កំពុង​ច្នៃ​ទី​កន្លែងកម្សាន្តនេះ​ ​ចង់​​ទាញភ្ញៀវ​មក​លេង​​កាន់​​តែ​​ច្រើន


ខេត្តកំពង់ឆ្នាំង ៖ ដើម្បី​ទាក់ទាញ​ភ្ញៀវ​ទេសចរ​ឱ្យ​កាន់តែ​មក​ទស្សនា​កន្លែង​របស់​ខ្លួន​កាន់តែ​ច្រើន​ឡើង​បន្ថែម​ទៀត ម្ចាស់​កសិដ្ឋាន​មួយ​ដែលមាន​ទីតាំង​ក្នុងភូមិ​ក្រាំង​ស្គា​ត្បូង (​សូម​អាន​ក្រាំង​ស្គៀ​) ឃុំ​ក្រាំង​ស្គា ស្រុក​ទឹកផុស បាន​ពង្រីក​ការ​ដាំ​ផ្កា​ចម្រុះ​ពណ៌ ក្នុង​សួន​របស់​ខ្លួន​បន្ថែម​ទៀត ធ្វើ​ឱ្យ​មាន​សម្រស់ ស្រស់បំព្រង រួម​ផ្សំ​បន្ថែម​ដោយ​ការ​ធ្វើ​ខ្យុ​ស អង្គុយ​លេង​បន្ថែម​ឱ្យ​កាន់តែ​ច្រើន​ផង​ដែរ ដែល​ធ្វើ​ឱ្យ​កំណើន​ភ្ញៀវ​ទេសចរកាន់​តែ​​ច្រើន​ឡើងព្រោះ​ល្បី​ត​ៗ​គ្នាពី​សម្រស់​ធម្មជាតិ ដែល​កែ​ច្នៃ​​បន្ថែម​ដោយ​ម្ចាស់​កសិដ្ឋាន​​នេះ ។

កញ្ញា គ​ន្ឋា រង្សី ជាក​ម្មការិនី មក​ពី​ស្រុក​កំពង់ត្រឡាច​បាន​បញ្ជាក់ថា គាត់​មក​ទី​នេះ ​ជា​លើក​ទី​១​ហើយ ដោយ​បានឃើញ​តាម​បណ្តាញ​សង្គម ស្តី​អំពី​សម្រស់​សួនផ្កា​នៅ​ទី​នេះ ហើយ​ឈ្លាត​ពី​ទំនេរ ថ្ងៃ​សម្រាក ក្រុម​គ្រួសារ​នេះ​ ក៏ឆ្លៀត​មក​លេង​តាម​គេ​តាម​ឯង​ដែរ ។ ពេល​មក​ដល់​ឃើញ​ដូច​អ្វី​ដែល​គេ​បាន​និយាយ​មែន ពិតជា​មាន​សួនផ្កា​ស្រស់​ស្អាត មាន​សម្រស់​ធម្មជាតិ មានព្រៃ​ឬ​ស្សី មាន​ភ្នំ និង​មាន​ខ្យល់​បរិ​សុ​ទ្ឋ ដែល​មើលទៅ​គួរ​ទាក់ទាញ​ភ្ញៀវ​ទេសចរណ៍​ពិតមែន ក្រៅពី​នោះ​ មាន​ខ្យុ​ស​សម្រាប់​ភ្ញៀវ​មក​ទស្សនា​បាន​អង្គុយ​លេង​កំសាន្ត ផង​ដែរ ។ គាត់​ពិតជា​មាន​អារម្មណ៍​សប្បាយ​រីករាយ ពិតមែន ។ ជា​ចុង​ក្រោយ​គាត់​សំណូមពរ​ឱ្យ​បងប្អូន​បើ​មាន​ចំណាប់អារម្មណ៍ សូម​អញ្ជើញ​មក​ទស្សនា​លេង​កំសាន្ត ព្រោះ​នៅ​ផ្លូវ​ជាមួយ​គ្នា​នេះ ក៍​មាន​កន្លែង​លេង​កំសាន្ត​មួយទៀត គឺ​ទឹកធ្លាក់​ស្រែ​អំពិល ផង​ដែរ ។

បើ​តាម​ការ​បញ្ជាក់​របស់ លោក មួ​ង សា​លៀប ដែល​ជា​មេការ​របស់​កសិដ្ឋាន គ្រី​ន​ហ្វា​ម ខាងលើ​នេះ​បានឱ្យ​ដឹង​ថា​៖ កសិដ្ឋាន​របស់​លោក មិន​ត្រឹមតែ​ដាំ​ផ្កា​ដើម្បី​ទាក់ទាញ​ភ្ញៀវ​ទេសចរណ៍​ប៉ុណ្ណឹង​ទេ បច្ចុប្បន្ន កសិដ្ឋាន​របស់​លោក កំពុង​ពង្រីក​បន្ថែម​នូវ​ខ្យុ​ស​ឬ​ស្សី ឱ្យ​បាន​ពី​២០០ ទៅ​៥០០​ខ្យុ​ស ធ្វើ​រោង​លំហែកាយ ធ្វើ​កន្លែង​បោះ​តង់ សម្រាប់​បងប្អូន​ដែល​មក​សម្រាក​លេង​កំសាន្ត​នៅ​យ​យប់​ថ្ងៃ​សៅរ៍ អាទិត្យ ព្រមទាំង​កំពុង​ដំណើរការ​រៀបចំ កន្លែង​ចិ​ញ្ជឹ​ម​បង្កង ចិ​ញ្ជឹ​ម​ត្រី មាន់ ទា និង​ដាំ​បន្លែ​ធម្មជាតិ សម្រាប់​បំរើសេវា​អតិថិជន​មិន​ឱ្យ​ខ្វះ​ឡើយ ហើយ​ធានា​សុវត្ថិភាព​ចំណីអាហារ​ទៀត​ផង​។

សូម​បញ្ជាក់​ថា​៖ កសិដ្ឋាន​គ្រី​ន​ហ្វា​ម មាន​ទីតាំង​ស្ថិត​នៅ​ចម្ងាយ​ជាង ៥០​គីឡូម៉ែត្រ​ពី​ខាងលិច​ទីរួមខេត្ត​កំពង់ឆ្នាំង ជាប់​តាម​បណ្តោយ​ផ្លូវ​រថភ្លើង​ត​ភ្ជាប់​ខេត្តកំពង់ឆ្នាំង​និង​ពោធិ៍សាត់​៕

Facebook Google Twitter Email

Live

Sponsored News

ការស្ទង់មតិគេហទំព័រថ្មី




សូម​អរគុណ