ការប្រៀបធៀបខ្លួនជាមួយនឹងអ្នកដទៃធ្វើឲ្យមនុស្សមិនអាចដឹងថា ខ្លួនបានក្លាយជាមនុស្សជោគជ័យ ឬជាអ្នកមាន ឬនៅទេ ។ លើសពីនេះទៅទៀត មនុស្សជួបភាពងាយស្រួលក្នុងការគិតថាខ្លួនបានបរាជ័យផងដែរពេលដែលជួបនូវបញ្ហា ឬឧបសគ្គនានាដែលងាយនឹងកើតមានឡើងក្នុងស្ថានការបច្ចុប្បន្ននេះ ។
ការអនុញ្ញាតឲ្យខ្លួនធ្លាក់ក្នុងផ្នត់គំនិតនេះអាចបង្កឲ្យមានការបាក់ទឹកចិត្ត និងចុះចាញ់ដែលរារាំងអ្នកមិនឲ្យសម្រេចបានគោលដៅធំៗក្នុងជីវិត ។ ដូច្នេះមុនពេលអាក់អន់ចិត្ត អ្នកគួរសួរខ្លួនឯងនូវសំណួរខាងក្រោមសិន ។ ប្រសិនបើចម្លើយរបស់អ្នកគឺបាទ ឬចាសសម្រាប់សំណួរណាមួយនោះ វាអាចបង្ហាញថាអ្នកជោគជ័យ ឬមានជាងអ្នកគិតទៅទៀត ។
១. តើអ្នកនៅមានលុយគ្រប់គ្រាន់ដើម្បីធ្វើការសម្រេចចិត្តល្អៗទេ?
មនុស្សជាច្រើនរស់នៅជីវភាពដោយមិនមានថវិកានៅសល់ផង និងត្រូវលះបង់នូវអ្វីៗចាំបាច់ជាច្រើនដូចជាឱសថ ឬថ្លៃសាំង ។ ប៉ុន្តែប្រសិនបើអ្នកមានលុយគ្រប់គ្រាន់សម្រាប់ផ្គត់ផ្គង់ជីវភាពប្រចាំថ្ងៃ និងមានលុយនៅសល់សម្រាប់ការសម្រេចចិត្តល្អៗដូចជាការទៅរៀនបន្ថែម ឬទៅវិស្សមកាលនោះ អ្នកប្រហែលជាមានជាងអ្នកគិតទៅទៀត ។
២. តើអ្នកជួយអ្នកដទៃច្រើនជាងសុំជំនួយពីគេទេ?
មនុស្សម្នាក់ៗប្រហែលជាធ្លាប់ជួបមនុស្សដែលនិយាយត្រូវគ្នាមុននឹងទទួលបានសំណើរសុំខ្ចីលុយ ឬសម្ភារៈផ្សេងៗហើយ ។ មនុស្សដែលជោគជ័យហើយមិនត្រូវការច្រើនពីអ្នកដទៃទេទោះជាពួកគេអាចទទួលជំនួយពេលដែលត្រូវការពិតមែនក្តី ។ ផ្ទុយមកវិញ ពួកគេចំណាយពេលភាគច្រើនជួយដល់អ្នកដទៃទៅវិញ ។
៣. តើអ្នកមានធ្វើការឲ្យខ្លួនឯងទេ?
អ្នកអាចអានពីមហាសេដ្ឋីជុំវិញពិភពលោកបាន ។ ក្រៅពីអ្នកដែលបានឈ្នះឆ្នោត ឬអ្នកដែលទទួលមរតកពីគ្រួសារហើយ មហាសេដ្ឋីភាគច្រើនជាសហគ្រិន ។ មូលហេតុអ្វី?ការធ្វើការឲ្យអ្នកដទៃមិនអាចអនុញ្ញាតឲ្យអ្នកក្លាយជាអ្នកមានទេ ។
៤. តើអ្នកមានវិនិយោគលើខ្លួនឯងទេ?
ផលចំណេញដែលអ្នកតែងតែអាចធានាថាអ្នកនឹងទទួលបានពីការវិនិយោគ គឺផលចំណេញដែលបានពីការវិនិយោគពីខ្លួនឯង មិនថាជាការពង្រឹងជំនាញ បង្កើនទំនាក់ទំនងជាមួយអ្នកដទៃ ឬរៀនពីប្រធានបទថ្មីៗឡើយ ។
ការវិនិយោគលើខ្លួនឯងនឹងអនុញ្ញាតឲ្យអ្នកទទួលបាននូវអត្ថប្រយោជន៍នៅរយៈពេលវែងខាងមុខ ហើយវាជាការវិនិយោគមួយដែលអ្នកអាចគ្រប់គ្រងដោយខ្លួនឯងបាន ៕
ចែករំលែកព័តមាននេះ