ADផ្ទាំងផ្សព្វផ្សាយពាណិជ្ជកម្ម

Picture

ដំណឹង​ល្អ​! កុមារ និង​ពលរដ្ឋ​ក្រីក្រ​កើត​ជំងឺ​​មហារីក​ព្យាបាល​ដោយ​ឥត​គិត​ប្រាក់

3 ឆ្នាំ មុន
  • ភ្នំពេញ

រាជធានី​ភ្នំពេញ​៖ ចាត់ទុកជា​ដំណឹង​រីករាយ​មួយ​នោះ គឺ​កុមារ និង​ពលរដ្ឋ​ក្រីក្រ កើតមហារីក​អាច​ទទួល​បានការ​ព្យាបាល​ដោយ​ឥត​គិត​ប្រាក់​ពី​មជ្ឈមណ្ឌល​ព្យាបាល​កុមារ បេះដូង​ជប៉ុន ខណៈ​មិនសូវ​មាន​ពលរដ្ឋ​ខ្មែរ​ច្រើន​ប៉ុន្មាន​ទេ ដែល​បានដឹង​អំពី​មជ្ឈមណ្ឌល​ព្យាបាល​កុមារ​បេះដូង​ជប៉ុន ។ មា​នទី​តាំងនៅ​ជិត​ភ្នំ​ព្រះរាជ​ព្រ​ទ្យ…

រាជធានី​ភ្នំពេញ​៖ ចាត់ទុកជា​ដំណឹង​រីករាយ​មួយ​នោះ គឺ​កុមារ និង​ពលរដ្ឋ​ក្រីក្រ កើតមហារីក​អាច​ទទួល​បានការ​ព្យាបាល​ដោយ​ឥត​គិត​ប្រាក់​ពី​មជ្ឈមណ្ឌល​ព្យាបាល​កុមារ បេះដូង​ជប៉ុន ខណៈ​មិនសូវ​មាន​ពលរដ្ឋ​ខ្មែរ​ច្រើន​ប៉ុន្មាន​ទេ ដែល​បានដឹង​អំពី​មជ្ឈមណ្ឌល​ព្យាបាល​កុមារ​បេះដូង​ជប៉ុន ។

មា​នទី​តាំងនៅ​ជិត​ភ្នំ​ព្រះរាជ​ព្រ​ទ្យ ឬ​ឧត្តុង្គ ក្នុង​ស្រុ​ល​ពញា​ឭ ខេត្តកណ្តាល មជ្ឈមណ្ឌល​ព្យាបាល​កុមារ​បេះដូង​ជប៉ុន បាន​កំពុង​ព្យាយាម​ផ្តល់​ការ​ព្យាបាល​ដោយ​ឥត​ថ្លៃ​ដល់​កុមារ និង​ពលរដ្ឋ​ក្រីក្រ ដែល​មាន​ជំងឺមហារីក ​។

មជ្ឈមណ្ឌល បាន​ផ្តល់​ដំណឹង​ថា ពេល​នេះ ខ្លួន​អាច​ធ្វើការ​វះកាត់​ជំងឺ​កុមារ​ក្រីក្រ​កម្ពុជា​ឡើង​វិញ​ហើយ ក្រោយ​ពី​មិន​អាច​ធ្វើការ​វះកាត់​មួយ​រយៈ ដោយសារ​ជំងឺ​កូ​វី​ដ​១៩​នោះ​។ «​យើង​មិន​អាច​វះកាត់​ជំងឺមហារីក និង​ជំងឺ​កម្រិត​ធ្ងន់​ៗ ចាប់តាំងពី​ខែមីនា​កន្លង​ទៅ ព្រោះតែ​ជំងឺ​កូ​វី​ដ​១៩ និង​ដោយសារ​តែ​ការ​រឹតត្បិត​ការ​ធ្វើ​ដំណើរ​ជា​អន្តរជាតិ ដែល ជា​ហេតុ​បណ្តាល​ឱ្យ​អ្នកជំងឺ​ជា​ច្រើន​រង់ចាំ​ទទួល​ការ​ព្យាបាល​ដ៏​ត្រឹមត្រូវ​ពី​ក្រុម​គ្រូពេទ្យ​របស់​យើង​» ។ នេះ​ជា​ការ​ជូនដំណឹង​របស់ មជ្ឈមណ្ឌល​ព្យាបាល​កុមារបេះដូង​ជប៉ុន ។

