ខេត្តប៉ៃលិន ៖ ព័ត៌មានបឋមបានឲ្យដឹងថា មានករណីគ្រោះថ្នាក់ចរាចរណ៍រថយន្តបុកក្មេងរត់ឆ្លងផ្លូវ នៅលើផ្លូវក្រាលកៅស៊ូ បណ្តាលអោយបាត់បង់ជីវិតនៅនឹងកន្លែង ហើយរងការខូចខាតរថយន្តស្រាលចំនួន០១គ្រឿង ដោយអ្នកបើកបររថយន្តបានរត់ចេញពីកន្លែងកើតហេតុគេចខ្លួនភ្លាមៗ ដែលហេតុការណ៍នេះ បានកើតឡើងកាលពីវេលាម៉ោង១២…
ខេត្តប៉ៃលិន ៖ ព័ត៌មានបឋមបានឲ្យដឹងថា មានករណីគ្រោះថ្នាក់ចរាចរណ៍រថយន្តបុកក្មេងរត់ឆ្លងផ្លូវ នៅលើផ្លូវក្រាលកៅស៊ូ បណ្តាលអោយបាត់បង់ជីវិតនៅនឹងកន្លែង ហើយរងការខូចខាតរថយន្តស្រាលចំនួន០១គ្រឿង ដោយអ្នកបើកបររថយន្តបានរត់ចេញពីកន្លែងកើតហេតុគេចខ្លួនភ្លាមៗ ដែលហេតុការណ៍នេះ បានកើតឡើងកាលពីវេលាម៉ោង១២ និង៣០នាទីថ្ងៃទី០៨ ខែសីហា ឆ្នាំ២០២០ ស្ថិតនៅក្នុងភូមិតាង៉ែនលេី ខេត្ដប៉ៃលិន ។
ប្រភពព័ត៌មានបានឱ្យដឹងថា រថយន្តដែលបុកក្មេងស្លាប់ម៉ាកសាំងយ៉ុង ពណ៌ស ពាក់ស្លាកលេខ ប៉ៃលិន 2A – 7304 បេីកបរក្នុងទិសដៅពីត្បូងទៅជេីង ។ ចំណែកក្មេងរងគ្រោះមានឈ្មោះ ស្រីម៉ៅ អាយុ៣ឆ្នាំ រស់នៅភូមិតាង៉ែនលេី សង្កាត់ប៉ៃលិន ខេត្តប៉ៃលិន ស្លាប់នៅកន្លែងកេីតហេតុ ។
ប្រភពបន្តទៀតថា មូលហេតុនៃការគ្រោះថ្នាក់នេះ គឺបណ្តាលមកពីកត្តាមនុស្សខ្វះការប្រុងប្រយ័ត្ន បណ្តោយក្មេងតូចឱ្យឆ្លងផ្លូវគ្មានអណាព្យាបាលដឹកដៃ ។
ក្រោយពេលកើតហេតុ វត្ថុតាង ត្រូវបាននគរបាលយកទៅរក្សាទុកនៅការិយាល័យនគរបាលចរចារណ៍ផ្លូវគោក នៃស្នងការដ្ឋាននគរបាលខេត្តប៉ៃលិន ដើម្បីរង់ចាំធ្វើការដោះស្រាយតានីតិវិធី ៕
ចែករំលែកព័តមាននេះ