ខេត្តបាត់ដំបង៖ បុរសម្នាក់ដែលក្រុមគ្រួសារអះអាងថា ជាមនុស្សកំរោលចូល ត្រូវបានសមត្ថកិច្ចឃាត់ខ្លួន បន្ទាប់ពីទាញកាំបិតកាប់ប្អូនប្រុស និងនិងឪពុករបស់ខ្លួន បណ្ដាលឲ្យរបួសធ្ងន់ កាលពីវេលាម៉ោង១១និង៣០នាទីយប់ថ្ងៃទី២៧ កក្កដា នៅភូមិដាក់សរសរ…
ខេត្តបាត់ដំបង៖ បុរសម្នាក់ដែលក្រុមគ្រួសារអះអាងថា ជាមនុស្សកំរោលចូល ត្រូវបានសមត្ថកិច្ចឃាត់ខ្លួន បន្ទាប់ពីទាញកាំបិតកាប់ប្អូនប្រុស និងនិងឪពុករបស់ខ្លួន បណ្ដាលឲ្យរបួសធ្ងន់ កាលពីវេលាម៉ោង១១និង៣០នាទីយប់ថ្ងៃទី២៧ កក្កដា នៅភូមិដាក់សរសរ សង្កាត់អូរម៉ាល់ ក្រុងបាត់ដំបង។
អធិការក្រុងបាត់ដំបង លោក ឆាង វណ្ណឆៃ បានឲ្យដឹងថា ជនកំរោលចូលនោះឈ្មោះ ផល សំណាង អាយុ២៦ឆ្នាំ។ ជននេះបានប្រើប្រាសកាំបិត កាប់ទៅលើឪពុករបស់ខ្លួនឈ្មោះ ទោម សុផល អាយុ៥៧ឆ្នាំ បណ្ដាលឲ្យរងរបួសជាច្រើនកន្លែង និងកាប់ទៅលើប្អូនប្រុសឈ្មោះ ផល សុវណ្ណឆាយ អាយុ១៩ឆ្នាំ របួសដៃឆ្វែង។ លោកអធិការបានបញ្ជាក់ថា នេះជាអំពើហិង្សានៅក្នុងគ្រួសារ ដែលបង្កឡើងរវាងកូននិងឪពុក។
ប៉ុន្តែក្រុមគ្រួសារ បានអះអាងថា អំពើហឹង្សាដែលបង្កឡើងដោយលោកកូនកើតរោគឆ្គូតនេះ បានកើតឡើងជាញឹកញ៉ាប់ តែលើកនេះហាក់ធ្ងន់ដៃជាងមុនៗ។ លោក ទោម សុផល ដែលជាឪពុកជនបង្ក ត្រូវបានសមត្ថកិច្ចស្រង់សំដីថា កូនប្រុសគាត់តែងបង្កហឹង្សាបែបនេះជាញឹកញ៉ាប់ នៅពេលកំរោលចូលម្ដងៗ។
កូនប្រុសគាត់ម្នាក់នេះ ហាក់មានសតិមិនប្រក្រតី ពេលធ្វើទុក្ខម្ដងៗ តែងបង្កជម្លោះជាមួយគាត់ និង ដេញវាយគាត់ តែមិនធ្លាប់ធ្ងន់ធ្ងរដូចលើកនេះទេ។ ដូច្នេះហើយទើបលោកប្ដឹងសមត្ថកិច្ចឲ្យចាត់ការតាមផ្លូវច្បាប់ម្ដង។ ពាក់ព័ន្ធនឹងការអះអាងថា កូនរបស់គាត់មានសតិមិនប្រក្រតី ឬ កំរោលចូល តែលោក ទោម សុផល មិនបានបង្ហាញលិខិត្រអ្វីមួយ ដែលមានបញ្ជាក់ពីគ្រួពេទ្យជំនាញទេ។
លោកឆាង វណ្ណឆៃ អធិការក្រុងបាត់ដំបង បានបញ្ជាក់ថា ជនដៃដល់ត្រូវបានគេអះអាងថា មានសតិមិនប្រក្រតី និង កើតរោគកំរោលចូល តែក្រុមគ្រួសារ មិនមានលិខិតបញ្ជាក់អំពីរោគសញ្ញានេះពីគ្រួពេទ្យទេ។ ប៉ុន្តែយ៉ាងណា ដោយសារតែជននេះ បានប្រព្រឹត្តបទល្មើសធ្ងន់ធ្ងរ និង ជាញឹកញ៉ាប់កន្លងមក ទើបលោកស្នងការខេត្ត និង លោកព្រះរាជអាជ្ញាអមសាលាដំបូងខេត្ត បញ្ជាឲ្យឃាត់ខ្លួន និង កសាងសំណុំរឿងបញ្ជូនទៅតុលាការចាត់ការតាមនីតិវិធីច្បាប់៕
ចែករំលែកព័តមាននេះ