ម្តងនេះបានទាំងពស់ថ្លាន់ និងសត្វស្វាទៀត
- រតនគិរី
ខេត្តរតនគិរី ៖ មន្ទីរបរិស្ថានខេត្តរតនគិរី នាថ្ងៃទី២៤ ខែកក្កដា ឆ្នាំ២០២០ តំណាងមន្ទីរបរិស្ថាន និងក្រុមការងារ ដោយមានការចូលរួមពីអាជ្ញាធរភូមិឃុំ ប៉ុស្តិ៍រដ្ឋបាលឃុំ…
ខេត្តរតនគិរី ៖ មន្ទីរបរិស្ថានខេត្តរតនគិរី នាថ្ងៃទី២៤ ខែកក្កដា ឆ្នាំ២០២០ តំណាងមន្ទីរបរិស្ថាន និងក្រុមការងារ ដោយមានការចូលរួមពីអាជ្ញាធរភូមិឃុំ ប៉ុស្តិ៍រដ្ឋបាលឃុំ បានទទួលពស់ថ្លាន់ ០១ក្បាល ទម្ងន់ប្រហែល១០ គីឡូក្រាម ពីលោក កែវ សាង នៅភូមិជ្រី សង្កាត់យក្ខឡោម ក្រុងបានលុង ខេត្តរតនគិរី ដែលគាត់ចាប់បានពេលពស់ចូលស៊ីមាន់របស់គាត់នៅចម្ការ ។ នេះបើយោងតាមផេកក្រសួងបរិស្ថានបានចេញផ្សាយ ។
ក្រសួងបានបញ្ជាក់ថា បន្ទាប់មកក្រុមការងារបានចុះប្រជុំផ្សព្វផ្សាយច្បាប់ស្តីតំបន់ការពារធម្មជាតិ និងប្រកាសអន្តរក្រសួងស្តីពីការប្រមូលកម្រៃសេវាសាធារណៈដែលសម្របសម្រួលដោយមន្ត្រីជំនាញការិយាល័យគាំពារបរិស្ថាន ក្នុងនោះក៏មានការចូលរួមពីអាជ្ញាធរភូមិចំនួន៤ មេប៉ុស្តិ៍រដ្ឋបាលសង្កាត់បឹងយក្ខឡោម លោក ចៅសង្កាត់បឹងយក្ខឡោមផងដែរ ។
នៅថ្ងៃដដែលនេះ តំណាងមន្ទីរបរិស្ថាន និងមានការចូលរួមពីអាជ្ញាធរឃុំ ក្រុមការងារ បានទទួលស្វាចំនួន០៣ក្បាល ពីលោក សុភី នៅភូមិល្អក់ ឃុំល្អក់ ស្រុកអូរជុំ ខេត្តរតនគិរី ដែលគាត់បានពីអ្នកភូមិ យកមកប្រគល់ឱ្យមន្ទីរ ដើម្បីព្រលែងចូលព្រៃធម្មជាតិវិញ ។
ចំណែក នៅដែនជម្រកសត្វព្រៃលំផាត់ មន្ត្រីឧទ្យានុរក្សទីស្នាក់ការអូរល្ហាបានចុះល្បាតត្រង់ចំណុចត្រពាំងសង្កែ ជាមួយមន្ត្រីអង្គការ BirdLife ។ ជាលទ្ធផល គឺបានដកហូតរណាយន្តចំនួន០២គ្រឿង ដែលជនល្មេីសយកចូលមកអារឈេីគឿងផ្ទះ ។
រីឯជនល្មើស បានរត់គេចខ្លួនចូលព្រៃបាត់ មុនពេលដែលក្រុមការងារមកដល់ ។ ចំពោះវត្ថុតាងជារណាយន្ត ក្រុមការងារបានយកមករក្សាទុកនៅស្នាក់ការលំផាត់រួចហេីយ ៕
ចែករំលែកព័តមាននេះ