ADផ្ទាំងផ្សព្វផ្សាយពាណិជ្ជកម្ម

Picture

ឆ្មក់​បង្ក្រាប​ហាង​លក់​ទូរស័ព្ទ​ដៃ​៣​កន្លែង និង​ដកហូត​ជាង​៣០០​គ្រឿង

3 ឆ្នាំ មុន
  • បន្ទាយមានជ័យ

ខេត្តបន្ទាយមានជ័យ ៖ បើ​តាម​សេចក្តីរាយការណ៍​​បឋម​បានឱ្យ​ដឹង​ថា មន្ត្រី​គយ និង​រដ្ឋាករ​តំបន់​៥ បាន​ចុះ​បង្ក្រាប​ហាង​លក់​ទូរស័ព្ទ​ដៃ​ចំនួន​៣​កន្លែង​នៅ​ក្រុង​សិរី​សោភ័ណ ដោយ​ដកហូត​បាន​ទូរស័ព្ទ​ដៃ​​​ជាង​៣០០​គ្រឿង​ដែល​នាំ​ចូល​គេច​ពន្ធ និង​គ្មាន​ច្បាប់​អនុញ្ញាត​នោះ​ទេ ហេតុ​ការណ៍​នេះ​បាន​កើតឡើង​កាលពី​នៅ​ថ្ងៃ​ទី​៣០ ខែកក្កដា…

ខេត្តបន្ទាយមានជ័យ ៖ បើ​តាម​សេចក្តីរាយការណ៍​​បឋម​បានឱ្យ​ដឹង​ថា មន្ត្រី​គយ និង​រដ្ឋាករ​តំបន់​៥ បាន​ចុះ​បង្ក្រាប​ហាង​លក់​ទូរស័ព្ទ​ដៃ​ចំនួន​៣​កន្លែង​នៅ​ក្រុង​សិរី​សោភ័ណ ដោយ​ដកហូត​បាន​ទូរស័ព្ទ​ដៃ​​​ជាង​៣០០​គ្រឿង​ដែល​នាំ​ចូល​គេច​ពន្ធ និង​គ្មាន​ច្បាប់​អនុញ្ញាត​នោះ​ទេ ហេតុ​ការណ៍​នេះ​បាន​កើតឡើង​កាលពី​នៅ​ថ្ងៃ​ទី​៣០ ខែកក្កដា ឆ្នាំ​២០២០ ស្ថិត​ក្នុងភូមិ​សា​ស្គ្រ ក្រុង​សិរី​សោភ័ណ​។

សេចក្តីរាយការណ៍​បន្ត​ថា ក្នុង​ប្រតិបត្តិការ​ចុះ​បង្ក្រាប​ហាង​លក់​ទូរស័ព្ទ​ដៃ​ខាងលើ​នេះ ឃើញ​មាន​វត្តមាន​លោក ឈួ​ន សោភា ប្រធាន​ការិយាល័យ​គយ និង​រដ្ឋាករ​ស្រាវជ្រាវ និង​បង្ក្រាប​អំពើ​រត់ពន្ធ​តំបន់​ខេត្ត និង​ព្រះរាជអាជ្ញា​អម​សាលាដំបូង​ខេត្តបន្ទាយមានជ័យ ដែល​ដឹកនាំ​មន្ត្រី​គយ និង​រដ្ឋាករ ព្រមទាំង​កម្លាំង​ល​កងរាជអាវុធហត្ថ និង​កម្លាំង​នគរបាល​ផង​ដែរ​។

ប្រភព​ដដែល​បន្ត​ថា ការ​ចុះ​បង្ក្រាប​ទីតាំង​លក់​ទូរស័ព្ទ​ដៃ​ចំនួន​៣​កន្លែង​នៅ​ក្រុង​សិរី​សោភ័ណ​នេះ គឺ​ដកហូត​ទូរស័ព្ទ​ដៃ​បាន​ចំនួន​ជាង​៣០០​គ្រឿង ដោយ​ក្នុង​នោះ​មាន​ប្រភេទ​ម៉ាក SAMSUNG ម៉ាក OPO និង​ម៉ាក VIVO ដែល​ជា​ទូរស័ព្ទ​​នាំ​ចូល​គេច​ពន្ធ និង​គ្មាន​ច្បាប់​អនុញ្ញាតិ​ ។

ប្រភព​ដដែល​បន្ត​ថា នៅ​ពេល​ដែល​មន្ត្រី​គយ និង​រដ្ឋាករ បាន​ចុះ​ពិនិត្យ​ហាង​លក់​ទូរស័ព្ទ​ទាំង​៣​កន្លែង​នៅ​ក្រុង​សិរី​សោភ័ណ និង​ដកហូត​ទូរស័ព្ទ​ចំនួន​ជាង​៣០០​គ្រឿង​រួច ហើយ​ធ្វើ​កិច្ចសន្យា​ដល់​ម្ចាស់​ហាង​លក់​ទូរស័ព្ទ​ឱ្យ​បញ្ឈប់​សកម្មភាព​លក់​ទូរស័ព្ទ​គ្មាន​ច្បាប់ ឬ​គ្មាន​ពន្ធ​តទៅ​ទៀត ចំណែកឯ​ទូរស័ព្ទ​ដែល​ដកហូត​ត្រូវ​បាន​រៀបចំ​ឯកសារ​រក្សា​ទុក​នៅ​ការិយាល័យ ដើម្បី​អនុវត្តន៍​តាម​ច្បាប់​៕

អត្ថបទសរសេរ ដោយ

កែសម្រួលដោយ