រាជធានីភ្នំពេញ៖ គណៈកម្មាធិការចម្រុះកិច្ចការព្រំដែនបានប្រកាសទាត់ចោលទាំងស្រុងនិងចាត់ទុកនូវសេចក្តីថ្លែងការណ៍មួយចេញដោយក្រុមមនុស្សនៅក្រៅប្រទេសកាលពីថ្ងៃទី ៣ សីហា ដែលបានចោទប្រកាន់ថា «ផែនទីឋានលេខាព្រំដែន ខ្នាត ១/២៥ ០០០ ត្រូវបានគូសដោយវៀតណាម ការយកផែនទីថ្មីស្រឡាងខ្នាត ១/២៥ ០០០ ពីវៀតណាម ប្រៀបដូចជាការទទួលយកប្លង់ដីថ្មីនៃប្រទេសកម្ពុជាគូសដោយវៀតណាម ក្នុងន័យថា បូរណភាពទឹកដីកម្ពុជាត្រូវបានកំណត់ដោយវៀតណាម» ទៅវិញ ។
តែការពិតគឺផែនទីទំនើបថ្មីនេះត្រូវបានគណៈកម្មាធិការចម្រុះកិច្ចការព្រំដែនផែនទីថាពុំមានការបាត់បង់ទឹកដីទៅវៀតណាមឡើយ ។ គណៈកម្មាធិការចម្រុះកិច្ចការព្រំដែនបានចេញសេចក្តីថ្លែងការណ៍នារាត្រីថ្ងៃទី ៣សីហា ដោយ «ប្រកាសបដិសេធទាំងស្រុងនូវការចោទប្រកាន់ដោយគ្មានមូលដ្ឋានរបស់ក្រុមឧទ្ទាមក្រៅច្បាប់ និងគូកន ដែលមានចេតនាបង្កើត ប្រឌិតរឿង និងផ្សព្វផ្សាយនូវព័តមាន ក្នុងចេតនាទុច្ចរិត និងក្នុងគោលបំណងបំភ័ន្តសាធារណមតិជាតិ និងអន្តរជាតិ ឲ្យមានការយល់ច្រឡំមកលើការងារព្រំដែនរបស់រាជរដ្ឋាភិបាលកម្ពុជាអំពីការធ្វើឲ្យបាត់បង់ទឹកដី ក៏ដូចជាបណ្តោយឲ្យមានការរំលោភបំពានទឹកដីពីប្រទេសវៀតណាម ។
សូមរម្លឹកថាកាល លោកស្រី កុយ ពិសី អនុប្រធានលេខាធិការដ្ឋានអចិន្ត្រៃយ៍គណៈកម្មការធិការជាតិទទួលបន្ទុកព្រំដែនកម្ពុជាបានថ្លែងឲ្យដឹងថាផែនទី កម្ពុជា-វៀតណាម សម័យទំនើប បានមកដល់កម្ពុជាហើយកាលពីថ្ងៃទី ៣ សីហា ដែលពិធីទទួល-ប្រគល់ត្រូវបានធ្វើឡើង នៅច្រកទ្វារព្រំដែនអន្តរជាតិម៉ុកបាយ ខេត្តតៃនិញ វៀតណាម នាថ្ងៃទី១ សីហា ឆ្នាំ ២០២០ ។
ក្នុងនោះលោកស្រី កុយ ពិធី បានអះអាងថា «ផែនទីឋានលេខាព្រំដែនកម្ពុជា-វៀតណាម មាត្រដ្ឋាន ១/២៥ ០០០ នេះ បានបង្ហាញពេញលេញលទ្ធផល ខណ្ឌសីមា និងបោះបង្គោលព្រំដែន ប្រមាណជា៨៤% ដែល ប្រទេសទាំងពីសម្រេចបាន។ ផែនទីនេះ ជាផែនទីទំនើបសម័យឌីជីថល ៤.0 ដែលបង្ហាញយ៉ាងច្បាស់លាស់ខ្សែព្រំដែន បង្គោលព្រំដែន រួមនិងស្ថានភាពភូមមិសាស្ត្រនៅ លើដីជាក់ស្តែងបានយ៉ាងជាក់លាក់ ងាយស្រួលក្នុងការ ប្រើប្រាស់ មិនដូចផែនទីបោនខ្នាត ១/១00 ០០០ ដែល មានតែខ្សែព្រំដែន មិនមានអ្វីច្រើនជាងនេះ» ។
សេចក្តីថ្លែងការណ៍បានបញ្ជាក់យ៉ាងច្បាស់ថា «១- ការខណ្ឌសីមា និងបោះបង្គោលព្រំដែនគោករវាងព្រះរាជាណាចក្រកម្ពុជា និងសាធារណរដ្ឋសង្គមនិយមវៀតណាម ជាការងារបច្ចេកទេសកំរិតខ្ពស់ អនុវត្តដោយក្រុមជំនាញនៃប្រទេសទាំងពីរ ដោយយកគោលការណ៍ខ្សែព្រំដែនមិនកែប្រែ តាមផែនទីផ្លូវការ បោន ខ្នាត ១/១០០ ០០០ បោះពុម្ពដោយក្រុមភូមិសាស្ត្រឥណ្ឌូចិន ស្របតាមមាត្រា ២ នៃរដ្ឋធម្មនុញ្ញ នៃព្រះរាជាណាចក្រកម្ពុជា ដែលធានាបាននូវបូរណាភាពទឹកដីកម្ពុជា មិនឲ្យបាត់បង់ទឹកដីទៅវៀតណាម ដូចការចោទប្រកាន់ក្នុងសេចក្តីថ្លែងការណ៍របស់ក្រុមឧទ្ទាមក្រៅច្បាប់និងគូកនឡើយ» ៕
ចែករំលែកព័តមាននេះ