ខេត្តកណ្តាល ៖ ខារ៉ាអូខេជាច្រើនកន្លែង នៅក្រុងតាខ្មៅ កំពុងបើកដំណើរការដោយលួចលាក់គឺបិទភ្លើងពីមុខ ក្នុងបន្ទប់ផឹកស៊ី ច្រៀងរាំជាធម្មតាដោយមិនបានកែប្រែតាមការណែនាំធ្វើជាភោជនីយដ្ឋានឡើយ ខណៈខារ៉ាអូខហុងកុង ត្រូវបានសមត្ថកិច្ចចុះបង្ក្រាប ។…
ខេត្តកណ្តាល ៖ ខារ៉ាអូខេជាច្រើនកន្លែង នៅក្រុងតាខ្មៅ កំពុងបើកដំណើរការដោយលួចលាក់គឺបិទភ្លើងពីមុខ ក្នុងបន្ទប់ផឹកស៊ី ច្រៀងរាំជាធម្មតាដោយមិនបានកែប្រែតាមការណែនាំធ្វើជាភោជនីយដ្ឋានឡើយ ខណៈខារ៉ាអូខហុងកុង ត្រូវបានសមត្ថកិច្ចចុះបង្ក្រាប ។
នៅយប់ថ្ងៃទី២២ ខែកក្កដា ឆ្នាំ២០២០លោកឧត្តមសេនីយ៍ត្រី ឈឿន សុចិត្ត ស្នងការនគរបាលខេត្តកណ្តាល បានដាក់បទបញ្ជាឲ្យលោកស្នងការរងទទួលផែនការងារនគរបាលព្រហ្មទណ្ឌដឹកនាំកម្លាំងការិយាល័យនគរបាលព្រហ្មទណ្ឌកម្រិតស្រាល និងការិយាល័យអន្តរាគមន៍ សហការជាមួយកម្លាំងអធិការនគរបាលក្រុងតាខ្មៅ និងអាជ្ញាធរក្រុងតាខ្មៅ សង្កាត់តាខ្មៅ ចុះពិនិត្យទីតាំងខារ៉ាអូខេឈ្មោះ ហុងកុង(KTV HONG KONG) ស្ថិតនៅចំណុចភូមិថ្មី សង្កាត់តាខ្មៅ ក្រុងតាខ្មៅ ខេត្តកណ្តាល ។
ម្ចាស់ទីតាំងខារ៉ាអូខេឈ្មោះ យូ ស្រង់ ភេទស្រី អាយុ៤១ឆ្នាំ មានទីលំនៅភូមិក្បាលស្ពាន២ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ពិតជាបានលួចបើកឲ្យភ្ញៀវចូលច្រៀងនៅក្នុងបន្ទប់ខារ៉ាអូខេពិតប្រាកដមែន ។
នៅក្នុងប្រតិបត្តិការនោះ អាជ្ញាធរក្រុងតាខ្មៅបានធ្វើកិច្ចសន្យា និងបានអប់រំណែនាំឲ្យម្ចាស់ទីតាំងខារ៉ាអូខេគោរពតាមសេចក្តីជូនដំណឹងលេខ១២៦៩ សជណ ចុះថ្ងៃទី១០ ខែកក្កដា ឆ្នាំ២០២០របស់រដ្ឋបាលខេត្តកណ្តាល ។
គួរបញ្ជាក់ រដ្ឋបាលខេត្តកណ្តាលចេញសេចក្ដីជូនដំណឹងលេខ ១២៦៩ សជណ ចុះថ្ងៃទី១០ ខែកក្កដា ឆ្នាំ២០២០ ស្ដីពីការអនុញ្ញាតឱ្យអាជីវកម្មក្លឹបកម្សាន្ត និងខារ៉ាអូខេ(KTV)ទាំងអស់នៅខេត្តកណ្ដាលបើកដំណើរការឡើងវិញ ដើម្បីចូលរួមសកម្មភាពសេដ្ឋកិច្ច និងផ្តល់ការងារឡើងវិញ ដោយប្រែក្លាយខារ៉ាអូខេ និងក្លឹបកំសាន្តទាំងអស់ទៅជាលក្ខណៈភោនីយដ្ឋាន ៕
ចែករំលែកព័តមាននេះ