រាជធានីភ្នំពេញ ៖ ទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានប្រាប់ឲ្យម្ចាស់យានដ្ឋានគ្រប់ប្រភេទត្រូវបញ្ឈប់កែច្នៃរថយន្តខុសបច្ចេកទេសជាបន្ទាន់ ដើម្បីកាត់បន្ថយអត្រាគ្រោះថ្នាក់ចរាចរណ៍នៅកម្ពុជាឲ្យមកនៅកម្រិតទាប ។…
រាជធានីភ្នំពេញ ៖ ទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានប្រាប់ឲ្យម្ចាស់យានដ្ឋានគ្រប់ប្រភេទត្រូវបញ្ឈប់កែច្នៃរថយន្តខុសបច្ចេកទេសជាបន្ទាន់ ដើម្បីកាត់បន្ថយអត្រាគ្រោះថ្នាក់ចរាចរណ៍នៅកម្ពុជាឲ្យមកនៅកម្រិតទាប ។
លោកទេសរដ្ឋមន្ត្រី ស៊ុន ចាន់ថុល បានថ្លែងបែបនេះ ក្នុងពិធីប្រគល់ និងទទួលរនាំងសម្រាប់គោលដៅត្រួតពិនិត្យចរាចរណ៍ នាព្រឹកថ្ងៃទី២៩ ខែកក្កដា នៅទីស្តីការក្រសួងសាធារណការ និងដឹកជញ្ជូន ។
រដ្ឋមន្ត្រីក្រសួងសាធារណការ និងដឹកជញ្ជូន បានអំពាវនាវដល់កន្លែងកែច្នៃយាយន្តទាំងអស់ សូមអោយបញ្ឈប់ការកែច្នៃ ដែលខុសនឹងបច្ចេកទេស ព្រោះវាមានហានិភ័យខ្ពស់ សម្រាប់សុវត្ថិភាពពេលធ្វើដំណើរនៅលើដងផ្លូវ ។
បច្ចុប្បន្ននេះ ផ្លូវមួយចំនួន ត្រូវបានរងការខូចខាត ដោយសារតែររថយន្តមួយចំនួនដឹកលើសចំណុះ ។ ដូច្នេះ សូមឲ្យក្រុមហ៊ុនដឹកទំនិញទាំងអស់ មេត្តាកុំកែឆ្នៃរថយន្ត និងដឹកលើសទម្ងន់ដែលធ្វើអោយផ្លូវ ថ្នល់រងការខូចខាត និងនឹងងាយនឹងង្ករគ្រោះថ្នាក់ចរាចរណ៍ដល់អ្នកធ្វើដំណើផ្សេងទៀត ។
រដ្ឋមន្ត្រីក្រសួងសាធារណការ និងដឹកជញ្ជូន បញ្ជាក់ថា ចំពោះបញ្ហាចរាចរណ៍នេះ ទាមឲ្យមានការចូលរួមទាំងអស់គ្នា មានទាំងវិស័យឯកជន ប្រជាពលរដ្ឋ ទើបសង្គមកម្ពុជាយើង អាចឈានទៅកាត់បន្ថយអត្រាគ្រោះថ្នាក់ចរាចរណ៍បាន ។
សូមបញ្ជាក់ថា គ្រោះថ្នាក់ចរាចរណ៍នៅកម្ពុជាភាគច្រើនបង្កឡើង ដោយកក្តាអ្នកបើកបរក្នុងស្ថានភាពស្រវឹង បើកបរហួសល្បឿនកំណត់ មិនគោរច្បាប់ចរាចរណ៍ផ្លូវគោក ជាពិសេសនោះ កក្តាយានយន្តដែលមានលក្ខណៈចាស់ៗ មិនបានត្រួតពិនិត្យត្រឹមត្រូវ ហើយយកទៅធ្វើការកែច្នៃខុសពីបច្ចេកទេស និងដឹកលើសទំងន់ជាដើម ៕
ចែករំលែកព័តមាននេះ