រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានស្នើសុំដល់ប្រជាពលរដ្ឋត្រូវប្រុងប្រយ័ត្នខ្ពស់ដោយកុំមើលស្រាលជំងឺកូវីដ១៩ ឲ្យសោះ ។ ការស្នើសុំរបស់ប្រមុខរាជរដ្ឋាភិបាល ខណៈដែលប្រជាជនកម្ពុជាចំនួន១៩៧…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានស្នើសុំដល់ប្រជាពលរដ្ឋត្រូវប្រុងប្រយ័ត្នខ្ពស់ដោយកុំមើលស្រាលជំងឺកូវីដ១៩ ឲ្យសោះ ។ ការស្នើសុំរបស់ប្រមុខរាជរដ្ឋាភិបាល ខណៈដែលប្រជាជនកម្ពុជាចំនួន១៩៧ នាក់ បានឆ្លងជំងឺកូវីដ១៩ និងបានព្យាបាលសះស្បើយចំនួន១៤០នាក់ គិតត្រឹមថ្ងៃទី២១ ខែកក្កដា ឆ្នាំ២០២០ ។
សម្តេចតេ ជោហ៊ុន សែន បានសរសេរលើកបណ្តាញសង្គមនៅថ្ងៃទី២៣ ខែកក្កដា ឆ្នាំ ២០២០ថា សូមបងប្អូនប្រជាពលរដ្ឋថែរក្សាសុខភាពកុំអោយឆ្លងជំងឺកូវីដ-១៩ ។ សម្តេចបញ្ជាក់ថា ៖«ទោះបីកម្ពុជាយើងមានអត្រាឆ្លងកូវីដ-១៩ទាប ឬទោះបីពុំមានអ្នកជំងឺស្លាប់ដោយសារជំងឺកូវីដ១៩ ប៉ុន្តែសូមបងប្អូនប្រជាពលរដ្ឋត្រូវមានការប្រុងប្រយ័ត្នគ្រប់ពេល កុំមើលស្រាលជំងឺកូវីដ-១៩អោយសោះ ព្រោះជំងឺរលាកផ្លូវដង្ហើមនេះ គឺជាជំងឺឆ្លងរាត ត្បាតដ៏កាចសាហាវបំផុត ហើយពុំទាន់មានថ្នាំព្យាបាលនៅឡើយទេ ។
សម្តេចបានគូសបញ្ជាក់ថា អ្វីដែលយើងទាំងអស់គ្នាអាចធ្វើបានងាយៗ គឺឧស្សាហ៍ដុសលាងសម្អាតដៃជាមួយសាប៊ូ ជែលសម្លាប់មេរោគ ឬទឹកអាល់កុល ហើយប្រើប្រាស់ម៉ាសអោយបានជាប្រចាំ ។ យើងរស់នៅត្រូវមានសុខភាពល្អ ព្រោះបើអស់សុខភាពហើយ អ្វីៗក៏នឹងបាត់បង់ទៅជាមួយដែរ ៕
ចែករំលែកព័តមាននេះ