ការ​ជូនដំណឹង បាន​ធ្វើ​ឡើង​នៅ​ពេល លោក លោក យ៉ុ ស៊ីអូ​កា ស្ថាបនិក អង្គការ​បេះដូង​ជប៉ុន បាន​ព្យាយាម​ធ្វើ​ដំណើរ​មក​កម្ពុជា កាលពី​ខែមិថុនា​កន្លង​មកនេះ​ ។ ទោះបី​ប្រឈម​នឹង​ជំងឺ​កូ​វី​ដ​១៩ ហើយ​ការ​ធ្វើ​ដំណើរ​តាម​ជើង​យន្តហោះ​មាន​ផល​លំបាក​យ៉ាងណា​ក្តី លោក យ៉ុ ស៊ីអូ​កា បាន​ព្យាយាម​មក​កាន់​កម្ពុជា ដើម្បី​ចូលរួម​ព្យាបាល និង​វះកាត់​ជំងឺមហារីក​កុមារ ណា​ដែល​ស្ថិត​នៅ​ក្នុង​ស្ថានភាព​ធ្ងន់ធ្ងរ​។

បើ​តាម​ការ​បញ្ជាក់​របស់​មជ្ឈមណ្ឌល​ព្យាបាល​កុមារ​បេះដូង​ជប៉ុន​បាន​ឲ្យ​ដឹង​ថា «​បច្ចុប្បន្ន យើង​អាច វះកាត់ ជំងឺមហារីក កុមារ មហារីក​សុដន់ មហារីក​ក្រ​ពេញទី​រ៉ូ​អ៊ី​ត និង​វះកាត់​ការ ស​ម្រ​ល​កូន ជា​រៀងរាល់ថ្ងៃ​។ ទោះបី​ស្ថិត​នៅ​ស្ថានភាព​រឹតត្បិត​ក្នុង​ការ​ដំណើរ​ក៏​ដោយ ក៏​ស្ថាបនិក​ជា​លទ្ធផល​នៅ​ក្នុង​ខែមិថុនា មាន​អ្នកជំងឺ​ប្រមាណ​ជិត​២០០​នាក់ (១៤៦​នាក់​) បាន​ទទួល​ការ​ព្យាបាល​វះកាត់​ដ៏​ត្រឹមត្រូវ​តាម​ក្បួន​វេជ្ជសាស្ត្រ​។ ហើយ​គ្រូពេទ្យ​ជំនាញ និង​បុគ្គលិក​តាម​ផ្នែក​នីមួយ​ៗ បាន​ខំប្រឹង​ប្រែង​ធ្វើការ​យ៉ាង​យកចិត្ត​ទុក ដើម្បី​ធានា​ថា​អ្នកជំងឺ​មាន​សុខមាលភាព​ល្អ ហើយ​អាច​ទទួល​បានការ​ថែទាំ​ដ៏​ល្អ​បំផុត​ពី​ក្រុម​គ្រូពេទ្យ​» ។

