ADផ្ទាំងផ្សព្វផ្សាយពាណិជ្ជកម្ម

Picture

4​ខេត្ត​ជាប់​តំបន់ឆ្នេរ​ប្រារព្ធ​ពិធី​ដុត​កម្ទេច​​គ្រឿងញៀ.ន​51​គីឡូ​ក្រាម​

3 ឆ្នាំ មុន
  • ព្រះសីហនុ

ខេត្ត​ព្រះ​សីហ​នុ ៖ គ្រឿងញៀន​ចម្រុះ​ជាង ៥១​គីឡូក្រាម ដែល​រឹបអូស​បាន​ពី​ជនល្មើស​នៅ​ក្នុង​​ខេត្ត​ចំនួន​៤​ជាប់​តំបន់ឆ្នេរ​រួម​មាន ខេត្ត​ព្រះ​សីហ​នុ ខេត្តកោះកុង ខេត្តកំពត និង​ខេត្ត​កែប ត្រូវ​បាន​ប្រារព្ធ​ពិធី​ដុត​កម្ទេច​ចោល…

ខេត្ត​ព្រះ​សីហ​នុ ៖ គ្រឿងញៀន​ចម្រុះ​ជាង ៥១​គីឡូក្រាម ដែល​រឹបអូស​បាន​ពី​ជនល្មើស​នៅ​ក្នុង​​ខេត្ត​ចំនួន​៤​ជាប់​តំបន់ឆ្នេរ​រួម​មាន ខេត្ត​ព្រះ​សីហ​នុ ខេត្តកោះកុង ខេត្តកំពត និង​ខេត្ត​កែប ត្រូវ​បាន​ប្រារព្ធ​ពិធី​ដុត​កម្ទេច​ចោល កាលពី​ព្រឹក​ថ្ងៃ​ទី​២២ ខែកក្កដា ឆ្នាំ​២០២០ នៅ​ក្នុង​សង្កាត់​លេខ​១ ក្រុងព្រះសីហនុ ។

ពិធី​នេះ​មានការ​ចូលរួម​ពី​ឯកឧត្តម កើត រិ​ទ្ធ រដ្ឋមន្ត្រី​ក្រសួងយុត្តិធម៌ ឧត្តមសេនីយ៍ឯក នាក់​ យុទ្ធ អ​គ្ក​លេខាធិការ​រង​នៃ​អគ្គលេខាធិការដ្ឋាន​អាជ្ញាធរ​ជាតិ​ប្រយុទ្ធ​ប្រឆាំង​គ្រឿងញៀន ឯកឧត្តម ជាម ហុ​ី​ម ប្រធាន​ក្រុមប្រឹក្សា​ខេត្ត ឯកឧត្តមគួ​ច ចំរើន អភិបាលខេត្ត ថ្នាក់ដឹកនាំ​និង​អាជ្ញា​ធរមាន​សមត្ថកិច្ច​ខេត្ត​ទាំង​៤ ព្រមទាំង​ស្ថាប័ន​តុលាការខេត្ត ប្រជាពលរដ្ឋ​សិស្សានុសិស្ស លោកគ្រូ​អ្នកគ្រូ ក្រុម​យុវជន​កាយឫទ្ធិ សាខា​កាកបាទក្រហម ។

នា​ឱកាស​នោះ ឯកឧត្តម សៀង សុខ ព្រះរាជ​អាជ្ញា​អម​សាលាដំបូង​ខេត្ត​ព្រះ​សីហ​នុ តំណាង​ឱ្យ​ស្ថាប័ន​តុលាការ​ទាំង​៤​ខេត្ត បាន​ធ្វើ​របាយការណ៍​ឲ្យ​ដឹង​ថា ការ​ដុត​កម្ទេច​ចោល​គ្រឿងញៀន​ដែល​ស្ថា​ប​ន័​តុលាការ​តាម​ខេត្ត​នីមួយ​ៗ​សម្រេច​ក្តី​ជា​ស្ថាពរ​តាម​នីតិវិធី​ច្បាប់​រួម​មាន ខេត្ត​ព្រះ​​សីហ​នុ មាន​ជាង​៣០​គីឡូក្រាម ខេត្តកោះកុង​មាន​ជាង​២០​គីឡូក្រាម ខេត្តកំពត​និង​កែប​មាន​ជាង​២​ក្រាម ។ ថ្នាំ​ញៀន​ចម្រុះ​ជាង​៥១​គីឡូក្រាម​ដែល​ត្រូវ​បាន​ដុត​ចោល​នេះ ជា​ភ័ស្តុតាង​ជាក់ស្តែង​ក្នុង​ការ​បង្ក្រាប​របស់​កម្លាំង​សមត្ថកិច្ច ។ អាជ្ញាធរ​ជាតិ​ប្រយុទ្ធ​ប្រឆាំង​គ្រឿងញៀន​ប្តេជ្ញា​បង្ការ ទប់ស្កាត់ ប្រយុទ្ធ​ប្រឆាំង​គ្រឿងញៀន​ឱ្យ​បាន​ខ្លាំង​ថែម​ទៀត ។

