មក​ពី​រឿង​អ្វី​ទៅ? ទើប​ជំរុញ​ឱ្យ អេ​ន ជី បោះបង់​អា​មេ​រិ​កមក​ស្រុក​ខ្មែរ​វិញ


រាជធានី​ភ្នំពេញ ៖ អតីត​ពិធី​ការិនី​ធ្លាប់​ល្បីឈ្មោះ អេ​ន ជី បាន​បាត់​មុខ​មួយ​រយៈ ដោយ​បាន​ចាក​ចេញ​ទៅ​រស់នៅ​អា​មេ​រិ​ក​តាំងពី​ឆ្នាំ​២០១៦​កន្លង​មក​។ ការ​ឈាន​ដល់​ទឹកដី​ដ៏​ជឿនលឿន​នោះ មិន​បាន​ធ្វើ​ឱ្យ អេ​ន​ជី មានការ​ដក់ចិត្ត ពេញ​ដោយ​សេចក្តីសុខ​ឡើយ​។ នៅ​ទីបំផុត អេ​ន ជី បាន​វិច​បង្វិច​មក​រក​មុខរបរ​នៅ​ទឹកដី​កំណើត​ខ្លួន​ឡើង​វិញ ក្រោយ​ពេល​ពិភាក្សា​ជាមួយ​ប្តី​រួចរាល់ និង​ហេតុផល​មួយ​ចំនួន​។

អ្នក​នាង អេ​ន​ជី បាន​បង្ហាញ​វត្តមាន​ជាមួយ​សម្រស់​ដ៏​គួរ​ឱ្យ​ទាក់ទាញ​ជាមួយ​ឈុត​សម្លៀក​បំពាក់​មួយ​ឈុត​ដែល​រំលឹក​ដល់​សម័យ​បារាំង​។ នៅ​ក្នុង​ឱកាស​ដែល​អ្នក​នាង​ប្រកាស​បើកមុខ​របរ​ថ្មី កាលពី​ព្រឹក​ថ្ងៃ​ទី​១០ សីហា ឆ្នាំ​២០២០ កន្លង​ទៅ​។

មានការ​លើក​សរសើរ​ថា នាង​នៅ​តែ​ស្រស់​សោភា បើ​ទោះជា​មានកូន​២​នាក់​រួច​ទៅ​ហើយ​នោះ​។ ឯ​ស្វាមី​នាង​វិញ ក៏​មាន​រូបរាង​សង្ហារ​មិន​ចាញ់​តួកុន​ឡើយ​។ ថ្ងៃ​លាភ​ជ័យ​លើ​មុខរបរ អេ​ន​ជី បាន​តម្រូវ​ឱ្យ​អ្នកចូលរួម​ស្លៀក​សម្លៀក​បំពាក់​ឈុត​បុរាណសម័យ​បារាំង ដើម្បី​បំផុស​អ្វី​ដែល​ខ្មែរ​មាន​ពី​មុន​។

អ្នក​នាង អេ​ន ជី ដែល​រំភើប​រហូត​អួល​ដើម​.​ក​ស្រក់​ទឹកភ្នែក បានឱ្យ​ដឹង​ថា នៅ​អា​មេ​រិ​ក​ទទួល​ស្គាល់​ថា ជឿនលឿន​ស៊ី​វិ​ល័យ​។ ប៉ុន្តែ​ជា​កន្លែង​ដែល​ត្រូវ​ប្រឹងប្រែង​តស៊ូ​។ រយៈពេល​ប៉ុន្មាន​ឆ្នាំ​នេះ​មាន​ពេល​ខ្លះ​ដេក​យំ​នឹក​ស្រុក នឹក​ការងារ យំ​ហើយ​ជូត​ទឹកភ្នែក​ញញឹម Live លក់​របស់របរ​តាម​អន​ឡាញ នាង​មិន​ចេះ​នៅ​ស្ងៀម​ឡើយ​។

ម្យ៉ាងទៀត នឹក​ដល់​ម្តាយ​ដែល​សួរនាំ​យើង​រហូត ជា​ហេតុផល​កាន់តែ​ខ្លាំង ដោយ​គិត​ធ្វើ​អ្វី​ម្យ៉ាង​ពេល​មក​វិញ​។ អេ​ន ជី ដែល​ប្រកាស​មិន​ចោល​សិល្បៈ​លើក​ឡើង​ថា កណ្តោចកណ្តែង​នៅ​ស្រុក​គេ ពិបាក​ណាស់ ហើយ​រឿង​កាន់តែ​ធ្ងន់ អំឡុង​កូ​វី​ដ​១៩ ផ្ទុះ​នៅ​អា​មេ​រិ​ក រឹតតែ​ជម្រុញ ហើយ​នាង​ចង់​មក​ខ្មែរ​ហើយ​រក​វិធីសាស្ត្រ​មក​ទាល់តែ​បាន ទោះ​ត្រូវ​ចំណាយ​ប្រាក់​បែប​ណា​។

នៅ​ទីបំផុត​ក៏​បាន​ទិញ​សំបុត្រ​តម្លៃ​ថ្លៃ​៤​នាក់​មួយ​យន្តហោះ ឱ្យ​តែ​បាន​មក​វិញ​។ ពេល​នោះ​ហើយ​នាង​គិត​ថា បាន​ដល់​ដី​យើង​វិញ និង​សំពះ​ដី​ខ្មែរ គ្មាន​អ្វី​ប្រសើរ​ជាង​ស្រុក​យើង​ឡើយ​។

Facebook Google Twitter Email

Live

Sponsored News

០៨:៤៦ | ក្នុងស្រុក

ក្រុមហ៊ុនបុត្រសម្ព័ន្ធ រ៉ូយ៉ាល់គ្រុប ទទួលស្វាគមន៍ទស្សនកិច្ចពិសេសរបស់ឯកឧត្តម ឧត្តមសេនីយ៍ឯក ហ៊ុន ម៉ាណែត សម្រាប់ដំណើរស្វែងយល់អំពីឌីជីថលនីយកម្ម និងបច្ចេកវិទ្យាបណ្តាញ 5G !

ការស្ទង់មតិគេហទំព័រថ្មី




សូម​អរគុណ