ខេត្តព្រះវិហារ ៖ តូបផ្សារចំនួន៦និងផ្ទះ១ខ្នងនៅផ្សារស្រុកឆែប បានត្រូវព្រះអគ្គីលេបត្របាក់កាលពីវេលាម៉ោង៤ទៀបភ្លឺ ថ្ងៃទី២ខែសីហា ឆ្នាំ២០២០ ដែលតាមព័ត៌មានថា ដោយសារទុស្សេចរន្តអគ្គិសនីទូទឹកកក ។ ឧត្តមសេនីយ៍ត្រី…
ខេត្តព្រះវិហារ ៖ តូបផ្សារចំនួន៦និងផ្ទះ១ខ្នងនៅផ្សារស្រុកឆែប បានត្រូវព្រះអគ្គីលេបត្របាក់កាលពីវេលាម៉ោង៤ទៀបភ្លឺ ថ្ងៃទី២ខែសីហា ឆ្នាំ២០២០ ដែលតាមព័ត៌មានថា ដោយសារទុស្សេចរន្តអគ្គិសនីទូទឹកកក ។
ឧត្តមសេនីយ៍ត្រី ឆយ បូរិន្ទ នាយសេនាធិការនៃស្នងការដ្ឋាននគរបាលខេត្តបានឲ្យដឹងថា នៅក្នុងហេតុការណ៍អគ្គីភ័យនេះ កម្លាំងនគរបាលស្នងការដ្ឋាន រួមជាមួយអាវុធហត្ថខេត្ត និងប្រជាពលរដ្ឋនៅទីនោះ បានជួយអន្តរាគមន៍ពន្លត់ ដោយប្រើរថយន្តពន្លត់អគ្គិភ័យចំនួន៤គ្រឿង និងប្រើប្រាស់ទឹកអស់១០រថយន្ត ដោយបង្ការបានមិនឲ្យឆេះរាលដាលទៅដល់ផ្ទះនៅក្បែរនោះទៀត ។
ទោះជាយ៉ាងណា អគ្គិភ័យនេះបានលេបត្របាក់តូបផ្សារនិងផ្ទះ១ខ្នងនោះស្ទើរទាំងស្រុង ព្រមទាំងសម្ភារជាច្រើនទៀត ៕
ចែករំលែកព័តមាននេះ