ឧត្តមសេនីយ៍ទោ ជួន ណា​រិ​ន្ទ ស្នងការ​នគរ​បាល​ខេត្ត​ព្រះ​សីហ​នុ និង​ឯកឧត្តម គួ​ច ចំរើន អភិ​បាល​ខេត្ត និង​ជា​ប្រធាន​គណៈ​បញ្ជាការ​ឯកភាព​ខេត្ត បាន​មាន​ប្រសាសន៍​ថា ជា​លទ្ធផល ការ​អនុ​វត្ត​ផែនការ​ក្នុង​យុទ្ធនាការ​ប្រឆាំង​គ្រឿង​ញ​ញៀន​លើក​ទី​៥ ឆមាស​ទី​១ ឆ្នាំ​២០២០ របស់​គណៈ​បញ្ជាការ​ឯកភាព​ខេត្ត​ព្រះ​សីហ​នុ ក៏​ដូច​ជា​គណៈកម្មាធិការ​ត្រួតពិនិត្យ​គ្រឿងញៀន​ខេត្ត​ទទួល​បាន​លទ្ធផល បង្ក្រាប​បាន​ចំនួន​១២​ករណី ឃាត់ខ្លួន​ជនសង្ស័យ​បាន​ចំនួន​២៥៦​នាក់​(​ស្រី​២០​នាក់​) ក្នុង​នោះ​ជនបរទេស​ចំនួន​២០​នាក់​(​ស្រី​៥​នាក់​) ជនជាតិ​ចិន​១៨​នាក់​(​ស្រី​៥​នាក់​) ជនជាតិ​ឥណ្ឌូ​ណេ​ស៊ី​២​នាក់ និង​ដកហូត​វត្ថុ​តាង​មាន ថ្នាំ​ញៀន​មេ​តំ​ហ្វេ​តា​មីន​ទឹកកក ថ្នាំ​ញៀន​ប្រភេទ​មេ​តំ​ហ្វេ​តា​មីន​គ្រាប់​(WY) ថ្នាំ​ញៀន​នី​មេតា​ហ្សេ​ប៉ា​ម ថ្នាំ​ញៀន​កេ​តា​មីន រុក្ខជាតិ​ញៀន​(​កញ្ឆា​)និង​ប្រភេទ​ថ្នាំ​ញៀន​ជា​ច្រើន​មុខ​ទៀត ។

ឯកឧត្តម​អភិបាលខេត្ត​ថ្លែង​ទៀត​ថា ទាំងនេះ​ជា​លទ្ធផល​នៃ​កិច្ច​ខិតខំ​ប្រឹងប្រែង​របស់​រដ្ឋបាល​ខេត្ត ក៏​ដូច​ជា​គណៈកម្មាធិការ​ត្រួតពិនិត្យ​គ្រឿង​ញៀន​ខេត្ត និង​ការ​ចូលរួម​ពី​យើង​ទាំងអស់​គ្នា​ដែល​នាំ​ឲ្យ​សម្រេច​បាន​នូវ​លទ្ធផល​ល្អ ។

ឯកឧត្តម កើត រិ​ទ្ធ រដ្ឋមន្ត្រី​ក្រសួងយុត្តិធម៌ និង​ជា​អនុប្រធាន​អាជ្ញាធរ​ជាតិ​ប្រយុទ្ធ​ប្រឆាំង​គ្រឿ​ង​ញៀន មាន​ប្រសាសន៍​ថា ទោះជា​យ៉ាង​ណា​ក៏​សភាព​ការ​រណ៍​គ្រឿងញៀន​មក​ពី​ខេត្ត​ផ្សេង ក្នុង​តំបន់ និង​ពិភពលោក នៅ​តែ​បន្ត​ជះ​ឥទ្ធិពល​មក​ដល់​សន្តិសុខ សណ្តាប់ធ្នាប់ សុខភាព​សាធា​រណៈ ដែល​ចាំបាច់​យើង​ត្រូវ​តែ​ចាត់​វិធាន​ការ​ឲ្យ​បាន​ម៉ឺង​មាត់​និង​ជាក់លាក់ ដើម្បី​ដោះ​ស្រាយ​បញ្ហា​ប្រឈម​ទាំងនេះ ៕

អត្ថបទសរសេរ ដោយ

អត្ថបទសរសេរ ដោយ

កែសម្រួលដោយ