អាជ្ញាធរ​ក្រុងព្រះសីហនុ ចុះ​រុះរើ​ខ្ទម​អនាធិបតេយ្យ លើដីរដ្ឋ


ខេត្ត​ព្រះ​សីហ​នុ ៖ លោក អ៊ី សុខ​ឡេ​ង អភិបាល​ក្រុងព្រះសីហនុ បាន​ដឹកនាំ​ក្រុមការងារ​ចម្រុះ​ចុះ​ទៅ​រុះរើ​ខ្ទម​ដែល​សង់​និង​រស់​អនាធិបតេយ្យ នៅ​ក្នុង​ដី​អនុក្រឹត្យ​១១៦ ស្ថិត​នៅ​ក្រុម​ទី​១៧ ភូមិ​១ សង្កាត់​១ ក្រុងព្រះសីហនុ ។

បើ​យោង​តាម​គណនី​ហ្វេ​ស​ប៊ុ​ក​លោក​អភិបាលក្រុង បានអោយ​ដឹង​ថា ក្រុមការងារ​ចម្រុះ ទៅ​រុះរើ​ខ្ទម​អនាធិបតេយ្យ​ទាំងនោះ មាន​សមាសភាព​ចូលរួម​មាន ៖
១/ មន្ត្រី​សាលាខេត្ត ចំនួន ០៥​នាក់ ។
២/ កំលាំង​ក្រុង ចំនួន ១៨៥​នាក់ (​មន្ត្រី​ស៊ី​វិល​ក្រុង​ចំនួន​០៦​នាក់ ប្រជា​ការពារ​ប្រចាំ​សាលាក្រុង​ចំនួន​២៨​នាក់ នគរបាល​ក្រុង​ចំនួន​០៥​នាក់ អាវុធហត្ថ​ក្រុង​ចំនួន​០៨​នាក់ និង​សង្កាត់​១ ចំនួន ១៣៨​នាក់​)​។
៣/ នគរបាល​ខេត្ត​ចំនួន ០៦​នាក់​។
៤/ កងរាជអាវុធហត្ថ​ខេត្ត​ចំនួន ១០​នាក់​។
៥/ មន្ទីរ​បរិស្ថាន​ចំនួន ២៣​នាក់​។
៦/ ក្រុមហ៊ុន​សេង​ទិ​ត្យ​ចំនួន ០៧​នាក់​។
៧/ ក្រុមហ៊ុន​kswm​ចំនួន ០២​នាក់​។

លោក អ៊ី សុខ​ឡេ​ង បន្ត​ថា ក្នុង​ប្រតិបត្តិការ​នោះ​អាជ្ញាធរ​សមត្ថកិច្ច បាន​ប្រើ​គ្រឿងចក្រ ចំនួន​០៧​គ្រឿង ដូច​ខាងក្រោម ៖
១/ ក្រុមហ៊ុន​សេង​ទិ​ត្យ ជួយ​ឡាន​ដឹក​ចំនួន​០៣​គ្រឿង និង​ឡាន​សា​សឺ ចំនួន​០២​គ្រឿង​។
២/ ក្រុមហ៊ុន​សំរាម​ជួយ​ឡាន​ដឹក​ចំនួន​០២​គ្រឿង ។

លោក​អភិបាល​ក្រុងព្រះសីហនុ បញ្ជាក់​ថា ជា​លទ្ធផល​នៃ​ប្រតិបត្តិការ​នេះ មាន​ដូច​ខាងក្រោម ៖
១/ ក្រុមការងារ​បាន​រុះរើ​ខ្ទម​ប្រក់​តង់សង់​លើ​ខ្នង​ទំនប់​ដី​អនុក្រឹត្យ​១១៦ ជាប់​របង​ដី​ឧកញ៉ា លឹ​ម ហ៊ុយ​ឡេ​ង ចំនួន​៣៨ ។
២/ ក្រុមការងារ​បាន​រុះរើ​ខ្ទម​ប្រក់​ស័ង្កសី​ចំនួន ៥​ទីតាំង ដែល​សង់​ចូល​ជ្រៅ​ក្នុង​ដី​អនុក្រឹត្យ​១១៦​។
៣/ ក្រុមការងារ​បាន​កាប់​ដើម​ស្វាយ​ដាំ​ថ្មី​ជា​ច្រើន​ដើម ឈួ​ស និង​ដក​បង្គោល​ចោល​ជា​ច្រើន បង្គោល​។
៤/ ចាប់​រុះរើ រហូត​រុះរើ​ចប់ គឺ​មិន​មាន​ហិង្សា និង​បង្ក​របួស​ដល់​ភាគី​ណាមួយ​នោះ​ទេ ។

លោក អ៊ី សុខ​ឡេ​ង បាន​បន្ថែម​ថា ក្រុមការងារ​បាន​បញ្ចប់​ការ​រុះរើ និង​ឈូស​ឆាយ​សម្អាត​ស្អាត នៅ​ម៉ោង ១:៣០​នាទី​រសៀល ថ្ងៃខែ​ដដែល​នេះ ៕

Facebook Google Twitter Email

Live

Sponsored News

ការស្ទង់មតិគេហទំព័រថ្មី




សូម​អរគុណ