លេងសុទ្ធតែឆ្លងដែន ឆ្លងប្រទេសផងមានទៅតិចណា
- ភ្នំពេញ
រាជធានីភ្នំពេញ ៖ លោកឧត្តមសេនីយ៍ឯក ឡឹក វណ្ណៈ នាយកមន្ទីរប្រឆាំងគ្រឿងញៀននៃអគ្គស្នងដ្ឋាននគរបាលជាតិ នារសៀលថ្ងៃទី១ ខែសីហា ឆ្នាំ២០២០ នេះបានថ្លែងឲ្យដឹងថា…
រាជធានីភ្នំពេញ ៖ លោកឧត្តមសេនីយ៍ឯក ឡឹក វណ្ណៈ នាយកមន្ទីរប្រឆាំងគ្រឿងញៀននៃអគ្គស្នងដ្ឋាននគរបាលជាតិ នារសៀលថ្ងៃទី១ ខែសីហា ឆ្នាំ២០២០ នេះបានថ្លែងឲ្យដឹងថា…
រាជធានីភ្នំពេញ ៖ លោកឧត្តមសេនីយ៍ឯក ឡឹក វណ្ណៈ នាយកមន្ទីរប្រឆាំងគ្រឿងញៀននៃអគ្គស្នងដ្ឋាននគរបាលជាតិ នារសៀលថ្ងៃទី១ ខែសីហា ឆ្នាំ២០២០ នេះបានថ្លែងឲ្យដឹងថា មន្ទីរប្រឆាំងគ្រឿងញៀនមានរៀបចំពិធីបញ្ជូនឈ្មួញជួញដូរគ្រឿងញៀន២នាក់ និងថ្នាំញៀនប្រមាណ២០០គីឡូក្រាមទៅកាន់ស្នងការដ្ឋាននគរបាលខេត្តព្រះវិហារនៅព្រឹក ថ្ងៃទី២ ខែសីហានេះ ដើម្បីកសាងសំណុំរឿងបន្តនីតិវិធីបញ្ជូនទៅកាន់សាលាដំបូងខេត្ត ។
លោក ឡឹក វណ្ណៈ បន្តថា ឈ្មួញគ្រឿងញៀន២នាក់ និងថ្នាំញៀនជាង២០០គីឡូក្រាមនេះ គឺក្រោមកិច្ចប្រតិបត្តិការបង្ក្រាបដោយកម្លាំងជំនាញការិយាល័យជំនាញទី១ ដឹកនាំដោយលោកឧត្តមសេនីយ៍ទោ អ៊ិន សុង នាយករងមន្ទីរប្រឆាំងគ្រឿងញៀន និងមានការសហការជាមួយស្នងការដ្ឋាននគរបាលខេត្តព្រះវិហារ ស្នងការដ្ឋាននគរបាលរាជធានីភ្នំពេញ ។
កិច្ចសហការនោះបានធ្វើឡើងតាំងពីថ្ងៃទី២៦ ខែកក្កដា ឆ្នាំ២០២០ ដែលសមត្ថកិច្ចបានបើកកិច្ចប្រតិបត្តការបង្ក្រាប និងឃាត់ខ្លួនជនសង្ស័យ២ នាក់នៅចំណុចកំពង់ស្រឡៅ ស្រុកឆែប ខេត្តព្រះវិហារជាករណីដឹកជញ្ជូនជួញដូរគ្រឿងញៀន ឆ្លងដែនពីប្រទេសឡាវមកកម្ពុជា ដោយខុសច្បាប់ ។
ជនសង្ស័យម្នាក់ឈ្មោះ ស៊ឺម រ៉ា ហៅ ស្វិត ភេទប្រុស អាយុ២៨ឆ្នាំ និងម្នាក់ឈ្មោះ លីវ ស៊ី ភេទប្រុស អាយុ៤៧ឆ្នាំ ពួកគេគ្មានទីលំនៅពិតប្រាកដ ។ លទ្ធផលចាប់យកវត្ថុតាង សារធាតុញៀនប្រភេទម៉េតំហ្វេតាមីន ២០១ កញ្ចប់ធំ ស្មើទម្ងន់២០០គី ឡូក្រាម ។ ម៉ូតូកង់បីឥណ្ឌា១ គ្រឿង ។
លោកឧត្តមសេនីឯក ឡឹក វណ្ណៈ បញ្ជាក់បន្ថែមចុងក្រោយថា ដោយសារករណីខាងលើនេះ សមត្តកិច្ចរួមគ្នាសហការបង្ក្រាបនៅលើទឹកដីខេត្តព្រះវិហារ ទើបត្រូវបាននាំខ្លួនជនសង្ស័យជាឈ្មួញគ្រឿងញៀន នឹងថ្នាំញៀន២០០ គីឡូក្រាមនោះទៅកាន់សាលាដំបូងខេត្តព្រះវិហារ ដើម្បីចាត់ការតាមផ្លូវច្បាប់ ៕
ចែករំលែកព័តមាននេះ