មជ្ឈមណ្ឌល​ព្យាបាល​កុមារ​បេះដូង​ជប៉ុន បាន​បង្កើត​ឡើង​ជាង​បី​ឆ្នាំ​ហើយ ដោយ​មាន​ក្រុម​គ្រូ​ពេទ្យ​ខ្មែរ​ និង​ជប៉ុន​រួម​គ្នា​ធ្វើការ​ ដើម្បី​បម្រើសេវា​សុខភាព​ដល់​កុមារី​ និង​ពលរដ្ឋ​ក្រីក្រ​លើ​ជមងឺ​មហារីក ​។ មាន​កុមារី​ក្រីក្រ​ជា​ច្រើន​នាក់ ​បាន​ទទួល​សេវា​ព្យា​ល ​និង​វះកាត់​ពី​មជ្ឈមណ្ឌល មនុស្សធម៌​នេះ​ ។ មជ្ឈមណ្ឌល​ព្យាបាល​កុមារ​បេះដូង​ជប៉ុន​មាន​គោលបំណង​ធ្វើ​ជា​មន្ទីរពេទ្យ​ដែល​ផ្តល់​សេវា​សុខភាព​ប្រកបដោយ​ភាព​ជឿ​ទុកចិត្ត​ទៅ​ដល់​អ្នកជំងឺ​ជាមួយ​បុគ្គលិក​មាន​ភាព​រួសរាយ​រាក់ទាក់​ទន់ភ្លន់ ​និង​មាន​ទំនួល​ខុស​ត្រូវ​ខ្ពស់​ ។ «​ក្នុង​មួ​យស​ប្តា​ហ៍​ចាប់ពី​ថ្ងៃ​ទី ១៣ ដល់​ថ្ងៃ​ទី ១៩ ខែមិថុនា​ខាង​អង្គការ​បេះដូង​ជប៉ុន​បាន​ធ្វើការ​វះកាត់​សរុប​ចំនួន ៣៦​ករណី រួម​មាន​កុមារ ៨ ករណី​និង​មនុស្ស​ពេញវ័យ ២៨ ករណី​។ ទាំង​កុមារ ​និង​មនុស្ស​ពេញវ័យ​បាន​ទទួល​ការ​វះកាត់​ដូច​ជា ​ជម្ងឺ​ក្លន​លូន ដុំ ក្អែល ដុំ​ខ្លាញ់​ជាដើម​។

សូម​អរគុណ​សម្រាប់​ការ​ជួយ​និង​គាំទ្រ​របស់​លោក​អ្នក ហើយ​ពួក​យើង​ក៏​សង្ឃឹមថា ​លោក​អ្នក​នឹង​នៅ​តែ​បន្ត​គាំទ្រ​រាល់​សកម្មភាព​របស់​ពួក​យើង​បន្ត​ទៀត​។ យើង​នឹង​វះកាត់​បែប​នេះ​ជា​រាង រាល់​ស​ប្តា​ហ៍ ហើយ​ពួក​យើង​សង្ឃឹមថា ការ​វះកាត់​របស់​យើង​នឹង​កើនឡើង​ពី​មួ​យស​ប្តា​ហ៍​ទៅ​មួ​យស​ប្តា​ហ៍​» ។ នេះ​ជា​លទ្ធផល​មួយ​ផ្នែក របស់​មជ្ឈមណ្ឌល​នា​ពេល​កន្លង​មក ។ ជា​កន្លែង​ដែល​ទទួល​ព្យាបាល​ពលរដ្ឋ​ក្រីក្រ​ដោយ​ឥត​គិតថ្លៃ មជ្ឈមណ្ឌល​ព្យាបាល​កុមារ បេះដូង​ជប៉ុន បាន​កំពុង​ធ្វើ​យុទ្ធនាការ​ទ​ទយ​ល​បាន​បរិច្ចាគ​ពី​ប​សប្បុរសជន​ក្នុង​ម្នាក់​១​ម៉ឺន​រៀល​។

ម​ជ្ឍ​មណ្ឌល​បាន​អំពាវនាវ​ថា «​ការ​បរិច្ចាគ​មួយ​ម៉ឺន​រៀល មួយ​ម៉ឺន​រៀល មួយ​ម៉ឺន​រៀល ប្រចាំខែ ឱ្យ​ម​ជ្ឃ​មណ្ឌល​ព្យាបាល​កុមារ​បេះដូង​ជប៉ុន គឺជា​សកម្មភាព​ដ៏​ប្រសើរ​មួយ​។ ជា​ទឹកចិត្ត ដ៏​ល្អល្អះ ហើយ​បាន​បុណ្យ​យ៉ាងច្រើន​! ព្រោះ​ការ​សង្គ្រោះ​ជីវិត​កុមារ គឺ​មាន​តម្លៃ​ដ៏​មហិមា​មិន​អាច​កាត់ថ្លៃ​បាន​ ។ នៅ​ក្នុង​ខែមិថុនា គ្រូពេទ្យ​យើង​បាន​វះកាត់​ព្យាបាល​ចំនួន​១៤៦ ករណី​» ៕

អត្ថបទសរសេរ ដោយ

កែសម្រួលដោយ