រាជធានីភ្នំពេញ ៖ អ្នកនាំពាក្យក្រសួងសុខាភិបាល លោក ជំទាវឱ វណ្ណឌីន បានបញ្ជាក់ថា ការធ្វើតាមជើងយន្តហោះពិតមានហានិភ័យខ្ពស់ក្នុងការឆ្លងជំងឺកូវីដ១៩ ។ លោកជំទាវ…
រាជធានីភ្នំពេញ ៖ អ្នកនាំពាក្យក្រសួងសុខាភិបាល លោក ជំទាវឱ វណ្ណឌីន បានបញ្ជាក់ថា ការធ្វើតាមជើងយន្តហោះពិតមានហានិភ័យខ្ពស់ក្នុងការឆ្លងជំងឺកូវីដ១៩ ។
លោកជំទាវ អ្នកនាំពាក្យបានសរសេរតាមបណ្តាញតេឡេក្រាម នៅថ្ងៃទី២៧ កក្កដា ឆ្នាំ២០២០ បន្ទាប់ពីមានសំណួរពីអ្នកសារព័ត៌មានថា គួរតែពិចារណាក្នុងការពិនិត្យ និងការពារការចម្លងជំងឺជាចាំបាច់ ហេីយបេីមានផ្ទុកវីរុសកូវីដ-១៩ សូមព្យាបាលនៅកន្លែងសិនមុននឹងធ្វេីដំណេីរ ។ មានស្ថានទូតខ្មែរប្រចាំនៅតាមបណ្តាប្រទេសនីមួយៗ ដែលបងប្អូនអាចធ្វេីទំនាក់ទំនង ដេីម្បីទទួលបានការណែនាំបន្ថែម ។
លោកជំទាវបញ្ជាក់ថា៖«ការធ្វេីដំណេីរ ពិតជាមានហានិភ័យនៃការចម្លងខ្ពស់ណាស់ ដែលត្រូវយកចិត្តទុកដាក់មែនទែន» ។ អ្នកនាំពាក្យបានបន្តថា ក្រសួងបានដាក់ចេញនូវវិធានការជាបន្តបន្ទាប់ ហេីយក៏កំពុងតែអនុវត្តដោយយកចិត្តទុកដាក់នូវវិធានការត្រួតពិនិត្យសុខភាពអ្នកដំណេីរផងដែរ នៅពេលមកដល់ច្រកចូល ។
ជាមួយគ្នានោះដែរ លោកជំទាវក៏បាន សូមបងប្អូនលោកយោគយល់ និងអធ្យាស្រ័យលេីការផ្អាកជេីងហោះហេីរជាបណ្តោះអាសន្នមកពីប្រទេសម៉ាឡេស៊ី និងឥណ្ឌូណេស៊ីនេះ ដេីម្បីចូលរួមកាត់បន្ថយហានិភ័យនៃការចម្លងចូលក្នុងប្រទេសកម្ពុជា និងលទ្ធភាពនៃការចម្លងចូលក្នុងសហគមន៌យេីងផងដែរ ។ ពិតជាមានការលំបាកសម្រាប់បុគ្គល ក៏ប៉ុន្តែយេីងទាំងអស់គ្នារឹតតែមានការលំបាកច្រេីនជាងនេះ និងខ្លាំងជាងនេះ ប្រសិនបេីករណីចម្លងចូលក្នុងប្រទេសកាន់តែកេីនច្រេីនឡេីងៗ ដែលជាហានិភ័យខ្ពស់ណាស់សម្រាប់ប្រជាជនកម្ពុជានៅទូទាំងប្រទេស ។ ដូច្នេះ ការចូលរួមការពារការចម្លងពីបុគ្គលម្នាក់ទៅបុគ្គលម្នាក់ ពិតជាមានសារសំខាន់ណាស់នៅក្នុងដំណាក់កាលរាតត្បាតជំងឺដ៏កាចសាហាវនេះ ។
ខ្ញុំសូមជូនពរបងប្អូនទាំងអស់មានសុខភាពល្អ ចៀសផុតការចម្លងវីរុសកូវីដ-១៩ គ្រប់ៗគ្នា ។ សូមជម្រាបថា គិតត្រឹមថ្ងៃទី២៧ ខែកក្កដា ឆ្នាំ២០២០ កម្ពុជាមានអ្នកឆ្លងជំងឺកូវីដ១៩ សរុបនៅទូទាំងប្រទេសចំនួន២២៥នាក់ និងបានព្យាបាលជាសះស្បើយចំនួន១៤៧នាក់ ហើយកំពុងសម្រាកព្យាបាលចំនួន៧៦នាក់ នៅមន្ទីពេទ្យរដ្ឋ និង២នាក់នៅក្នុងស្ថានទូតសហរដ្ឋអាមេរិកចំនួន២នាក់ ៕
ចែករំលែកព័តមាននេះ