រាជធានីភ្នំពេញ ៖ ក្រសួងធនធានទឹក និងឧតុនិយម បានចេញសេចក្តីជូនដំណឹងពីអាកាសធាតុនៅកម្ពុជា នៅព្រឹកថ្ងៃទី០១ ខែសីហា ឆ្នាំ២០២០នេះ ដោយក្រសួងបញ្ជាក់ថា ចាប់ពីថ្ងៃនេះដល់ថ្ងៃទី០៤ ខែសីហា ខេត្តមាត់សមុទ្រ និងនៅភាគឦសាន នឹងមានភ្លៀងធ្លាក់ច្រើន ខ្យល់បក់ខ្លាំង សូមប្រុងប្រយ័ត្នខ្ពស់ ចំពោះបាតុភូតធម្មជាតិ ។
ក្រសួងធនធានទឹកបានបញ្ជាក់ទៀតថា ដោយសារឥទ្ធិពលនៃវិសម្ពាធ (TD) ដែលបច្ចុប្បន្ននៅក្នុងសមុទ្រចិនខាងត្បូងក្បែរកោះ ហៃណាំ រួចបន្តដំណើរចូលវៀតណាមភាគខាងជើងនៅថ្ងៃទី ២ ខែសីហា ខាងមុខ ។
ក្រសួងបានអំពាវនាវឲ្យប្រជាពលរដ្ឋ បន្តមានការប្រុងប្រយ័ត្នខ្ពស់ ចំពោះបាតុភូតធម្មជាតិ ដែលអាចកើតមានឡើងជាយថាហេតុ ៕
ចែករំលែកព័តមាននេះ