បើ៧ទៅ១០ថ្ងៃអត់ភ្លៀង ​ស្រូវ​ត្រូវ​ខូច​ខ្ទេច​ហើយ


ខេត្តមណ្ឌលគិរី ៖ សេចក្តី​រាយ​ការ​ណ៍​ពី​ស្រុក​កែវ​សីមា​បាន​ឲ្យ​ដឹង​ថា ដំណាំស្រូវ​របស់​ប្រជាពលរដ្ឋ​ចំនួន​២​ឃុំ​នឹងអាច​ប្រឈម​ការ​ខូចខាត ប្រ​សិន​នៅ​អំឡុង​៧ ​ទៅ​១០​ថ្ងៃ​ទៀត ​មិន​មាន​ភ្លៀង​ធ្លាក់ ដែល​បង្ក​ការ​ព្រួយបារម្ភ​ជា​ខ្លាំង​ពី​កសិករ​រស់នៅ​តំបន់​នោះ​។

សេចក្តី​រាយ​ការ​ណ៍​បន្ត​ថា នៅ​ថ្ងៃ​ទី​៣០ ​កក្កដា ក្រុមការងារ​ក្សេត្រសាស្ត្រ និង​ផលិតភាព​កសិកម្ម សហកា​ជាមួយ​អាជ្ញាធរ​ឃុំ មេ​ម៉​ង់ និង​ឃុំ​ចុង​ផ្លាស់ ចុះ​ពិនិត្យ​ដំណាំ​ស្រូវ​ដែល​ទទួលផល​ប៉ះពាល់​ដោយ​គ្រោះ​រាំង​ស្ងួត​ឃុំ​ទាំ​ពីរ​មាន​ផល​ប៉ះពាល់​សំណាប​សរុប​ចំនួន ០៨​ភូមិ ស្មើ​និង ៩២១ គ្រួសារ ផ្ទៃដី​សរុប ១២​ហិ​កតា ក្នុង​នោះ ឃុំ​មេ​ម៉​ង់​ស្មើ​និង ៤២១ គ្រួសារ ផ្ទៃដី​សរុប​៧​ហិ​កតា និង​មាន​៥​ភូមិ ចំណែក​ឃុំ​ចុង​ផ្លាស់​ស្មើ​និង ៥០០ គ្រួសារ

ផ្ទៃដី​សរុប ៥ ហិ​កតា មាន​ចំនួន​៣​ភូមិ​។​ចំណែក​សន្ទូង​ពុំ​មាន​ផល​ប៉ះពាល់​ទេ​។
លោក សុង ឃាង ប្រធាន​មន្ទីរ​កសិកម្ម​ខេត្តមណ្ឌលគិរី បាន​ឲ្យ​ដឹង​នៅ​ព្រឹក​ថ្ងៃ​ទី​០១ សីហា ២០២០ ថា ប៉ុន្មាន​ថ្ងៃ​មក​ពី​អំឡុង​ចុងខែ​កក្កដា ការ​បង្ករ​បង្កើន​ដំណាំ​ស្រូវ​នៅ​ឃុំ​ខាងលើ បាន​រង​នូវ​ការ​ប៉ះពាល់​ខ្លះ​ៗ​បណ្តាល​មក​ពី​អាកាសធាតុ​រាំង​ស្ងួត​។​ព្រោះ​មិន​មាន​ប្រភព​ទឹក​សម្រាប់​ស្រោច​ស្រ​ព្វ សំណាប និង​សន្ទូង​ប្រឈម​និង​ការ​ខូចខាត​ប្រសិនបើ​ពុំ​មាន​ភ្លៀង​ធ្លាក់​។

លោក​ប្រធាន​មន្ទីរ​បន្ត​ថា កសិករ​នៅ​ឃុំ​មេ​ម៉​ង់​និង​ឃុំ​ចុង​ផ្លាស់ មាន​ទម្លាប់​ធ្វើស្រែ​តាម​ចង្កេះភ្នំ ដូច្នេះ​ដំណាំ​ស្រូវ​នៅ​តំបន់​នោះ​ត្រូវ​ពឹងផ្អែក​ទាំងស្រុង​លើ​ទឹកភ្លៀង ដ្បិត​ឃុំ​ទាំង​ពីរ​មិន​ទាន់​មាន​ប្រ​ព័​ន្ឋ​ប្រឡាយ​ទឹក​សម្រាប់​បូម​ដាក់​ស្រែ​នោះ​ទេ​។​ប៉ុន្តែ​ជា​វិធានការ​មន្ទីរ​កសិកម្ម​បាន​ត្រៀម​រួចរាល់​នូវ ការ​ជួយ​សង្គ្រោះ​ដំណាំ​ស្រូវ​របស់​កសិករ ប្រសិនបើ​អាកាសធាតុ​នៅ​តែ​អូស​បន្លាយ​មិន​មាន​ភ្លៀង​ធ្លាក់ មន្ត្រី​ជំនាញ​និង​ជួយ​ផ្តល់​ជា​ប្រេង​ឬ​ម៉ាស៊ីនបូមទឹក​ដល់ កសិករ​ណា​ដែល​មាន​ស្រែ​នៅ​ជិត​អូរ​ឬ​ត្រពាំង​ដើម្បី​បូមទឹក​សង្គ្រោះ​ស្រូវ​។​ដោយឡែក​ក្នុង​ករណី​ដំណាំ​ស្រូវ​ទាំងនោះ​មានការ​ខូចខាត មន្ទីរ​និង​ផ្តល់​ពូជស្រូវ​ដល់​ពួក​គាត់​ដាំ​ដុះ​ឡើង​វិញ​។

ដោយឡែក ​បើ​តាម​អាជ្ញាធរ​ឃុំ​មេ​ម៉​ង​បាន​ឲ្យ​ដឹង​ថា ជា​សំណាងល្អ​ខណៈ​ដំណាំ​ស្រូវ​របស់​ប្រជាពលរដ្ឋ​កំពុង​ប្រឈម​ទៅ​នឹង​ការ​ខូចខាត ព្រោះតែ​មេឃ​មិន​មាន​ភ្លៀង​ធ្លាប់​អស់​ជា​ច្រើន​ស​ប្តា​ហ៏ ស្រាប់តែ​នៅ​យប់​ថ្ងៃ​ទី​៣១ កក្កដា ឈាន​ចូល​ថ្ងៃ​ទី​០១ សីហា មាន​ភ្លៀង​ធ្លាក់​មួយ​មេ​យ៉ាង​ធំ ធ្វើ​ឲ្យ​ដំណាំ​ស្រូវ​និង​ដំណាំ​ផ្សេង​មាន​សង្ឃឹម​ឡើង​វិញ​៕

Facebook Google Twitter Email

Live

Sponsored News

ការស្ទង់មតិគេហទំព័រថ្មី




សូម​អរគុណ