ខេត្តបន្ទាយមានជ័យ ៖ សេចក្តីរាយការណ៍បឋមថា ករណីបាត់ខ្លួនអ្នកឃ្វាលគោ ដែលកំពុងបង្កការភ្ញាក់ផ្អើលពេញភូមិ នៅក្រុងប៉ោយប៉ែតតាំងពីថ្ងៃទី៣០ កក្កដា នោះ គិតត្រឹមព្រឹកថ្ងៃទី១ សីហា នេះ ធ្វើឱ្យអាជ្ញាធរនិងសមត្ថកិច្ចពាក់ព័ន្ធទាំងអស់ នៅតែមមារញឹក ក្នុងការរុករកបន្តទៀត ។
សេចក្តីរាយការណ៍បន្តថា កម្លាំងមិនត្រឹមប្រើប្រាស់គ្រឿងចក្រ កាយចូកសំរាមទេ ពេលនេះថែមទាំងដាក់ទូកជ័រ១ចុះក្នុងស្រះចាក់សំរាមនោះថែមទៀត ខណៈកងកម្លាំមួយចំនួនបែងចែកផ្លូវគ្នារុករកតាមចម្ការដំឡូងអ្នកស្រុកនិងតាមព្រៃ ។
ស្ថិតនៅចំណុចកើតហេតុ មានទាំងអ្នកស្ម័គ្រចិត្តចុះទៅក្នុងទឹកស្អុយនោះទប់ខ្សែដើម្បីអូសពើកយកឡើងលើក្រែងសាកសពនៅខាងក្រោម ។
សូមបញ្ជាក់ថា ជនរងគ្រោះដែលបាត់ខ្លួន ពេលទៅស៊ីឈ្នួលឃ្វាលគោឲ្យគេ កាលពីថ្ងៃទី៣០ កក្កដា ២០២០ មានឈ្មោះកែវ ជួប ភេទប្រុស អាយុ៣៨ឆ្នាំ ស្នាក់នៅក្នុងភូមិកើតហេតុ ភូមិព្រៃគប់ សង្កាត់ផ្សារកណ្តាល ក្រុងប៉ោយប៉ែត និងមានទីលំនៅភូមិត្រពាំងសិលាឃុំឈើកាច់ ស្រុកបាភ្នំ ខេត្តព្រៃវែង ។
ព័ត៌មានបន្ថែម កោះសន្តិភាពមានផ្សាយជូនបន្ត ។
ចែករំលែកព័តមាននេះ