកស្រីបានចែករំលែកនូវមេរៀនសំខាន់ៗ៤ សម្រាប់អ្នកដែលចង់គិតឃើញគំនិតល្អៗ ដើម្បីរកលុយដែលមានដូចខាងក្រោមនេះ៖
១. ដោះស្រាយបញ្ហាអ្វីមួយ ៖
អ្នកស្រីបានបកស្រាយមកថា សហគ្រិនភាគច្រើនចាប់ផ្តើម ព្រោះពួកគេចង់ដោះស្រាយបញ្ហាអ្វីមួយ ឬចង់ធ្វើឲ្យអ្វីមួយកាន់តែប្រសើរឡើង។ អ្នកអាចមើលជុំវិញខ្លួនរបស់អ្នកឡើងវិញ ព្រមទាំងផលិតផល និងសេវាកម្មដែលអ្នកប្រើប្រាស់ផងដែរ និងសួរខ្លួនឯងថា «ហេតុអ្វីបានជាគេបង្កើតវាឡើង? ហេតុអ្វីបានជាគេបង្កើងវាដូចនេះ? ហេតុអ្វីបានជាវាមិនមានការផ្លាស់ប្តូរ? តើមានអ្វីដែលអាចធ្វើឲ្យវាកាន់តែល្អប្រសើរជាងមុនទេ?»។
២. ទុកពេលសម្រាប់គិត ៖
ក្នុងពេលដែលអ្នកព្យាយាមចាប់ផ្តើមអាជីវកម្មមួយ អ្នកត្រូវតែដឹងពីខ្លួនឯងដែរថា អ្នកភាគច្រើនគិតឃើញគំនិតល្អៗនៅពេលណា? សម្រាប់អ្នកស្រីប្លេកឃ្លី គឺនៅពេលដែលអ្នកស្រីនៅក្នុងរថយន្ត។ ដោយហេតុដូចនេះទើបអ្នកស្រីតែងតែទុកពេលសម្រាប់បើកបរប្រមាណ ១ម៉ោងមុនពេលទៅធ្វើការដើម្បីគិត។
៣. ចាប់ផ្តើមធ្វើមុនពេលអ្នកគិតឃើញអ្វីទាំងអស់ ៖
អ្នកស្រីបានចែករំលែកដែរថា កំហុសឆ្គងមួយក្នុងចំណោមសហគ្រិន គឺពួកគេគិតថាពួកគេត្រូវតែគិតឲ្យបានឃើញគ្រប់ជ្រុងជ្រោយជាមុនសិនមុនពេលចាប់ផ្តើមធ្វើវា ប៉ុន្តែការពិតជាក់ស្តែងវាមិនដូច្នេះទេ។ អ្នកអាចគិតបានទៀតពេលដែលអ្នកចាប់ផ្តើមធ្វើហើយ។
៤. ការបរាជ័យកើតមានឡើងពេលដែលអ្នកមិនបានព្យាយាម៖
ឪពុករបស់អ្នកស្រីបានបង្រៀនអ្នកស្រីតាំងពីនៅក្មេងថា អ្នកស្រីត្រូវតែមានភាពក្លាហានក្នុងការបរាជ័យ។ ឪពុករបស់អ្នកស្រីធ្លាប់ឧស្សាហ៍សួរកូនៗពេលបាយល្ងាចថា ពួកគេបានបរាជ័យក្នុងការធ្វើអ្វីខ្លះក្នុងសប្តាហ៍នេះ?
អ្នកស្រីបានបកស្រាយថា ផ្នត់គំនិតនេះ បានផ្លាស់ប្តូរទស្សនៈរបស់អ្នកស្រីលើការបរាជ័យ។ អ្នកស្រីមិនគិតថា ការបរាជ័យជាលទ្ធផលទេ តែវាជាការដែលមិនបានសាកល្បងធ្វើអ្វីមួយ។ ដកស្រង់ចេញវេបសាយ ៖ acorns
ចែករំលែកព័តមាននេះ