ADផ្ទាំងផ្សព្វផ្សាយពាណិជ្ជកម្ម

Picture

សម្តេច​តេ​ជោ ផ្តល់​ម៉ាស៊ីន​ផលិត​ទឹកបរិសុទ្ធ​ចំនួន​៥ ដល់​មន្ទី​ពេទ្យ​រាជធានី​ភ្នំពេញ

3 ឆ្នាំ មុន
  • ភ្នំពេញ

រាជធានី​ភ្នំពេញ ៖ សម្តេច​តេ​ជោ ហ៊ុន សែន នាយក​រដ្ឋមន្ត្រី​បាន​ផ្តល់​ម៉ាស៊ីន​ផលិត​ទឹកបរិសុទ្ធ​ដោយ​បរិយាកាស​ធម្មជាតិ – WATERGEN ៥​គ្រឿង​ដល់​មន្ទីរពេទ្យ​ក្នុង​ទីក្រុង​ភ្នំពេញ ។…

រាជធានី​ភ្នំពេញ ៖ សម្តេច​តេ​ជោ ហ៊ុន សែន នាយក​រដ្ឋមន្ត្រី​បាន​ផ្តល់​ម៉ាស៊ីន​ផលិត​ទឹកបរិសុទ្ធ​ដោយ​បរិយាកាស​ធម្មជាតិ – WATERGEN ៥​គ្រឿង​ដល់​មន្ទីរពេទ្យ​ក្នុង​ទីក្រុង​ភ្នំពេញ ។

យោង​តាម​បណ្តាញ​សង្គម​ហ្វេ​ស​ប៊ុ​ក​ផ្លូវការ សម្តេច​តេ​ជោ ហ៊ុន សែន បាន​សរសេរ​ថា នៅ​ថ្ងៃ​ទី​២៨ ខែកក្កដា ឆ្នាំ​២០២០​នេះ ដោយ​មើលឃើញ​អំពី​តម្រូវការ​ទឹក​ស្អាត​ចាំបាច់​បំផុត​សម្រាប់​មន្ទីរពេទ្យ ជា​ពិសេស​សម្រាប់​ពលរដ្ឋ និង​អ្នកជំងឺ​ដែល​មក​សម្រាក​ព្យាបាល​នៅ​ក្នុង​មន្ទីរពេទ្យ សម្តេច​បាន​ផ្តល់​ជូន​ម៉ាស៊ីន​ចម្រុះ​ទឹក​ស្អាត​ដែល​ប្រើ​បច្ចេកវិទ្យា​ខ្ពស់​ចំនួន ០៥​គ្រឿង ដល់​មន្ទីរពេទ្យ​ចំនួន ៥​ខាងក្រោម ៖

១- មន្ទីរពេទ្យ​គន្ធ​បុប្ផា ចំនួន​០១ គ្រឿង ២-​មន្ទីរពេទ្យ​កាល់​ម៉ែ​ត ចំនួន ០១ គ្រឿង ៣-​មន្ទីរពេទ្យ​មិត្តភាព​កម្ពុជា​-​ចិន ព្រះ​កុសុមៈ ចំនួន​០១ គ្រឿង ៤-​មន្ទីរពេទ្យ​មិត្តភាព​ខ្មែរ​-​សូ​វៀត ចំនួន​០១ គ្រឿង និង​៥-​កាកបាទក្រហមកម្ពុជា ចំនួន ០១ គ្រឿង (​រួម​ជាមួយ​រថយន្ត​ចល័ត និង​ម៉ា​ស៊ី​ង​ភ្លើង​មួយ​ឈុត ក្នុង​ការ​ធ្វើ​សកម្មភាព​មនុស្សធម៌​នៅ​តាម​មជ្ឈដ្ឋាន​ទី​សាធារណៈ​ក្នុង​ប្រទេស​កម្ពុជា ដែល​អាច​នឹង​ជួប​គ្រោះ​រាំង​ស្ងួត ឬ​មាន​តម្រូវការ​ប្រើប្រាស់​ទឹក​ស្អាត​ជា​ចាំបាច់​)​។

ប្រភព​បន្ត​ថា នៅ​ព្រឹក​ថ្ងៃ​ទី ២៨ កក្កដា​នេះ លោក ស៊ុន ចាន់​ថុ​ល ទេស​រដ្ឋមន្ត្រី និង​ជា​រដ្ឋមន្ត្រីក្រសួង​សាធារណៈការ​ដែល​ជា​តំណាង​ដ៏​ខ្ពង់ខ្ពស់ សម្តេច​តេ​ជោ​នាយក​រដ្ឋមន្ត្រី បាន​អញ្ជើញ​ប្រគល់​ម៉ាស៊ីន​ចម្រោះ​ទឹក​ខាងលើ​ជូន​ទៅ​តំណាង​មន្ទីរពេទ្យ ដើម្បី​យក​ទៅ​ប្រើប្រាស់​ជា​ប្រយោជន៍​សាធារណៈ​។

សម្តេច​តេ​ជោ បាន​បន្ត​ថា ម៉ាស៊ីន​ផលិត​ទឹកបរិសុទ្ធ​ដោយ​បរិយាកាស​ធម្មជាតិ​- WATERGEN (​ប្រភេទ GEN-M) គឺជា​បច្ចេកវិទ្យា​របស់​ប្រទេស​អ៊ី​ស្រា​អែ​ល មាន​សមត្ថភាព​ផលិត​ទឹកបរិសុទ្ធ​ដោយ​ស្វ័យប្រវត្តិ​ពី​ខ្យល់​ក្នុង​បរិយាកាស (​បាន​ប្រមាណ ៨០០ លី​ត្រ ក្នុង​មួយ​ថ្ងៃ​) ប្រកបដោយ​គុណភាព និង​សុវត្ថិភាព​ខ្ពស់ ដែល​អាច​ចូលរួម​កាត់​បន្ថយ​ផល​ប៉ះពាល់​បរិស្ថាន​ផ្សេង​ៗ ថែម​ទៀត​ផង ៕

អត្ថបទសរសេរ ដោយ

កែសម្រួលដោយ