រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា បុរសម្នាក់បានដោះអាវ ហើយរត់សំដៅចូលក្នុងផ្ទះសំណាក់រួចសម្ងំក្នុងបន្ទប់ ដែលន្ទប់នោះគឺមានយុវជនស្រីប្រុសចំនួន2នាក់កំពុងតែដេក ស្រាប់តែសំរុកចូលបែបនេះធ្វើឲ្យអ្នកក្នុងបន្ទប់ភ័យស្លន់ស្លោតែម្តង បង្កឱ្យមានការភ្ញាក់ផ្អើលកាលពីម៉ោង២និង15នាទីរំលងអធ្រាត្រឈានចូលថ្ងៃទី10 ខែសីហា ឆ្នាំ2020 តាមបណ្តោយផ្លូវ111 កែងផ្លូវ182 នៅចំណុចផ្ទះសំណាក់ «សេវេន អេចឌី» ស្ថិតក្នុងសង្កាត់បឹងព្រលឹត ខណ្ឌ៧មករា ។
តាមប្រភពពីសមត្ថកិច្ចមូលដ្ឋានបានអោយដឹងថា មុនពេលកើតហេតុ មានបុរសម្នាក់ដែលត្រូវគេសង្ស័យថា បែកថ្នាំ មានអាយុជាង30ឆ្នាំ ដោយមិនដឹងថាមកពីណានោះទេ បានដើរដោះអាវ រួចរត់ចូលផ្ទះសំណាក់ រហូតឡើងជាន់ទី៣ទៅសង្ងំនៅក្នុងបន្ទប់អស់រយៈពេលជិតមួយម៉ោង ទើបខាងម្ចាស់ផ្ទះសំណាក់ទូរស័ព្ទទៅប្តឹងសមត្ថកិច្ចប៉ុស្តិ៍បឹងព្រលឹត ឱ្យចុះមកជួយអន្តរាគមន៍តែម្តង។
សមត្ថកិច្ចបន្តថា ហើយដោយសារតែនៅក្នុងបន្ទប់ខាងលើនេះ គឺមានយុវជនស្រីប្រុសចំនួន2នាក់កំពុងតែដេក ស្រាប់តែជនសង្ស័យសំរុកចូលក្នុងបន្ទប់បែបនេះ ធ្វើឲ្យអ្នកនៅក្នុងបន្ទប់ភ័យស្លន់ស្លោ ។
ក្រោយពេលកើតហេតុ សមត្ថកិច្ចបានធ្វើការឃាត់ខ្លួនបានភ្លាមៗ និងធ្វើការឃុំខ្លួនជាបណ្តោះនៅប៉ុស្តិ៍រដ្ឋបាលនគរបាលបឹងព្រលឹត ដើម្បីដោះស្រាយនៅក្រោយ ៕
ចែករំលែកព័តមាននេះ